دویم قورنتییل 5:10 - کتاب مقدس به زبان کردی جنوبی - گویش کلهوری

¹⁰ چوینکه گشتمان باێه لەنواێ تەخت داوەری مەسیح بوسیم، تا هەر کەس وه پێ کردەوێ که وەناو جەسەێ کردێه، چ خاس بود چ خراو، سزاێ بوینی.

دویم قورنتییل 5:10 ပူးပေါင်းရင်းမြစ်များ

ئنجیل مەتا 16:27

«ئەڕا ئیه که کوڕ ئنسان وەناو جەڵاڵ باوگ ئاسمانی خوەێ وەگەرد فریشتەگانێ تێیدەو، ئەوسا دەسخوەشانەێ هەر کەسێگ وه پێ کردەوێ دەێدەو.

کاریل ڕەسولەیل 10:42

ئمجا دەستور دا پێمان تا ئی حەقیقەته ئەڕا قەوم جار بێیم و شاێەتی بێیم که خودا ئەیو ئەڕا داوەری زنییل و مردگیل داناس.

کاریل ڕەسولەیل 17:31

چوینکه ڕوژیگ دیاری کردێه که وەناوێ له ڕێ پیاێگ که دەسنیشانێ کردێه، جهان داداپەروەرانه داوەری کەێ. جا وەگەرد زنیەو کردنێ له مردگیل، گشتیەکی له ئی کاره دڵنیاوه کردێه.»

رومیەگان 2:16

ئیه ڕوژیگ هەڵکەفێ که خودا وه پێ ئینجیلێگ که من جار دەم، رازیل دڵ ئایەمیل له ڕێ مەسیح عیسا داوەری کەێ.

رومیەگان 6:19

من وەبونەێ بی هازییل سریشت بەشەریدان، ئی چشتیله وەگەرد کەلیمەیل بەشەری ئویشم: هەر ئەوجورە که یەێ وەختێگ ئەنامیل جەسەدان جور خوڵام داینه دەس ناپاکی و خراوی که وەرەو خراوییل فرەتر بەێد، ئێرنگەیش ئەنامیل جەسەدان جور خوڵام بێینه دەس سالح بوینی که وەرەو قودوسیەت بەێد.

یەکم قورنتییل 4:5

جا له باوەت هویچ چشتێگ وەرجه هاتن خوداوەند داوەری مەکەن. خوداوەندێگ که چشتیلی که ئێرنگه وەناو تیەریکی شاریاسەو، وەناو ڕوشنایی ئاشکرا کێ و نیەتیل دڵ ئاشکرا کێ. ئەوسا هەرکەس له لاێ خوداوه هان دریەد و تاریف کریەید.

دویم قورنتییل 7:3

من ئیه ئەڕا ماکوم کردنێدان، نیویشم. چوینکه وەرجەوە وەپێدان وەتویم که ئەوجورە ئیوه هاینه ناو دڵمان که گورجیم تا وەگەرددان وه یەکەو بمریمن و وەگەرددان وه یەکەو زنەیی بکێم.

ئەفسوسیێل 6:8

چوینکه زانين خوداوەند وه هەر کەسێگ دەسخوەشانەێ گشت کاریل خاسێ دێ، تواێ خوڵام بود، تواێ ڕزگار.

عبرانییل 9:27

هەر ئەوجورە که ئەڕا ئایەم یەێ جار مردن و لەشونی داوەری دیاری کریاس،

یەکم پتروس 4:5

وەلێ ئەوانه وه خوداێگ که ‎گورجه تا وه مل زنییل و مردگیل داوەری بکێد، حساو دەنەو.

وەحی وه یوحەنا 2:23

جا مناڵیلی کوشم. ئەو وەخته گشت کلیسایل زانن من هەر ئەوەمه که فکر و دڵ گەردم و وه هەر کامدان وه پێ کاریلێ سزا دەم.

وەحی وه یوحەنا 22:12

«بنوڕ، و ئی زویه تیەم و دەسخوەشانەێ من ها گەردمەو تا وه هەر کەس وه پێ کارێ که کردێه له جێ بيەمه پێ.