دویم قورنتییل 3:1 - کتاب مقدس به زبان کردی جنوبی - گویش کلهوری

¹ ئێ بو یەێ جارتر دەس بکێمنه تاریف کردن له خوەمان؟ یا جور بڕێگ، هەوەجی وه سفارش نامەێگ دێریم تا بێیمنه دەسدانەو یا سفارش نامەێگ لەلێدان بسێنیم تا گشتیەکی ئەوه بناسن و بخوەنن؟

دویم قورنتییل 3:1 ပူးပေါင်းရင်းမြစ်များ

کاریل ڕەسولەیل 18:27

وەختێ ئاپولوس تواسیا بچوده ئەڕا ئەخائیه، برایل هانێ دان و ئەڕا شاگردەگان نویسان تا وه گەرمی بچنه پیریەو. وەختێ ئاپولوس ڕەسیه ئەوره، وه کەسیلێگ که له ڕێ فیز ئیمان هاوردوین، مەیەت فرەێگ دا.

رومیەگان 16:1

مه خویشگمان فیبی که خزمەتکار کلیساێ شار کنخریەس وەپێدان ناسنم،

یەکم قورنتییل 10:33

هەر ئەوجورە که منیش تەقالا کەم تا گشتیەکی وه هەر لەونێگ که تویەنم خوەشنود بکەم. چوینکه نیمه شون سود خوەم، بەڵکەم هامه شون سود قێر فرەێگ، تا نجات پەێا بکەن.

یەکم قورنتییل 16:3

هناێ هاتم، وه ئایەمیلێ که پەسەندانن دەسخەتیلێ ئەڕا سفارش دەم و وەگەرد هدیەیلدان کلێان کەمه ئەڕا شار ئورشەلیم.

یەکم قورنتییل 3:10

وه پێ فیزێگ که خودا بەخشاسه پێم، جور بەناێگ کار زان بنەواێگ دامەزرانم و یەکیگ تر وه سەری بنیاد نی. وەلێ هەر کەس باێه ئاگادار بود که چوی درسێ کەێد.

یەکم قورنتییل 4:15

چوینکه تەنانەت ئەگەر وەناو مەسیح بی ئەنازه ماموستا بیاشتوین، وەلێ باوگیل فرەێگ نێرین، ئەڕا ئیەک من له ڕێ ئینجیل وەناو مەسیح عیسا بیمەسه باوگدان.

دویم قورنتییل 10:12

نه ئیه که ئیمه جرئەت کیم خوەمان وەگەرد کەسیلێ که له خوێان تاریف کەن یەکی بکێم یا خوێان وەگەرد یەکترەکی هەڵسەنگنن. وەلێ وەختێ خوێان وەگەرد یەکترەکی بەراورد کەن، دیاره که چەنێ نەزانن.

دویم قورنتییل 10:18

چوینکه نه ئەوه که له خوەێ تاریف بکێ قەبوڵ کریەێ، بەڵکەم ئەوه که خودا تاریفی بکێ.

دویم قورنتییل 10:8

چوینکه شەرمزار نیوم تەنانەت ئەگەر قرتکیگ فرەتر شانازی وه ئەو دەسڵاتی بکەم که خوداوەند داسه پێم ئەڕا بنیاد نایندان نه ئەڕا له بین بردندان.

دویم قورنتییل 12:11

گیلگەوج بیمه! ئیوه ناچارم کردین. باێه تاریفم بکردیاین، ئەڕا ئیه که هەر چەن مه هویچم، وەلێ له ئەوانه که خوێان وه ’گەورا ڕەسولەیل‘ خوەنن چشتێ کەم نێرم.

دویم قورنتییل 12:19

ئی هەمگه وەخته فکر کردیاین که ئيمه له خوەمان وەنوادان دەفا کردیمنه؟ نەخیر، ئیمه لەلاێ خوداوه جور کەسیلێگ قسیه کەیمن که هانه ناو مەسیح، هەر چی کيمن، ئێ عەزیزەیل، ئەڕا بنیاد ناین ئیوەس.

دویم قورنتییل 2:17

ئەڕا ئیه که ئیمه جور قێر فرەێگ که ئەڕا نەف خوێان خەریک دەسفروشی کەڵام خودان، نیمن، بەڵکەم له لاێ خودا وەناو مەسیح قسیه کەیمن، هەر جور مەردم ڕویڕاسێگ که له لاێ خودا مامور بینه.

دویم قورنتییل 5:12

نیەتوایم وەدواره له خوەمان تاریف بکێم، بەڵکەم توایم مدوێگ بێیمنه پێدان تا وه ئیمه شانازی بکێن، تا بتویەنێن جواو کەسیلێگ بێین که وه ڕوی شێوه شانازی کەن، نه وه ئەو چشته که ها ناو دڵ.