دویم قورنتییل 3:3 - کتاب مقدس به زبان کردی جنوبی - گویش کلهوری

³ ئیوه نیشان داینه که نامەێ مەسیحین و بەر خزمەت ئیمه، نه وه مرەکەو، بەڵکەم وه روح خوداێ زنی نویسریاس، نه وه سەر تەخته کوچگیگ، بەڵکەم وه سەر تەخته دڵیل بەشەری.

دویم قورنتییل 3:3 ပူးပေါင်းရင်းမြစ်များ

ئنجیل مەتا 16:16

شەمعون پتروس جواو دا: «تو مەسیح وادەدریاید، کوڕ خوداێ زنی!»

یەکم قورنتییل 3:5

مەر ئاپولوس کیه؟ پولوس کیه؟ ئەوانه تەنیا خزمەتکاریلێگن که خودا کارێگ داسه دەس هەر کامێان تا ئیوه له ڕێ ئەوانه ئیمان بارین.

دویم قورنتییل 3:6

ئەیو لیاقەت بەخشیەسه پێمان تا خزمەتکاریل پەێمان نو بویمن، پەێمانێگ که وه کار روح خودا بەردەوامه، نه وه ئەو چشته که نویسریایگ فرەتر نیه. چوینکه ’نویسریای‘ کوشێد، وەلێ روح خودا زنەیی بەخشێد.

دویم قورنتییل 3:7

ئێرنگه، ئەگەر خزمەتێگ که بویاده بایس مردن و وه کەلیمەیل هەڵکەنریاێ وه سەر کوچگ بەردەوامه، وه جەڵاڵەو ئاشکرا بوی، وه لەونی که قەوم ئێسرائیل وەبونەێ جەڵاڵ دەمچەو موسای پەێخەمەر نیەتویەنسیان بنوڕنه پێەو، هەر چەن ئەو جەڵاڵه وەرەو نابودی چیاد،

دویم قورنتییل 6:16

یا چ وه یەکەو کەفتنێگ ها له بین مابەد خودا و بتیل؟ چوینکه ئیمه مابەد خوداێ زنەیمن. هەر ئەوجورە که خودا وەناو تەورات و کتاویل پەێخەمەریل فەرمایش کێ: «وەناوێان نیشتەجێ بوم و وەناوێان ڕێ کەم و مه بومه خوداێ ئەوانه و ئەوانه بونه قەوم من.»

یەکم تسالونیکییل 1:9

چوینکه ئەوانه خوێان تاریف کەن که چوی ئیوه وه ڕوی خوەش له بین خوەدان قەبوڵمان کردین و له ئیەک چوی له بتیل دەس کیشاین و وەر‎و خودا هەڵوگەردیاین تا خوداێ زنی و ڕاسەکانی خزمەت بکێن

عبرانییل 10:16

«خوداوەند ئویشێد، ئیەسه پەێمانێگ که وەشون ئەو ڕوژیله وەگەرد ئەوانه بەسم. حوکمیل خوەم نەمه ناو دڵیان، و له بان زەین ئەوانه نویسمیان.»

عبرانییل 8:10

خوداوەند فەرمایش کەی: چوینکه ئیەسه پەێمانێگ که وەشون ئەو ڕوژیله وەگەرد بنەماڵەێ ئێسرائیل بەسم. حوکمیل خوەم نەمه ناو زەین ئەوانه و وەبان دڵیان نویسمی. مه بومه خوداێ ئەوانه و ئەوانه بونه مەردم مه.

عبرانییل 9:14

چەنێ فرەتر، خوین مەسیح که له ڕێ ئەو روح ئەبەدیه خوەێ بی نەخس وه خودا پیشکەش کرد، وژدان ئیمه له کاریل وەدەرد نەخوەر پاکەو کەید تا که خزمەت خوداێ زنی بکێم!

وەحی وه یوحەنا 2:1

«وه فریشتەێ کلیساێ شار ئەفسوس بنویس: «ئەیو که هەفت هەساره ها دەس ڕاسی و له ناوڕاس هەفت چراخدان تەڵا ڕێ کەێد، ئیجوره ئویشێد:

وەحی وه یوحەنا 2:12

«وه فریشتەێ کلیساێ شار پرگاموم بنویس: «ئەیو که شمشێر فره تێژ دو دەمێگ دێرێ، ئیجوره ئویشێد:

وەحی وه یوحەنا 2:18

«وه فریشتەێ کلیساێ شار تیاتیرا بنویس: «کوڕ خودا که چەویلی جور بلیزەێ ئاگره و پایلێ جور برنجەێگه که تاویاسەو، ئیجوره فەرمایش کەێد:

وەحی وه یوحەنا 2:8

«وه فریشتەێ کلیساێ شار ئسمیرنا بنویس: «ئەیو که سەرەتاس، ئەیو که ئاخره، ئەیو که مرد و ئەیو که زنیەو بی، ئیجوره فەرمایش کەێد:

وەحی وه یوحەنا 3:1

«وه فریشتەێ کلیساێ شار ساردس بنویس: «ئەوه که هەفت روح خودا و هەفت هەساره دێرێد، ئیجوره ئویشێد: له کاریلد ئاگادارم. دەنگ و ناو زنی بیند بەرزە، وەلێ مردیده.

وەحی وه یوحەنا 3:14

«وه فریشتەێ کلیساێ شار لائودیکیه بنویس: «ئەیو که ئامینه، ئەیو که شاێەت ئەمین و حەقه، ئەیو که سەرکیەنی درسکریایل خوداس، ئیجوره ئویشێد:

وەحی وه یوحەنا 3:22

ئەوه که گوش دێرێد بشنەفێد که روح خودا وه کلیسایل چه ئویشێد.»

وەحی وه یوحەنا 3:7

«وه فریشتەێ کلیساێ شار فیلادلفیه بنویس: «ئەیو که قودوسه، ئەیو که حەقه، ئەیو که کلیل داود پادشا دێرێد، ئەیو که واز کەێد و کەس نیەوەسێد و ئەیو که بەسێد و کەس واز نیەکێد، ئیجوره ئویشێد: