دویم قورنتییل 5:19 - کتاب مقدس به زبان کردی جنوبی - گویش کلهوری

¹⁹ یانێ که خودا وەناو مەسیح بی و ئی جهانه وەگەرد خوێەو ئاشتی دیاد و خەتایل مەردم وه حساویان نیشتیاد و پێخام ئاشتی سپارده پێمان.

دویم قورنتییل 5:19 ပူးပေါင်းရင်းမြစ်များ

ئنجیل مەتا 1:23

«بنوڕ دویەتئازەوێگ زگێ پڕ بود و کوڕێ تیەرێده دنیا و ناوێ نەنه عمانوئیل،» عمانوئیل یانێ ’خودا ها گەردمان‘.

یوحەنا 14:20

وه ئەو ڕوژه، زانین که مه هامه ناو باوگم و ئیوەیش هاینه ناو من و مه هامه ناو ئیوه.

یوحەنا 17:23

من هامه ناو ئەوانه و تو هایده ناو من. تا که وه تەمامی بونه یەکی تا جهان بزانێ تو مه کل کردی و ئەوانیش هەر ئەوجورە دوس داشتی که مه دوس داشتی.

رومیەگان 11:15

چوینکه ئەگەر ڕەد بوین ئەوانه وه ماناێ ئاشتی جهان وەگەرد خوداس، قەبوڵ بوینیان چ ماناێگ دێرێ، بێجگه زنیەو بوین له مردگیل؟

یەکم قورنتییل 13:5

مابەت بی ئەدەو نیه، مابەت وەشون نەف خوەێ نیه، مابەت وه ئی ئاسانیه توڕه نیود و قینه دڵ نیەگرێ؛

نامه وه کولوسییل 2:9

چوینکه گشت پڕی خودا بوین، وه شێوەێ جەسەێ وەناو مەسیح نیشتەجێه،

یەکم نامەێ تیموتاوس 3:16

بێ گومان که راز خوداپەرەسی فره فره گەوراس: عیسا له جەسه دیار دا، له ڕێ روح خودا ڕاس بوینی مور کریاد، فریشتەیل دینەێ، وه ملەتیل بانگەوازی کریا، مەردم جهان وه ئەیو ئیمان هاوردن، وەگەرد جەڵاڵەو، بەرزەو کریا.

یەکم یوحەنا 4:10

مابەت هەر ئیەسه، نه ئەوه که ئیمه خودا مابەت کردیمنه، بەڵکەم ئەیو ئیمه مابەت کرد و کوڕەگەێ خوەێ کل کرد تا بوده کەفارەت گونایلمان.