دویم قورنتییل 13:7 - کتاب مقدس به زبان کردی جنوبی - گویش کلهوری

⁷ دوعای ئیمه وه پێشگاێ خودا ئیەسه که هەڵه نەکێن؛ نه تا مالوم بود که ئیمه له ئەزمون سەربەرز هاتیمنەسه دەیشت، بەڵکەم تا ئیوه ئەو چشته که درسه، وه جێ بارین، تەنانەت ئەگەر ئیجوره نیشان بێی که ئیمه شکەس خواردیمنه.

دویم قورنتییل 13:7 ပူးပေါင်းရင်းမြစ်များ

ئنجیل مەتا 6:13

مەخەرەمانه ناو ئەزمون، بەڵکەم وه ئەو شەڕئاشوه ڕزگارمان بکه. چوینکه تا ئەبەد، پادشایی و هێز و جەڵاڵ هن تنه. ئامین.

یوحەنا 17:15

داوا نیەکەم له جهان بویدێان بەڵکەم توام له ئەو شەڕئاشوه بپارێزنێدێان.

رومیەگان 1:28

وەبونەێ ئیه که ئەڕا ئەوانه ناسین خودا نیەتیەرزیاد، خودایش ئەوانه هیشته ناو فکریل ناشیرێن تا کارێگ بکەن که نەبایه بکرێید.

رومیەگان 12:17

وه هویچکەس وه جیاێ خراوی، خراوی مەکەن. بەڵکەم هوشدان بود که ئەو چشته که له وەر چەو گشتیەکی حرمەت دێرێ، وه جێ بارین.

رومیەگان 13:13

بان ڕێ رەوشتمان ئەوجورە درس بود که شایسەێ کەسیلێگه که هانه ناو ڕوشنایی ڕوژ. جا وەختمان وەناو عەێاشی و سەرخوەشی و خیزی و هەرزەیی و مرافه و حەسویی، وه سەر نەوەێم،

رومیەگان 16:10

وه ئاپلیس که وەناو مەسیح قەبوڵ کریاس سڵام برەسنن. وه بنەماڵەگەێ ئاریستوپولوس سڵام برەسنن.

یەکم قورنتییل 11:19

چوینکه باێه دو دەسەیی وەناودان بود تا ئەوانه که وەناودان ڕاسەکانین بناسریەن.

دویم قورنتییل 10:10

چوینکه بڕێگ ئویشن: «نامەیلی قورس و وه هێزن، وەلێ بیێنەگەی بی هازه و قسیەگانی سوکه.»

دویم قورنتییل 10:18

چوینکه نه ئەوه که له خوەێ تاریف بکێ قەبوڵ کریەێ، بەڵکەم ئەوه که خودا تاریفی بکێ.

دویم قورنتییل 13:6

جا ئمیدوارم بزانین که ئیمه ڕفوزه نویمنه.

دویم قورنتییل 13:8

چوینکه نیەتویەنیم هویچ کارێ وه چەواشەێ ڕاسی بکێمن، بەڵکەم هەر چی کيمن ئەڕا ڕاسیه.

دویم قورنتییل 13:9

چوینکه هەر وەخت ئیمه بی هاز بویمن و ئیوه هێزدار، بایس خوەشیمانه، جا دوعای ئیمه ئیەسه که ئیوه کامڵەو بوین.

دویم قورنتییل 6:4

بەڵکەم وه گشت چشتێ نیشان دیم که خزمەتکاریل خودایم، یانێ وه تاموڵ فره وەناو بەردیل، سەختییل، بەڵاێیل،

دویم قورنتییل 8:21

چوینکه ئیمه تەقالا کیم نه تەنیا له وەر چەو خوداوەند، بەڵکەم له وەر چەو مەردمیش ئەو چشته که خاسه وه جێ باریم.

نامەێ فیلیپییل 4:8

ئاخرسەر، ئێ برایل، هەر چشتێ که ڕاسه، هەر چشتێ که حرمەت دێرێ، هەر چشتێ که درسه، هەر چشتێ که پاکه، هەر چشتێ که بود دوسی بیاشتوین و هەر چشتێ که تاریفیه. ئەگەر چشتێ هەس که فره خاسه و ئەگەر چشتێ هەس که تیەرزێ ستایشێ بکێ، وه ئی چشتیله فکر بکێن.

یەکم تسالونیکییل 5:23

با خوداێ ئاشتی و سڵامەتی، خوەێ ئیوه وه تەمامی تەقدیس بکێد و گشت روح و گیان و لەشدان وه ڕوژ هاتنەوەێ خوداوەندمان عیسا مەسیح، بی نەخس بپارێزیەد.

یەکم نامەێ تیموتاوس 2:2

ئەڕا حاکمیل و گشت دەسڵاتداریل، تا بتویەنیمن زنەیی ئارام و ئاسودەێگ بیاشتویمن و له هەر باوەتەو وه خوداپەرەسی و سەنگین ڕەنگینی بێمنێ سەر.

دویم تیموتاوس 2:15

سەخت تەقالا بکه که خودا قەبوڵد بکێد، هەر‎جور خزمەتکارێگ که له کارەگەێ شەرمزار نیه و کەڵام ڕاسی وه درسی وه کار بەسێد.

دویم تیموتاوس 4:18

خوداوەند مه له هەر کار شەڕئاشوێگ ڕزگار کەێد و ئەڕا پادشایی ئاسمانی خوەێ ڕزگار کەید. تا ئەبەد و تا ئەبەد جەڵاڵ وه ئەیو بود. ئامین!

یاقوب 1:12

خوەش وه حاڵ ئەوه که وەناو ئەزمونیل بەردەوامه، چوینکه وەختێ له ئەزمون سەربەرز باێه دەیشت، ئەو تاج ژیانه گرید که خودا وه ئەوانه که دوسی دێرن، وادەێ داس.

یەکم پتروس 2:12

کردەوەدان وەناو بی ئیمانیل وه حرمەتەو بود تا وه ئیجوره وەختێگ که وه زد ئیوه قسیه کەن و ئویشن کردەوەدان خراوه، کاریل خاسدان بوینن و وەناو ڕوژی که خودا دوینن، جەڵاڵی بێەن.