دویم قورنتییل 3:14 - کتاب مقدس به زبان کردی جنوبی - گویش کلهوری

¹⁴ وەلێ زەینێان تیەریکەو بی. چوینکه تا وه ئیمڕو، هەر وەخت پەێمان کویەنه خوەنن ئەو ڕویبەنه مەنیه و لا نەوریاس، چوینکه تەنیا وه وەسلەێ مەسیح لاچود.

دویم قورنتییل 3:14 ပူးပေါင်းရင်းမြစ်များ

ئنجیل مەتا 13:11

عیسایش جواو دا: «دەرک رازیل پادشایی ئاسمان وه ئیوه دریاس، وەلێ وه ئەوانه نێریاس.

ئنجیل مەتا 16:17

عیسایش جواو دا: «خوەش وه حاڵ تو، شەمعون، کوڕ یونا! چوینکه گوشت و خوین ئیه ئەڕاد ئاشکرا نەکردیه، بەڵکەم باوگ مه که ها ناو ئاسمان.

ئنجیل مەتا 6:23

وەلێ ئەگەر چەود خراو بود، گشت جەسەد پڕ له تیەریکی بود. جا ئەگەر نویری که ها ناود تیەریکی بود، چ تیەریکی گەوراێگه.

یوحەنا 12:40

«ئەیو چەویلیان کور و دڵیان ڕەقەو کردێه، تا نەخواێ وه چەویلیان بوینن و وه دڵیان بفامن و هەڵوگەردیەن و شەفاێان بێەم.»

یوحەنا 12:46

مه جور نویریگ هاتمەسه ئی جهانه تا هەر کەس وه مه ئیمان بارێ، وەناو تیەریکی نەمینێ.

یوحەنا 8:12

عیسا وه دواره وەگەرد مەردم قسیه کرد و فەرمایش کرد: «منم نویر جهان. هەر کەسێگ بکەفێه شونم وەناو تیەریکی ڕێ نیەکێ، بەڵکەم نویر زنەیی دێرێد.»

کاریل ڕەسولەیل 13:15

لەشون خوەنین تەورات و کتاویل پەێخەمەریل، ڕابەریل کەنیسه کل کردنه ئەڕا لاێان و وەتن: «برایل، ئەگەر پێخامێگ ئەڕا ئاموژیاری ئی مەردمه دێرین، بویشن.»

کاریل ڕەسولەیل 15:21

ئەڕا ئیه که موسا هەر له جارانەو وەناو هەر شارێگ کەسیلێگ داشتیه تا وەپێ بانگەوازی بکەن، هەر ئەوجورە که هەر شەبات که هەر ئەو روژ شەمەێ موقەدەس جویلەکەیله، نویسریایلی وەناو کەنیسەيل خوەنریەد.»

کاریل ڕەسولەیل 16:14

یەکی له ئەوانه که گوش دیاد، ژنێگ خوداپەرەس وه ناو لیدیه له مەردم شار تیاتیرا بی و پارچەیل گران قیمەت ئەرخەوانی فروتیاد. خوداوەند دڵی واز کرد تا سەرنج بێیده قسیەیل پولوس.

کاریل ڕەسولەیل 26:18

تا چەویلیان واز بکێ که له تیەریکی ئەڕا نویر و له هێز شەیتان ئەڕا لاێ خودا هەڵوگەردیەن، تا گونایلێان بوەخشرێید و وەناو ئەوانه که وەگەرد ئیمان وه من موقەدەسەو بینه، بەشێگ بیاشتون.“

رومیەگان 11:25

ئێ برایل، نیەتوام له ئی رازه بی خەوەر بوین - نەخواێ خوەدان وه زانا بزانین - دڵڕەقی وه بەشێگ له ئێسرائیل حوکم فەرما بیه، تا وەختێ که ژمارەێ ناجویلەکەیلێگ که وه مەسیح ئیمان تیەرن، کامڵەو بود.

دویم قورنتییل 3:15

ئەرێ، تا وه ئیمڕو، هەر وەخت تەورات موسا خوەنن، ئەو ڕویبەنه، دڵیان داپوشنرید؛

دویم قورنتییل 3:6

ئەیو لیاقەت بەخشیەسه پێمان تا خزمەتکاریل پەێمان نو بویمن، پەێمانێگ که وه کار روح خودا بەردەوامه، نه وه ئەو چشته که نویسریایگ فرەتر نیه. چوینکه ’نویسریای‘ کوشێد، وەلێ روح خودا زنەیی بەخشێد.

دویم قورنتییل 4:6

چوینکه هەر ئەو خوداێ که فەرمایش کرد: «نویر له ناو تیەریکیەو بدرەوشێد،» نویر خوەێ وەناو دڵمان دروشان تا ڕوشنایی ئاگاداری جەڵاڵ خودا وەناو دەمچەو عیسا مەسیح، وه ئیمه بدرەوشێد.

ئەفسوسیێل 4:18

فامێان تیەریکەو بیه و وەبونەێ نەزانی که ها ناوێان که دڵڕەقی بیەسه بایسێ، له زنەیی خودا دویرەو کەفتنه.