دویم قورنتییل 12:2 - کتاب مقدس به زبان کردی جنوبی - گویش کلهوری

² یەکیگ ناسم که ها ناو مەسیح، چوارده ساڵ وەرجه ئیه ڕفیاده ئاسمان سێیەم. نيەزانم وەگەرد جەسەوه چیه ئاسمان یا بی جەسه، خودا زانی.

دویم قورنتییل 12:2 ပူးပေါင်းရင်းမြစ်များ

لوقا 24:51

هەر ئەو جوره که بەەرکەتێان دیاد له لێان جیاوه بی، بڕیاده ئاسمان.

یوحەنا 6:56

هەر کەس جەسەێ مه بخوێ و خوینم بنوشێ، وه ناو مه نیشتەجێه و مه وەناو ئەو نیشتەجێیم.

کاریل ڕەسولەیل 14:6

ڕەسولەگان خەوەردار بین و دەرچین ئەڕا لستره و دربه له شاریل لیکائونیه له مەنتەقەیل دەوروەرێ.

کاریل ڕەسولەیل 22:17

«وەختێ هاتمەو ئەڕا ئورشەلیم، وەناو مابەد خەریک دوعا بیم که له هوش خوەم چیم و

رومیەگان 16:10

وه ئاپلیس که وەناو مەسیح قەبوڵ کریاس سڵام برەسنن. وه بنەماڵەگەێ ئاریستوپولوس سڵام برەسنن.

رومیەگان 16:3

وه پریسکیلا و ئاکیلا، هاوکاریلم وەناو مەسیح عیسا، سڵام برەسنن.

رومیەگان 16:7

وه خزمیلم، ئاندرونیکوس و یونیاس که وەگەردما وەناو زندان بین سڵام برەسنن. ڕەسولەیل، ئەوانه فره خاس ناسن و ئەوانه وەرجه من مەسیحی بینه.

رومیەگان 16:9

وه ئوربانوس هاوکارمان وەناو مەسیح و ئستاخیس عەزیزم، سڵام برەسنن.

رومیەگان 8:1

جا ئێرنگه ئەڕا ئەوانه که هانه ناو مەسیح عیسا هویچ ماکومیەتێگ نیه،

یەکم قورنتییل 1:30

جا وەبونەێ ئەیوه که ئیوه وەناو عیسا مەسیح‎ بینەسه یەکی، که له لاێ خوداوه ئەڕاێ ئیمه بیەسه زانیاری، یانێ سالح بوین، قودوسیەت و ڕزگاریمان.

دویم قورنتییل 11:11

ئێ ئەڕا چه؟ وەبونەێ ئیەسه که دوسدان نێرم؟ خودا زانی که دوسدان دێرم!

دویم قورنتییل 13:5

خوەدان ئەزمون بکێن تا بزانین هاینه ناو ئیمان یا نه. وردەو بونه خوەدان. ئێ نیەزانین که عیسا مەسیح ها ناودان؟ مەر ئەوەکه وەناو ئی ئەزمونه ڕفوزه بوین!

دویم قورنتییل 5:17

جا ئەگەر کەسێگ وەناو مەسیح بود، درس‎کریاێگ تازەس. چشتیل کویەنه له بین چی؛ ئیسه، گشت چشتێگ تازەوه بیه!

دویم قورنتییل 5:21

خودا کەسێگ که گونا نەناسێ، ئەڕا ئیمه کرده گونا، تا وه یەکەو بون وەگەرد ئەیو بویمنه سالحان خودا.

نامه وە غەلاتییل 1:22

له ئەو وەخته هێمراێ کلیسایل یەهودیه که هانه ناو مەسیح، مه وه دەمچەو نیەناسیان.

نامه وە غەلاتییل 5:6

چوینکه وه ناو مەسیح عیسا نه خەتەنه بین و نه خەتەنه نوین هویچ نیەتیەرزێد، بەڵکەم تەنیا ئەو ئیمانه گرنگه که وه پێ مابەت کار کەی.

ئەفسوسیێل 4:10

ئەیو که داوەزی هەر ئەوەسه که له گشت ئاسمانیلیش فره بانتر چی، تا گشت چشتێگ پڕەو بکێ.

یەکم تسالونیکییل 4:17

جا ئیمه که زنیمن و باقی مەنیمنه، وەگەرد ئەوانه وەرەو ناو هەوریل کیشیمنه بان تا وەناو هەواوه خوداوەند‎ بوینیم، وەئیجوره هەمویشه هایمنه گەرد خوداوەندەو.

عبرانییل 4:14

جا چوینکه کاهن گەوراێ پایەبەرزێگ دێریم که له ئاسمانیل گوزیشتێه، یانێ عیسا کوڕ خودا، باین تاگه ئێقرارەگەێ خوەمان قورس بپارێزنیم.

عبرانییل 9:24

چوینکه مەسیح نەچیه ناو موقەدەسترین شونێگ که وه دەس بەشەر درس کریاوی که نمونەێگ له چشتیل ڕاسەکانیه، بەڵکەم چیه ناو خود ئاسمان تا ئێرنگه له جێ ئیمه له لاێ خوداوه ئاشکرا بود.

وەحی وه یوحەنا 1:10

له ڕوژ خوداوەند، روح خودا مه گردەوەر و دەنگ بەرزێگ هەر جور دەنگ شەیپور له پشت سەرم شنەفتم

وەحی وه یوحەنا 12:5

ئەو ژنه کوڕێگ هاورده دنیا، کوڕێگ که باێه وەگەرد گوچان ئاسنی وه مل گشت ملەتیل حوکم بکێ. وەلێ مناڵەگەێ قەپانیاد و بڕیاده ئەڕا لاێ خودا و تەختەگەێ ئەیو.

وەحی وه یوحەنا 4:2

زویزی روح خودا گردمه وەر و تەختێگ وه نوای چەوم وەناو ئاسمان بی، له بان تەختەگه کەسێگ دانيشتوی.