دویم قورنتییل 13:11 - کتاب مقدس به زبان کردی جنوبی - گویش کلهوری

¹¹ دەس ئاخر، ئێ برایل، شاد بوین؛ ئەڕا کامڵ بوین و تەمامی تەقالا بکەن؛ ئاموژیاری بگرن؛ یەدەنگ بوین؛ وەناو ئاشتی و سڵامەتی زنەیی بکەن، که خوداێ مابەت و ئاشتی و سڵامەتی وەگەرددانەو مینێد.

دویم قورنتییل 13:11 ပူးပေါင်းရင်းမြစ်များ

ئنجیل مەتا 1:23

«بنوڕ دویەتئازەوێگ زگێ پڕ بود و کوڕێ تیەرێده دنیا و ناوێ نەنه عمانوئیل،» عمانوئیل یانێ ’خودا ها گەردمان‘.

ئنجیل مەتا 5:48

جا ئیوه باێه کامڵ بوین هەر ئەوجورە که باوگ ئاسمانیدان کامڵه.

مەرقوس 10:49

عیسا وساد و وەت: «بچڕنێ، جا ئەو پیاێ کوره چڕینێ و وەپێ وەتن: «دڵد قورس بو! هەڵس دێرێ چڕیدەد.»

مەرقوس 9:50

نمەک خاسه، وەلێ ئەگەر تامێ له دەس بێی، چوی بو وه دواره سوڵەو بکرێ؟ ئیوەیش وەناو خوەدان نمەک بیاشتون وەگەرد یەکترەکی وه ئاشتی و سڵامەتی بیەینێ سەر.»

لوقا 9:61

یەکیگ تر وەت: «گەورەم، مه له تو پێرەوی کەم، وەلێ یەکم جار بیل تا بچم و له خاوخێزانەگەم ماڵئاوایی بکەم.»

یوحەنا 17:23

من هامه ناو ئەوانه و تو هایده ناو من. تا که وه تەمامی بونه یەکی تا جهان بزانێ تو مه کل کردی و ئەوانیش هەر ئەوجورە دوس داشتی که مه دوس داشتی.

کاریل ڕەسولەیل 15:29

خوەدان له هەر چشتێگ که ئەڕا بتیل پیشکەش کریاس و خوین و گوشت گیانەوەریل خنکریای و خیزی، دویرەو بکەن. هەر وەخت له ئی چشتیله پارێز کردین، کار خاسێگ کردینه. ماڵئاوا.»

کاریل ڕەسولەیل 18:21

وەگەردێان ماڵئاوایی کرد، وەت: «ئەگەر خودا بتواێ وه دواره تیەمەو ئەڕا لادان.» ئمجا سوار کەشتی بی و ئەفسوس هیشتەجێ.

کاریل ڕەسولەیل 23:30

جا وەختێ خەوەردار بیم نەخشه ئەڕاێ کیشانه، زویزی کلێ کردم ئەڕا لاد. وه بختکەرەگانیشێ دەستور دام بختەگەیان بارنه ئەڕا لاێ ئیوه.»

رومیەگان 12:16

وەگەرد یەکترەکی بسازن! لویتبەرز نەون، بەڵکەم وەگەرد ئایەمیل پایەنزم، هات بچو بکەن. هویچ وەخت خوەدان وه زانا میەنه قەڵەم.

رومیەگان 12:18

ئەگەر بود، تا ئەوره که له دەسدان تێد وەگەرد گشتیەکی وه ئاشتی و سڵامەتی زنەیی بکەن.

رومیەگان 14:19

جا بان وەشون ئەو چشته بویمن که بایس ئاشتی و سڵامەتی و وەسەرپاناین یەکترەکیمانه.

رومیەگان 15:13

با خوداێ ئمید، وه گشت خوەشی و ئاشتی و سڵامەتی وەناو ئیمان، پڕدان بکێ تا که وه هێز روح‌القودوس، نیقەڵتوز له ئمید بوین.

رومیەگان 15:33

خوداێ ئاشتی و سڵامەتی وەگەرد گشتدانەو بود. ئامین.

رومیەگان 16:20

خوداێ ئاشتی و سڵامەتی وه ئی زوی شەیتان وه ژێر پایلدان تلنێد. فیز خوداوەندمان عیسا مەسیح وەگەرددانەو بود.

یەکم قورنتییل 1:10

ئێ برایل، وه ناو خوداوەندمان عیسا مەسیح لاڵکمه پێدان که بکەفینه یەکا و وەناودان دودەسەیی نود، بەڵکەم وەناو فکر و رأی پشت یەک بگرن.

دویم قورنتییل 1:4

که وه ئیمه وەناو گشت بەردیلمان دڵنەوایی دەێ تا بتویەنیمن وەگەرد ئەو دڵنەواییه که لەلێ گردیمنه، ئەوانه که هانه ناو بەرد، دڵنەوایی بێیم.

دویم قورنتییل 13:14

فیز خوداوەند عیسا مەسیح، مابەت خودا و هاوبەشی روح‌القودوس وەگەرد گشتدانەو بود.

دویم قورنتییل 13:9

چوینکه هەر وەخت ئیمه بی هاز بویمن و ئیوه هێزدار، بایس خوەشیمانه، جا دوعای ئیمه ئیەسه که ئیوه کامڵەو بوین.

ئەفسوسیێل 4:12

تا ئیمانداریل وه مەسیح ئەڕا کار خزمەت گورجەو بکەن، ئەڕا وه سەرپا ناین جەسەێ مەسیح،

ئەفسوسیێل 4:3

فڕه تەقالا بکەن تا ئەو یەکی بین روح خودا، وه مەیەت بەن ئاشتی و سڵامەتی بپارێزنن.

ئەفسوسیێل 6:23

لەلاێ خوداێ باوگ و خوداوەند عیسا مەسیح، ئاشتی و سڵامەتی و مابەت وەگەرد ئیمان ئەڕا برایل بود.

نامەێ فیلیپییل 1:27

تەنیا لەلێدان توام که ڕێ رەوشت زنەییدان شایسەێ ئینجیل مەسیح بود تا ئیجوره، چ بام بوينمەدان و چ له ئەوره نەوم، له باوەت ئیوه بشنەفم که وەناو یەێ روح قورس وساینه و وه یەێ فکر، شان وه شان یەک ئەڕا ئیمان ئینجیل تەقالا بکێن و

نامەێ فیلیپییل 3:16

تەنیا بیلن له باوەت حەقیقەتیل روحانی، وه هەر چشتێ که ڕەسیمنه، ڕێ رەوشتمان وه پێ ئەوه بود.

نامەێ فیلیپییل 4:2

لاڵکیەمه ئفودیه و له سینتیخی لاڵکیەم که وەناو خوداوەند یەێ فکر بون.

نامەێ فیلیپییل 4:4

هەمویشه وەناو خوداوەند خوەشاڵ بوین؛ وه دوارەیش ئویشم: خوەشاڵ بوین.

نامەێ فیلیپییل 4:9

هەر چشتێ که له مه یاێ گردینه و قەبوڵ کردینه و هەر چشتێ که له مه شنەفتینه و له لێم دینه، ئی چشتیله وه جێ بارین، که خوداێ ئاشتی و سڵامەتی ها گەرددانەو.

یەکم تسالونیکییل 3:10

ئیمه شەو و ڕوژ وه دڵ و گیان دوعا کيمن که ڕوی وه ڕوی بوینیمنەدان و هەر کەم کوتی ئیماندان پەرچەو بکێم.

یەکم تسالونیکییل 4:1

جا دەس ئاخر، ئێ برایل، ئیوه لەلێمان یاێ گردین که ڕێ رەوشتدان باێه چوی بود تا خودا خوەشنود بکێن، هەر ئەوجورە که ئیجوریشه کین. ئیسه وەناو خوداوەند عیسا لەلێدان توایمن و لاڵکێیمنه پێدان که له ئی باوەتەو هەر چی فرەتر تەقالا بکێن.

یەکم تسالونیکییل 4:18

جا وەئی قسیەيله، یەکترەکی هان بێەن.

یەکم تسالونیکییل 5:13

وه مابەتەو ئەڕا کارێگ که کەن، خاس حرمەتیان بگرن. وەگەرد یەکترەکی له ئاشتی و سڵامەتی زنەیی بکەن.

یەکم تسالونیکییل 5:16

هەمویشه دڵشاد بوین؛

یەکم تسالونیکییل 5:23

با خوداێ ئاشتی و سڵامەتی، خوەێ ئیوه وه تەمامی تەقدیس بکێد و گشت روح و گیان و لەشدان وه ڕوژ هاتنەوەێ خوداوەندمان عیسا مەسیح، بی نەخس بپارێزیەد.

دویم تسالونیکییل 2:16

با خود خوداوەند ئیمه عیسا مەسیح و باوگ ئیمه خودا که ئیمه مابەت کرد و له ڕێ فیز دڵگەرمی ئەبەدی و ئمیدێگ خاس بەخشیه پێمان،

دویم تسالونیکییل 3:1

دەس ئاخر، ئێ برایل، ئەڕا ئیمه دوعا بکێن تا کەڵام خوداوەند وه تنی بچوده نوا و عەزیز گرامیەو بود، هەر ئەوجورە که له ناو ئیوه ئیجوره بی

دویم تسالونیکییل 3:16

ئیسه، با خوداوەند ئاشتی و سڵامەتی، خوەێ هەمویشه و له هەر باوەتەو وه پێدان ئاشتی و سڵامەتی بوەخشێد. خوداوەند وەگەرد گشتدانەو بود.

دویم تیموتاوس 2:22

له هەواوهەوەس جاێەلی دەر بچو و وەگەرد ئەوانه که وه دڵ پاکەو خوداوەند خوەنن، وەشون سالح بوین و ئیمان و مابەت و ئاشتی و سڵامەتی بو.

عبرانییل 12:14

سەخت تەقالا بکەن که وەگەرد گشت مەردم وەناو ئاشتی و سڵامەتی بێەنێ سەر و موقەدەس بوین، چوینکه جیا له قودوسیەت هویچکەسێگ خوداوەند نیوینێد.

عبرانییل 13:20

ئیسه، خوداێ ئاشتی و سڵامەتی که شوان گەوراێ پەسیل یانێ خوداوەند ئیمه عیسا وه خوین ئەو پەێمان ئەبەدیه له مردگیل زنیەو کرد،

یاقوب 1:4

بیلن بەردەوامی کار خوەێ کامڵەو بکێ تاگه بازڵه و کامڵەو بوین و چشتێ کەم نیاشتوین.

یەکم پتروس 3:11

باێه له خراوی ڕوی هەڵوگەردنێد و خاسێ بکێ؛ بکەفێه شون ئاشتی و سڵامەتی و وەشونیەو بچود.

یەکم پتروس 3:8

دەس ئاخر، گشتدان یەێ فکر و هاودەرد بون و مابەت براێانه بیاشتون و دڵسوز و بێ فیس بون.

یەکم پتروس 5:10

وەشون ئیه که توزێگ زامەت دین، خوداێ گشت فیزیل که ئیوه وەناو مەسیح وه جەڵاڵ ئەبەدی خوەێ دەنگ کردێه، خوەێ ئیوه له سەر نو نێده پاوه و قورس و تویەنا و بەردەوام کەێد.

وەحی وه یوحەنا 22:21

فیز خوداوەند عیسا وه گە‎رد گشتدانەو بود. ئامین.