دویم قورنتییل 5:11 - کتاب مقدس به زبان کردی جنوبی - گویش کلهوری

¹¹ جا وەختێ ماناێ زاور چین له خوداوەند زانیمن، تەقالا کیم تا مەردم قانێ بکێم. ئەو چشته که هیمن ئەڕا خودا ئاشکراس و ئمیدوارم ئەڕا وژدان ئیوەیش ئاشکرا بود.

دویم قورنتییل 5:11 ပူးပေါင်းရင်းမြစ်များ

ئنجیل مەتا 10:28

وه کەسیلێگ که جەسه کوشن وەلێ تویەناێ کوشتن گیان نێرن ڕخدان نەچود؛ بەڵکەم وه ئەوه ڕخدان بچود که تویەنێ گیان و جەسه وەیەکەو وەناو جەهەنم نابود بکێ.

ئنجیل مەتا 25:46

جا ئەوانه چنه ئەڕا ناو سزاێ ئەبەدی، وەلێ سالحان ئەڕا زنەیی ئەبەدی.»

لوقا 12:5

وەلێ وەپێدان نیشان دەم له کی باێه ڕخدان بچود: له ئەوه که وەشون کوشتن جەسه، دەسڵات ئیه دێرێ بخێده جەهەنم. بەڵێ، وه ئیوه ئویشم، له ئەوەسه که باێه ڕخدان بچود.

لوقا 16:31

ئێبراهیم وەپێ وەت: ”ئەگەر گوش نێەنه موسا و پەێخەمەریل، تەنانەت ئەگەر کەسێ وەناو مردگیل زنیەو بود، باوەڕ نیەکەن.»

کاریل ڕەسولەیل 13:43

جا وەشون ئیه که مەردم له کەنیسەگه دانه‌ دەیشت، قێر فرەێگ له جویلەکەیل و خوداپەرەسەیلێ که بوینه جویلەکە، کەفتنه شون پولوس و بەرنابا. ئەوانیش ئەڕاێان قسیه کردن تا وەناو فیز خودا بەردەوام بمینن.

کاریل ڕەسولەیل 18:13

وەتن: «ئی پیا مەردم وادار کێ تا وەگەرد ڕێ رەوشتێگ وه پێچەوانەێ شەریعەت، خودا بپەرەسن.»

کاریل ڕەسولەیل 18:4

ئەوه هەر شەبات که هەر ئەو شەمەێ موقەدەس جویلەکەیله، وەناو کەنیسه باس کردیاد و تەقالا کردیاد تا جویلەکەیل و یونانیەگان قانێ بکێ.

کاریل ڕەسولەیل 19:26

ئەوجورە که دوینین و شنەفین، ئی پولوسه نه تەنیا وەناو ئەفسوس، بەڵکەم هەڵاێه وه سەرئانسەر ئاسیا، فرەێگ له مەردم قانێ کردێه و له ڕێ دەریان کردێه. ئەوه ئویشێ خودایل درس کریاێ وه دەس بەشەر، خودا نین.

کاریل ڕەسولەیل 26:26

چوینکه پادشا خوەێ ئی چشتیله زانی و منیش وه ئازای وەگەردێ قسیه کەم، ئەڕا ئیه که باوەڕ دێرم هویچکام له ئیانه له وەر چەویان دویر نەمەنیه، چوینکه هویچکامێان وه دزیەو هەڵنەکەفتیه.

کاریل ڕەسولەیل 28:23

جا ڕوژێگ دیاری کردن و قێر فرەێگ هاتنه ماڵەگەێ تا بویننێ. ئەویش له شەوەکیەو تا ئێواره، ئەڕاێان له باوەت پادشاێ خودا شێو کردیاد و وەگەردێان قسیه کرد و تەقالا کردیا له تەورات موسای پەێخەمەر و کتاو پەێخەمەریل، له باوەت عیسا قانێیان بکێ.

دویم قورنتییل 2:17

ئەڕا ئیه که ئیمه جور قێر فرەێگ که ئەڕا نەف خوێان خەریک دەسفروشی کەڵام خودان، نیمن، بەڵکەم له لاێ خودا وەناو مەسیح قسیه کەیمن، هەر جور مەردم ڕویڕاسێگ که له لاێ خودا مامور بینه.

دویم قورنتییل 5:20

جا سەفیریل مەسیحیم، وه لەونی که خودا له زوان ئیمه ئەڕا ئاشتی دەنگدان کێ. ئیمه لەلاێ مەسیحەو لاڵکیمنه پێدانەو که وەگەرد خودا ئاشتی بکێن.

دویم قورنتییل 6:1

وه جیگەێ هاوکاریل خودا، لاڵکییمنه پێدانەو که فیز خودا وەناو زنەییدان پویچەو نەکێن.

نامه وە غەلاتییل 1:10

ئێ ئێرنگه هامه شون ئیه که ئایەمیل مورم بکەن یا خودا؟ یا مه تەقالا کەم ئایەمیل خوەشنودەو بکەم؟ ئەگەر هێمراێ وه شون خوەشنود کردن ئایەمیلەو بویام، خوڵام مەسیح نویام.

ئەفسوسیێل 5:21

له ڕوی حرمەتی که وه مەسیح دێرین، گوش له یەکترەکی بتەکنن.

عبرانییل 10:31

کەفتن وه دەسيل خوداێ زنی چشت زیلەتەرەکنیگه.

عبرانییل 12:29

چوینکه «خوداێ ئیمه ئاگرێگه که سزنێد و کەێده خوڵەکەو.»

یەهودا 1:23

بڕێگ وەناو ئاگر بکیشنه دەیشت و نجات بێین؛ وه بڕێگتر وه ترسەو، بەزەیی نیشان بێین. تەنانەت له دڵنگێگ که وه هەواوهەوەس جەسه چەپەڵەو بویه، قیندان باێد.

وەحی وه یوحەنا 20:15

جا هەر کەسێگ که ناوێ له دەفتەر ژیان نەنویسریاوی، فڕه دریاده ناو دەریاچەێ ئاگر.