دویم قورنتییل 5:1 - کتاب مقدس به زبان کردی جنوبی - گویش کلهوری

¹ ئێرنگه زانیمن هەر وەخت ئی دەواره که ها بان زەوی که وەناوێ نیشتەجێیمن بڕمێد، ماڵێگ له خودا دێریم که ئەبەدیه و ها ناو ئاسمان، ماڵی که دەس درسی نەکردیه.

دویم قورنتییل 5:1 ပူးပေါင်းရင်းမြစ်များ

مەرقوس 14:58

«ئیمه خوەمان شنەفتیمنه که وەتیا، ”ئی مابەده که وه دەس بەشەر درس کریاس خراوی کەم و وەناو سێ ڕوژ، مابەدێگ تر درس کەم که وه دەس بەشەر درس نەکریاوی“»

کاریل ڕەسولەیل 7:48

«وەلێ خوداێ هەربەرز وەناو ماڵيلی که وه دەس درس کریاس نیشتەجێ نیود، ئەوجورەکە ئەشعەیاێ پەێخەمەر وەتیه:

یەکم قورنتییل 3:9

ئیمه تەنیا هاوکاریل خودایمن و ئیوه زەویزار و ماڵێگ هن خوداین.

دویم قورنتییل 4:7

وەلێ ئی گەنجینه لەناو دەفریل خەڕێین دێریم، تا ئاشکراوه بود که ئی هێز ئەڵاجویە له خوداس نه له ئیمه.

دویم قورنتییل 5:4

چوینکه تا وەختێگ که هایمنه ناو ئی دەواره وه دەرد گرانێگ ئاخ هەڵکیشیم، چوینکه نیەتوایم دڵنگ له وەر دەر باریم، بەڵکەم دڵنگێگ تر بکێمنه وەر تا ژیان، ئەو چشته که مرێ قویرتەو بێی.

نامه وه کولوسییل 2:11

وەناو مەسیح خەتەنەیش کریاین، خەتەنەێگ که وه دەس نەکریاس. ئی خەتەنه وەگەرد له وەر دەر هاوردن شەخسیەت جەسەیه، وەگەرد خەتەنەێگه که مەسیح کردێه.

دویم تیموتاوس 1:12

وه بونەێ ئیەسه که ئیجوره رەنج کیشم، وەلێ شەرمزار نیم، ئەڕا ئیه که زانم وه چ کەسێگ ئیمان هاوردمه و دڵنیام که ئەیو تویەناس ئەمانەتەگەم تا وەئەو ڕوژه بپارێزنێد.

عبرانییل 11:10

چوینکه چەوەڕێ شارێگ بی که بنیادێ بەردەوامه و مێمار و درسکەرەگەی خوداس.

عبرانییل 9:11

وەلێ وەختێگ مەسیح له جیگەێ کاهن گەوراێ ئەو چشتیل خاسه ئاشکرا بی که ئێرنگه هاتنەسه دی، چیەسه ناو دەوارێگ گەوراتر و کامڵتر که وه دەس ئایەم درس نەکریاس. یانێ هن ئی درسکریایه نیه.

عبرانییل 9:24

چوینکه مەسیح نەچیه ناو موقەدەسترین شونێگ که وه دەس بەشەر درس کریاوی که نمونەێگ له چشتیل ڕاسەکانیه، بەڵکەم چیه ناو خود ئاسمان تا ئێرنگه له جێ ئیمه له لاێ خوداوه ئاشکرا بود.

یەکم پتروس 1:4

ئەڕا میراتیێگ که له بین نیەچود و بی لەکەس و نیەسیسێید که ئەڕا ئیوه وەناو ئاسمان نریاسه لا؛

دویم پتروس 3:11

جا ئیسه که گشت ئیانه وەئی جوره تویچیەن، ئیوه چوی مەردمیلێگ باێه بوین؟ ها ملدانەو که زنەیی موقەدەس و خودا پەسەنێگ بیاشتوین.

یەکم یوحەنا 3:14

ئیمه زانیمن که له مەرگ گوزەریایمنه و رەسیمنەسه ژیان، چوینکه دوس برایل دێریم. هەر کەسێگ که مابەت نیەکێ، وەناو مەرگ نیشتەجێه.

یەکم یوحەنا 3:19

له ئیه تویەنیم بزانیم که وه ڕاسی تالوق دێریم و تویەنیمن دڵ خوەمان وه لاێ خودا دڵنیاوه بکێم.

یەکم یوحەنا 3:2

ئێ عەزیزەیل، ئێرنگه ڕوڵەیل خودایم، هێمراێ ئاشکرا نویه بویمنه چه. وەلێ زانیمن وەختێ ئەیو ئاشکرا بود بویمنه وێنەێ ئەیو، چوینکه ئەیو هەر ئەوجورە که هەس، دوینیمنێ.