دویم قورنتییل 3:6 - کتاب مقدس به زبان کردی جنوبی - گویش کلهوری

⁶ ئەیو لیاقەت بەخشیەسه پێمان تا خزمەتکاریل پەێمان نو بویمن، پەێمانێگ که وه کار روح خودا بەردەوامه، نه وه ئەو چشته که نویسریایگ فرەتر نیه. چوینکه ’نویسریای‘ کوشێد، وەلێ روح خودا زنەیی بەخشێد.

دویم قورنتییل 3:6 ပူးပေါင်းရင်းမြစ်များ

ئنجیل مەتا 13:52

عیسا فەرمایش کرد: «جا، هەر ماموستاێ تەوراتێگ که له باوەت پادشایی ئاسمان تالیم گردێه، جور ساێو ماڵێگه که له گەنجینەێ خوەێ چشتیل نو و کویەنه دەر تیەرێ.»

ئنجیل مەتا 26:28

ئیەسه خوین مه ئەڕا پەێمان تازه که وەبونەێ قێر فرەێگ ئەڕا بەخشین گونایل، ڕشێید.

مەرقوس 14:24

وەپێان وەت: «ئیەسه خوین مه ئەڕا پەێمان تازه که وەبونەێ فره له کەسیل ڕشێی.

لوقا 22:20

هەر ئیجوره وەشون نان ئێواره جامەگه هەڵگرد و وەت: «ئی جامه، پەێمان تازەێگه وەناو خوین منه، که وەبونەێ ئیوه ڕشێی.

یوحەنا 5:21

چوینکه هەر ئەوجورە که باوگ مردگیل زنیەو کەید و زنەیی وەپێان بەخشی، کوڕیش وه هەر کەسێگ که خوەێ بتواێ، زنەیی بەخشی.

یوحەنا 6:63

روح خوداس که زنەیی بەخشی؛ جەسه وه هویچ دەردیگ نیەخوێ. قسیەیلی که مه وه گەردانەو کردمه، روح و زنەییه.

رومیەگان 1:5

ئیمه له ڕێ ئەیو و وەبونەێ ناوێ فیز و خزمەت ڕەسول بێن دریاسه پێمان تا وەناو گشت ملەتیل، مەردم دەنگ بکێم ئەڕا گوش تەکانن له ئیمان.

رومیەگان 3:20

چوینکه وەگەرد وه جێ هاوردن کردەوەێ شەریعەت هویچ بەشەرێگ له وەر چەو خوداوه سالحان وه حساو نیەتێید، چوینکه شەریعەت له باوەت گونا ئاگادارمان کەێد.

رومیەگان 4:15

چوینکه شەریعەت خەزەو خودا تیەرێ؛ وەلێ شونێ که شەریعەت نیه، دەس دریژی له شەریعەتیش نیه.

رومیەگان 4:17

ئەوجورە که وەناو تەورات نویسریاس: «مه تو کردمەسه باوگ ملەتیل فرەێگ.» له وەر چەو خودایش ئیجورەسه، خوداێ که ئێبراهیم وەپێ ئیمان هاورد، خوداێ که مردگیل زنیەو کەێ و چشتیلی که نیەن، تیەرێده دی.

رومیەگان 7:6

وەلێ ئێرنگه وەگەرد مردن لەباوەت ئەو چشته که ئیمه گیروده کردوی، له شەریعەت ڕزگار بویمنه تا وەناو ڕێ تازەێ روح خودا خزمەت بکێم، نه وەناو ڕێ کویەنەێ شەریعەت نویسریاێگ.

رومیەگان 8:2

چوینکه وەناو مەسیح عیسا، شەریعەت روح زنەیی له یاساێ گونا و مەرگ ڕزگاردان کردێه؛

یەکم قورنتییل 11:25

هەر ویجوره، وەشون نان ئێواره، جامەگه هەڵگرد و فەرمایش کرد: «ئی جامه، پەێمان تازەس که وەگەرد خوین مه رەسمیەو بود. هەر جار که له لێ خوین، وه یاد مه ئیجوره بکەن.»

یەکم قورنتییل 12:28

خودا وەناو کلیسا دانا، یەکم ڕەسولەیل، دویم نەبوەتکەریل، سێیەم ماموستایل؛ وەشونێ هێز موجزەیل، ئمجا خەڵاتییل شەفا داین و مەیەت داین و ئێداره کردن و قسیه کردن وه زوانیلتر.

یەکم قورنتییل 15:45

ئەوجورە که وەناو تەورات نویسریاس: «ئنسان یەکم، یانێ ئایەم، بیه گیانێگ زنی»؛ ئایەم ئاخر، بیه روحێگ زنەیی دەر.

یەکم قورنتییل 3:10

وه پێ فیزێگ که خودا بەخشاسه پێم، جور بەناێگ کار زان بنەواێگ دامەزرانم و یەکیگ تر وه سەری بنیاد نی. وەلێ هەر کەس باێه ئاگادار بود که چوی درسێ کەێد.

یەکم قورنتییل 3:5

مەر ئاپولوس کیه؟ پولوس کیه؟ ئەوانه تەنیا خزمەتکاریلێگن که خودا کارێگ داسه دەس هەر کامێان تا ئیوه له ڕێ ئەوانه ئیمان بارین.

دویم قورنتییل 11:23

ئێ خزمەتکار مەسیحن؟ جور شێتیل قسیه کەم، مه فرەتر هەم! له گشت سەختتر کار کردمه، چەن جار فرەتر له ئەوانه کەفتمەسه زندان، له گشت فرەتر قەمچی خواردمه، چەن جار وەگەرد مەرگ ڕوی وه ڕوی بیمه.

دویم قورنتییل 3:14

وەلێ زەینێان تیەریکەو بی. چوینکه تا وه ئیمڕو، هەر وەخت پەێمان کویەنه خوەنن ئەو ڕویبەنه مەنیه و لا نەوریاس، چوینکه تەنیا وه وەسلەێ مەسیح لاچود.

دویم قورنتییل 3:3

ئیوه نیشان داینه که نامەێ مەسیحین و بەر خزمەت ئیمه، نه وه مرەکەو، بەڵکەم وه روح خوداێ زنی نویسریاس، نه وه سەر تەخته کوچگیگ، بەڵکەم وه سەر تەخته دڵیل بەشەری.

دویم قورنتییل 3:7

ئێرنگه، ئەگەر خزمەتێگ که بویاده بایس مردن و وه کەلیمەیل هەڵکەنریاێ وه سەر کوچگ بەردەوامه، وه جەڵاڵەو ئاشکرا بوی، وه لەونی که قەوم ئێسرائیل وەبونەێ جەڵاڵ دەمچەو موسای پەێخەمەر نیەتویەنسیان بنوڕنه پێەو، هەر چەن ئەو جەڵاڵه وەرەو نابودی چیاد،

دویم قورنتییل 3:9

چوینکه ئەگەر خزمەتی که تاوانبار کردیا وەگەرد جەڵاڵەو بی، چەنێ فرەتر خزمەتی که بوده بایس سالح بوین، پڕ له جەڵاڵه!

نامه وە غەلاتییل 3:21

جا ئێ شەریعەت ها له ڕوی وه ڕوی وادەیل خودا؟ هەراێهەر! چوینکه ئەگەر شەریعەتێگ دریاوی که بتوانستیا زنەیی بوەخشێ، ئمجا وەڕاسی سالح بوین له ڕێ شەریعەتەو هاتیاده دی.

ئەفسوسیێل 2:1

ئیوه وەناو خەتایل و گونایلدان مردوین و

ئەفسوسیێل 2:5

تەنانەت وەختێ که وەناو خەتایلمان مردویمن، ئیمه وەگەرد مەسیح زنیەو کرد. جا له ڕێ فیزه که نجات پەێا کردینه؛

ئەفسوسیێل 3:7

مه وه پێ خەڵاتی فیز خودا بیمەسه خزمەتکار ئی ئینجیله که وه وەسلەێ هێز ئەیو که ها ناو کار، بەخشریاسە پێم.

یەکم نامەێ تیموتاوس 4:6

ئەگەر ئی کاریله بخیدەێ هویر برایل، بیده خزمەتکار خاس مەسیح عیسا، گەورا بی وەناو کەڵام ئیمان و تالیم خاسێگ که کەفتیدەسه شونێ.

دویم تیموتاوس 1:11

ئەڕا ئیه که مه هەڵوژاریامه تا بانگەوازیکەر، ڕەسول و ماموستاێ ئی ئینجیله بوم.

عبرانییل 12:24

هاتینەسه ئەڕا لاێ عیسا که ناوجێکەر پەێمانێگ تازەس و هاتینەسه ئەڕا لاێ خوین پاشیاێگ که له خوین هابیل خاستر قسیه کەید.

عبرانییل 13:20

ئیسه، خوداێ ئاشتی و سڵامەتی که شوان گەوراێ پەسیل یانێ خوداوەند ئیمه عیسا وه خوین ئەو پەێمان ئەبەدیه له مردگیل زنیەو کرد،

عبرانییل 7:22

هەر ئیه عیسا کەێده زامن پەێمانێگ خاستر.

عبرانییل 8:13

خودا وەگەرد قسیه کردن له پەێمانێگ ’نو‘، پەێمان یەکمیەگه بی بایەخ کەید؛ ئەو چشته که بی بایەخ و کویەنه بود، ئەڕا له بین چین گورجه.

یەکم پتروس 3:18

چوینکه مەسیحیش یەێ جار ئەڕا گونایل رەنج کیشا، یانێ ئەو ئایەم سالحانه ئەڕا ئەوانه که سالحان نین، تا ئیمه بارێده ئەڕا لاێ خودا. ئەیو وەناو جەسه کوشریا، وەلێ وەناو روح، زنیەو بی و

یەکم یوحەنا 1:1

له باوەت کەلیمەێ ژیان هەر ئەو کەلیمه که له سەرەتا بی، هەر ئەو کەلیمه که شنەفتیمنه و وه چەویل خوەمان دیمنه، هەر ئەو کەلیمه که نوڕێیمنه پێەو و دەسیل خوەمان دایمنەسەقەێەو.