دویم قورنتییل 3:18 - کتاب مقدس به زبان کردی جنوبی - گویش کلهوری

¹⁸ گشتمان‎ وەگەرد دەمچەویل بی ڕویبەن، هەر جور نوڕین وەناو جامەک نوڕێیمنه جەڵاڵ خوداوەند. جور وێنەێ که وەناو جامەک دوینیم له یە جەڵاڵ وه جەڵاڵ گەوراتر گویڕێیم. چوینکه ئیه له لاێ خوداوەند سەرچاوه گری هەر ئەو خوداوەند که روحه.

دویم قورنتییل 3:18 ပူးပေါင်းရင်းမြစ်များ

یوحەنا 1:14

کەلیمه بیه ئنسان و وەناومان نیشتەجێ بی. ئیمه جەڵاڵی دیمنه، جەڵاڵیگ شایسەێ ئەو تەنیا کوڕه که له لاێ باوگ ئاسمانی هاتوی. پڕ له فیز و ڕاسی.

یوحەنا 12:41

ئەشعەیا وه ئی بونه ئی چشتیله وەت چوینکه جەڵاڵ عیسا دی و له باوەتێەو قسیه کرد.

یوحەنا 17:22

جەڵاڵێگ که دایدەسه پێم، دامەسه پێان تا بونه یەکی، هەر ئەوجورە که ئیمه یەکیگیم؛

یوحەنا 17:24

باوگه، توام ئەوانه که دایدەسه پێم له هەر کوره بوم وەگەردمەو بون، تا جەڵاڵ مه بوینن، هەر ئەو جەڵاڵێگ که دایدەسه پێم؛ چوینکه وەرجه دامەزرانن جهان دوسم داشتی.

رومیەگان 12:2

شێوەێ ئی جهانه نەگرنه خوەدان، بەڵکەم وه نو کردن زەین خوەدان، ئاڵشت بون. ئەوسا تویەنین بزانین که خاست خودا چەس؛ خاست خاس و پەسەن کریا و کامڵێ.

رومیەگان 13:14

بەڵکەم خوداوەند عیسا مەسیح هەر جور دڵنگێگ بکێنه وەر. ئەڕا جەسه تەداروک نوینن که هەواوهەوەسیلێ وه جێ بارین.

رومیەگان 8:29

چوینکه خودا ئەوانه که وەرجەوە ناسی، هەر ئیجوره ئەوانه وەرجەوە دیاری کرد تا وێنەێ کوڕەگەێ خوەێ دەر بان، تا کوڕەگەێ بوده یەکم زگ وەناو برایل فرەێگ.

رومیەگان 8:4

تا ئەو چشتیل درسه که شەریعەت داواکاری کەێ، وەناومان باێده دی، وەناو ئیمه که نه وه پێ جەسه بەڵکەم وه پێ روح خودا ڕێ رەوشت کیم.

رومیەگان 8:7

چوینکه دڵبەساین وه چشتیل جەسەێ دشمەنی وەگەرد خوداس، ئەڕا ئیەکه نیەچوده ژێر حوکمرانی شەریعەت خودا، وه ڕاسیش که نیەتویەنێ.

یەکم قورنتییل 13:12

ئەو چشته که ئێرنگه دوینیم هەر جور وێنەێ نادیاریگه وەناو جامەک؛ وەلێ دەورانێ رەسد که ڕوی وه ڕوی دوینیمن. ئێرنگه قرتکیگ زانم؛ وەلێ دەورانێ رەسێ که وه تەمامی زانم، جوری که وه تەمامیش ناسیامه.

یەکم قورنتییل 15:49

جا هەر ئەوجورە که وێنەێ ئنسانێگ که له خوڵ بود وه خوەمان گردیم، وێنەێ ئنسان ئاسمانییش وه خوەمان گریمن.

دویم قورنتییل 3:17

خوداوەند، روحه و هەر کوره روح خوداوەند بود، وه ئەوره ڕزگاری هەس.

دویم قورنتییل 4:4

خوداێ ئی جهانه، زەین بی ئیمانیل کور کردێه تا نویر ئینجیل جەڵاڵ مەسیح که وێنەێ خوداێ نادیاریه، نوینن.

دویم قورنتییل 4:6

چوینکه هەر ئەو خوداێ که فەرمایش کرد: «نویر له ناو تیەریکیەو بدرەوشێد،» نویر خوەێ وەناو دڵمان دروشان تا ڕوشنایی ئاگاداری جەڵاڵ خودا وەناو دەمچەو عیسا مەسیح، وه ئیمه بدرەوشێد.

دویم قورنتییل 5:17

جا ئەگەر کەسێگ وەناو مەسیح بود، درس‎کریاێگ تازەس. چشتیل کویەنه له بین چی؛ ئیسه، گشت چشتێگ تازەوه بیه!

نامه وە غەلاتییل 6:15

چوینکه نه خەتەنه بوین چشتێگه و نه خەتەنه نوین؛ ئەو چشته که گرنگه، وه دی هاتن تازەس.

نامه وه کولوسییل 3:10

و ئایەم تازه کردینەسه وەردان، که وەناو ماریفەت ڕاسەکانی دێرێ تازەوه بود تا وێنەێ درسکەرگەێ خوەێ دەر باێد.

یەکم نامەێ تیموتاوس 1:11

تالیمێگ وه ڕوی ئینجیل پڕ جەڵاڵ خوداێ بمارک که وه مه سپاریاس.

تیتوس 3:5

ئەیو نجاتمان دا. وەلێ ئی نجاته وه سەوەو کاریل سالحانێگ که ئیمه وەجێ هاوردویمن، نوی بەڵکەم له ڕوی بەزەیی ئەیو و شوردن دڵ ئیمه بی که له ڕێ ئەوه، روح‌القودوس وه دنیا هاتن تازه و زنەیی تازه بەخشیه پێمان.

یاقوب 1:23

چوینکه هەرکەس که گوشکەر کەڵامه و وەجێ هاوەرێ نیه، مینێده کەسێگ که وەناو جامەک نوڕیده دەم‎چەو خوەێ.

یەکم یوحەنا 3:2

ئێ عەزیزەیل، ئێرنگه ڕوڵەیل خودایم، هێمراێ ئاشکرا نویه بویمنه چه. وەلێ زانیمن وەختێ ئەیو ئاشکرا بود بویمنه وێنەێ ئەیو، چوینکه ئەیو هەر ئەوجورە که هەس، دوینیمنێ.