14 فیز خوداوەند عیسا مەسیح، مابەت خودا و هاوبەشی روحالقودوس وەگەرد گشتدانەو بود.
مەخەرەمانه ناو ئەزمون، بەڵکەم وه ئەو شەڕئاشوه ڕزگارمان بکه. چوینکه تا ئەبەد، پادشایی و هێز و جەڵاڵ هن تنه. ئامین.
عیسایش جواو دا: «ئەگەر بەخشین خودا بزانستیاێ و هەر ئیجوره بزانستیاێ کیه که وه پێد ئویشێ ”تکێ ئاو بیه پێم،“ ئەوسا توی له لێ داوا کردیای ئەیویش ئاو زنەییدەر دیاده پێد.»
وەلێ هەر کەس له ئاوێ که من دەمه پێ بخوێ، هەراێهەر تیەنی نیود. ئاوێگ که دەمه پێ وەناو گیانێ بوده کیەنی ئاوێگ که تا زنەیی ئەبەدی قوڵ دەێ و سەرڕێژ بود.»
هەر کەسێگ وه من ئیمان بارێ، هەر ئەوجورە که کتاو موقەدەس وەتێه: له ناخێەو چەمیل ئاو زنەییدەر کەفێه ڕێ.»
وەلێ ئیمه ئیمان دێریم که وه فیز خوداوەند عیساس که نجات پەێا کردیمنه، ئەوانیش هەر ئیجوره.»
وه گشت ئەوانه که وەناو شار روم، خودا دوسیان دێرێ و دەنگ کریانه تا له موقەدەسیل بون: فیز و ئاشتی و سڵامەتی لەلاێ خودا، باوگ ئیمه و خوداوەند عیسا مەسیح، وەگەرددانەو بود.
خوداێ ئاشتی و سڵامەتی وه ئی زوی شەیتان وه ژێر پایلدان تلنێد. فیز خوداوەندمان عیسا مەسیح وەگەرددانەو بود.
گایوس که مێواندار من و گشت کلیساس، سڵام رەسنێده پێدان.
وه ئەیو که یەکی خوداێ زاناس تا ئەبەد و تا ئەبەد له ڕێ عیسا مەسیح جەڵاڵ بود! ئامین.
ئمید نیوده بایس شەرمزاریمان، چوینکه مابەت خودا وه وەسلەێ روحالقودوس که بەخشریاسە ئیمه، ڕشیاسه ناو دڵمان.
نه بەرزای و نه قویلای و نه هویچ چشتێگتر وەناو گشت درسکریایل خودا، نیەتویەنی ئیمه له مابەت خودا که وەناو خوداوەندمان مەسیح عیساس، جیاوه بکێ.
هەر چەن که ئیوه وه ژێر حوکمرانی جەسه نین، بەڵکەم هاینه ژێر حوکمرانی روح خودا، هەڵبەت ئەگەر روح خودا وەناودان نیشتەجێ بود. هەر کەسێگ که روح مەسیح نياشتود، ئەوه هن مەسیح نیه.
چوینکه گشتمان، چ جویلەکە و چ یونانی، چ خوڵام و چ ڕزگار، وەناو یە روح خوسڵ تەعمید گردیمنه تا یە جەسه درس بکێم؛ جا گشتمان له یە روح نوشایمنه.
بێجگه ئیه، ئەگەر توی وەناو روح خەریک سپاس خودا بوید، چوی کەسێگ که زواند نیەفامێ وه سپاسەگەد ئامین بویشی؟ ئەڕا ئیه که نیەزانێ چه ئویشێ!
فیز خوداوەند عیسا وەگەرددانەو بود.
ئێ نيەزانين که مابەد خوداین و روح خودا وەناودان نیشتەجێه؟
ئێ نيەزانين که جەسەدان مابەد روحالقودوسه که ها ناودان و ئەوه له خودا گردينه و دی هن خوەدان نین؟
چوینکه له فیز خوداوەندمان عیسا مەسیح ئاگادارین که هەر چەن دەوڵەمەن بی، وەبونەێ ئیوه دەستەنگێ گردەوەر تا ئیوه وەبونەێ دەستەنگێ ئەیو دەوڵەمەن بوین.
وەلێ بەر روح خودا، مابەت، خوەشی، ئاشتی و سڵامەتی، سەور، مێرەبانی، خاسێ، وەفاداری،
چوینکه له ڕێ ئەیو، هەردگمان وەناو یەێ روح دەسمان رەسده لاێ باوگ ئاسمانی.
ئیوەیش وەناو مەسیح عیسا وه یەکەو نرێینه سەرپاوه تا بوینه خانگێگ که خودا له ڕێ روح خوەێ وەناوێ نیشتەجێ بود.
چوینکه بەر نویر، وەناو هەر جور خاسێ، ڕاسی و درسی پەێا بود.
لەلاێ خوداێ باوگ و خوداوەند عیسا مەسیح، ئاشتی و سڵامەتی و مابەت وەگەرد ئیمان ئەڕا برایل بود.
جا ئەگەر وەناو مەسیح دڵگەرمین، ئەگەر مابەتەگەێ مایەێ دڵنەواییدانه، ئەگەر وەناو روح خودا هاوبەشین و ئەگەر مێرەبانی و هاودەردی دێرین،
هەر ئەو کەلیمه که دیمنه و شنەفتیمنه وه ئیوەیش جار دیم، تا ئیوەیش وەگەرد ئیمه دوسی بیاشتوین؛ وه ڕاسی که دوسی ئیمه وەگەرد باوگ ئاسمانی و کوڕەگەێ عیسا مەسیحه.
وه ئیجوره مابەت ناسیم که مەسیح زنەیی خوەێ ئەڕا ئیمه دا و ئیمەیش باێه زنەیی خوەمان ئەڕا برایل بێیم.
هەر کەسێگ حوکمیل ئەیو وه جێ بارێ، وەناو خودا نیشتەجێه، هەر ئیجوریشه خودا وەناوێ. له ڕێ روح خوەێ که بەخشیەسه پێمان، زانیمن که ئەیو وەناومان نیشتەجێه.
خوەدان وەناو مابەت خودا بپارێزنن، وه ئەو حاڵەو که چەوەڕێ بەزەیی خوداوەند ئیمه عیسا مەسیحین تا ئیوه وەرەو زنەیی ئەبەدی بوێد.