دویم قورنتییل 13:5 - کتاب مقدس به زبان کردی جنوبی - گویش کلهوری

⁵ خوەدان ئەزمون بکێن تا بزانین هاینه ناو ئیمان یا نه. وردەو بونه خوەدان. ئێ نیەزانین که عیسا مەسیح ها ناودان؟ مەر ئەوەکه وەناو ئی ئەزمونه ڕفوزه بوین!

دویم قورنتییل 13:5 ပူးပေါင်းရင်းမြစ်များ

یوحەنا 14:23

عیسا جواو دا: «ئەگەر کەسێگ دوس مه بیاشتود، کەڵامم پارێزنێد و باوگم دوسی دێرێ و ئیمه تێیمنه لاێ و لەلاێ نیشتەجێ بویمن.

یوحەنا 15:4

وەناو مه نیشتەجێ بون و منیش وەناو ئیوه نیشتەجێ بوم. ئەوجورە که پەل نیەتویەنی له خوێەو بەر بارێ ئەگەر وەناو مەیو نیشتەجێ نود، ئیوەیش نیەتویەنین بەر بارین ئەگەر وەناو مه نیشتەجێ نوین.

یوحەنا 17:23

من هامه ناو ئەوانه و تو هایده ناو من. تا که وه تەمامی بونه یەکی تا جهان بزانێ تو مه کل کردی و ئەوانیش هەر ئەوجورە دوس داشتی که مه دوس داشتی.

یوحەنا 17:26

مه ناو تو وەپێان ناسانم و وەپێان ناسنم، تا مابەتێ که وه مه داشتیدە، وەناو ئەوانه بود و منیش وەناو ئەوانه بوم.»

یوحەنا 6:56

هەر کەس جەسەێ مه بخوێ و خوینم بنوشێ، وه ناو مه نیشتەجێه و مه وەناو ئەو نیشتەجێیم.

یوحەنا 6:6

عیسا ئیه وەت تا فیلیپوس ئەزمون بکێ، چوینکه خوەێ خاس زانستیا چه تواێ بکێ.

رومیەگان 1:28

وەبونەێ ئیه که ئەڕا ئەوانه ناسین خودا نیەتیەرزیاد، خودایش ئەوانه هیشته ناو فکریل ناشیرێن تا کارێگ بکەن که نەبایه بکرێید.

رومیەگان 8:10

وەلێ ئەگەر مەسیح ها ناودان، هەر چەن جەسەدان وه بونەێ گونا مردگه، وەلێ چوینکه سالحان وه حساو هاتینه، روح خودا ئەڕادان ژیانه.

یەکم قورنتییل 11:28

با هەر کەس وەرجه ئەوه که له نانەگه بخوێ و له جامەگه بنوشێ، خوەێ ئەزمون بکێ.

یەکم قورنتییل 11:31

وەلێ ئەگەر وه خوەمان داوەری بکردیایم، وه ئیمه حوکم نویاتیاد.

یەکم قورنتییل 3:16

ئێ نيەزانين که مابەد خوداین و روح خودا وەناودان نیشتەجێه؟

یەکم قورنتییل 6:15

ئێ نيەزانين که جەسەیلدان ئەنامیل مەسیحن؟ ئێ ئەنامیل مەسیح لابوەم‎ و بکەمەێ ئەنام لەشفروشێگ؟ هەراێهەر!

یەکم قورنتییل 6:19

ئێ نيەزانين که جەسەدان مابەد روح‌القودوسه که ها ناودان و ئەوه له خودا گردينه و دی هن خوەدان نین؟

یەکم قورنتییل 6:2

ئێ نيەزانين که ئیمانداریل وە مەسیح جهان داوەری کەن؟ جا ئیوه که باێه جهان داوەری بکێن، چوی نیەتویەنین له باوەت چشتیل بویچگتر داوەری بکێن؟

یەکم قورنتییل 9:24

ئێ نيەزانين وەناو مەێدان موسابقه، گشتیەکی دەون، وەلێ تەنیا یەکیگێان خەڵاتەگه بێدەو؟ جا جوری بدەون تا خەڵاتەگه وه دەس بارین.

یەکم قورنتییل 9:27

بەڵکەم سەختی دەمه لەشم و کەمێ خوڵام خوەم، نەخواێ وەشون بانگەوازی وه مەردم، خوەم ڕفوزه بوم.

دویم قورنتییل 6:16

یا چ وه یەکەو کەفتنێگ ها له بین مابەد خودا و بتیل؟ چوینکه ئیمه مابەد خوداێ زنەیمن. هەر ئەوجورە که خودا وەناو تەورات و کتاویل پەێخەمەریل فەرمایش کێ: «وەناوێان نیشتەجێ بوم و وەناوێان ڕێ کەم و مه بومه خوداێ ئەوانه و ئەوانه بونه قەوم من.»

نامه وە غەلاتییل 2:20

وەگەرد مەسیحەو وه سەلیب کیشریامه. دیتر مه نیم که زنەیی کەم، بەڵکەم مەسیحه که وەناو منەو زنەیی کەی؛ ئێرنگه زنەیی که له جەسەوه کەم، وەگەرد ئیمان وه کوڕ خوداس که مابەتم کرد و گیان خوەێ ئەڕا مه دا.

نامه وە غەلاتییل 4:19

ڕوڵەیلم، ئەڕادان وەدواره ژان زایێن کیشم تا وەختێ مەسیح وەناودان وێنه بگرێ،

نامه وە غەلاتییل 6:4

وەلێ هەر کەسێگ باێه کردەوەێ خوەێ ئەزمون بکێ. ئەوسا مدوێگ که ئەڕا شانازی دێرێ تەنیا وه خوەێ بود، نه وه هاوساگەێ.

ئەفسوسیێل 3:17

تا مەسیح له ڕێ ئیمان وەناو دڵدان نیشتەجێ بود که ئیوه وەناو مابەت ریشه بدەونێن و بەردەوام بوین،

نامه وه کولوسییل 1:23

هەڵبەت ئەگەر وەڕاسی وەناو ئیمان قورس بوین و بەردەوام بمینێن و له ئمید ئینجیل جم نەخوەین، هەر ئەو ئینجیلێگ که شنەفتین و وه گشت درسکریایل ژێر ئاسمان جار دریاس و مه، پولوس، بیمەسه خزمەتکاری.

نامه وه کولوسییل 1:27

خودا ئیجوره تواس که وه ئەوانه ئاشکرا بکێد که ئی رازه چ جەڵاڵ گەوراێگ وەناو ناجویلەکەیل دێرێد، ئەو رازه که مەسیح ها ناو ئیوه، که ئمید جەڵاڵه.

نامه وه کولوسییل 2:19

ئەوه پێوەنەگەێ وەگەرد سەر له دەس داس؛ سەری که گشت جەسه له ئەوه خواردەمەنی گری و درێیده قێ یەکەو، له ڕێ مەفسەلیل و بەنەیلی. وه ئیجوره جەسه وەگەرد گەورا بوینی که له خودا سەرچاوه گری، گەورا بود.

نامه وه کولوسییل 2:7

وەناو ئەیو ریشه بکوتن و بنریەنە سەرپاوه و هەر ئەوجورە که تالیم گردین، وەناو ئیمان بەردەوام بون و نیقەڵتوز شوکر کردن بون.

یەکم نامەێ تیموتاوس 2:15

وەلێ ژنيل وەگەرد مناڵ هاوردن ڕزگار بون، ئەگەر ئەوانه وەگە‎رد وەسەرخوێان زاڵ بوین وەناو ئیمان و مابەت و موقەدەس بوین، بەردەوام بمینن.

دویم تیموتاوس 3:8

هەر ئەوجورە که یەنیس و یەمبریس له نوای موسا هەڵسان، ئی پیاێلیشه که فکرێگ گەنیاێ و ئیمانێگ ڕفوزه دێرن، لەنواێ ڕاسی وسن.

تیتوس 1:13

ئی شاێەتی ڕاسه. جا سەخت ئەوانه بگره گازتاوه تا وەناو ئیمان درس بون و

تیتوس 1:16

ئەوانه ئویشن خودا ناسیم، وەلێ وەگەرد کردەوەێانەو ئەیو حاشا کەن. ئەوانه قیزهاوەر و ملچەفتەوکەر و نامناسو ئەڕا هەر کار خاسێگن.

تیتوس 2:2

پیاێل سن و ساڵ دار باێه هوشیار و سەنگین ڕەنگین بون و وەسەرخوێان زاڵ بون و وه ناو ئیمان و مابەت و بەردەوامی وه شایسەێ بیەنەسەر.

عبرانییل 12:15

هوشدان بود که نەخواێ کەسێگ له لێدان نەتویەنێ فیز خودا وه دەس بارێد تا هویچ ریشەێ تیەڵێگ جویق نێید و نوده بایس پەشێوی و وه وەسلەێ ئەوه قێر فرەێگیش ناپاکەو نەکێ.

عبرانییل 4:1

جا تا وەختێ که وادەێ ڕێ پەێا کردن وەشون ئاشاسێگ ئەیو هێمراێ ها سەر جێ خوەێ، بان زاورمان بچود تا نەخواێ دیار بێید که یەکی له ئیوه وەپێ دەس پەێا نەکردیه.

عبرانییل 6:8

وەلێ ئەگەر زەوی دڕگ و دواڵ دەێده دەس، هویچ نیەتیەرزێد و نزیکه که لانەت بکرێی، ئاخریشێ سزیانه.

یاقوب 4:4

ئی مەردم داوانپێس، مەگەر نيەزانين که دوسی وەگەرد ئی جهانه دشمەنی وەگەرد خوداس؟ جا هەر کەسێگ وەشون دوسی وەگەرد جهان بود، خوەێ کەێده دشمەن خودا.

یەکم پتروس 5:9

جا وه نوای ئەوه بوسین، وەناو ئیماندان قورس بون، چوینکه زانین برايلدان وەناو دنیا هەر ئی زامەتیله کیشن.

وەحی وه یوحەنا 2:5

جا باره هویرد که له کوره کەفتیەسه خوار. توبه بکه و کاریلێگ وه جێ بار که له سەرەتا وه جێ هاوردیاید. ئەگەر نه تیەمه ئەڕا لاد و چراخدانەگەد له ئەوره که هەس، هەڵگرم، مەر ئیه که توبه بکێ.