دویم قورنتییل 11:26 - کتاب مقدس به زبان کردی جنوبی - گویش کلهوری

²⁶ هەمویشه وەناو گەردیان بیم و له هەر لاێگەو تویش خەتەر هاتیام: خەتەر گوزیشتن له چەمیل، خەتەر ڕێگریل؛ خەتەر له لاێ قەومەگەم، خەتەر له لاێ ناجویلەکەیل؛ خەتەر وەناو شار، خەتەر وەناو بیاوان، خەتەر وەناو دەریا؛ خەتەر له لاێ برایل دروەکانی.

دویم قورنتییل 11:26 ပူးပေါင်းရင်းမြစ်များ

کاریل ڕەسولەیل 13:45

وەلێ جویلەکەیل وەختێ دین مەردم فرەوه بین، حەسوێان هات و له نوای قسیەيل پولوس وسان و بی حرمەتی کردیان.

کاریل ڕەسولەیل 13:50

وەلێ جویلەکەیل، ژنيل خوداپەرەس و بەناوبانگ و هەرئیجوره پیاێل ناودار شار ڕشاننه یەکا و وه زد پولوس و بەرنابا گاڵدان. جا عەزاوێان دان و له ئەو مەنتەقه دەرێان کردن.

کاریل ڕەسولەیل 14:19

وەلێ جویلەکەیلێگ له ئەنتاکیه و قونیه هاتن و مەردمەگه وەگەرد خوێان یەکی کردن و پولوس کوچگواران کردن و وه گومان ئیه که مردگه، له شار کڕاننەێ دەیشت.

کاریل ڕەسولەیل 14:5

وەختێ ناجویلەکەیل و جویلەکەیل وەگەرد گەورایلێان تواسن پولوس و بەرنابا سوکەو بکەن و کوچگوارانیان بکەن،

کاریل ڕەسولەیل 15:40

وەلێ پولوس، سیلاس هەڵوژارد، وەشون ئیه که برایل سپاردنەێ دەس فیز خوداوەند، کەفته ڕێ.

کاریل ڕەسولەیل 17:13

وەلێ وەختێ جویلەکەیل تسالونیکی زانستن که پولوس وه بیریەیش کەڵام خودا بڵاو کێ، چینه ئەوره و مەردم گاڵدان و شێرێان کردن.

کاریل ڕەسولەیل 17:5

وەلێ جویلەکەیل حەسویی کردن و چەن نەفەر له جکجاێەڵیل بازار وه دەور یەکەو گردەو کردن و وەناو شار ئاژاوەێگ خستنه ڕێ و هویژم بردنه دەر ماڵ یاسون تا پولوس و سیلاس بارنه ناو جەماێەتەگه.

کاریل ڕەسولەیل 18:12

وەلێ وەختێ گالیو، فەرمانرەواێ شار ئەخائیه بی، جویلەکەیل دەس وه یەکی کردن و ڕشیانه سەر پولوس و بردنێ ئەڕا دادگا،

کاریل ڕەسولەیل 19:1

ئەو وەخته که ئاپولوس وەناو شار قورنتوس بی، پولوس له مەنتەقەیل ناوەین، ڕەد بی و ڕەسیه شار ئەفسوس. وه ئەوره چەن نەفەر شاگرد پەێا کرد و

کاریل ڕەسولەیل 19:23

وه ئی زەمانه، وەبونەێ ئی ڕێه ئاژاوەێ گەوراێگ کەفته ڕێ.

کاریل ڕەسولەیل 20:19

چوی وه بێ فیسی و ئەسر چەویلم خوداوەند خزمەت کردمه و سەختییلی که وەبونەێ دەس وه یەکی کردنیل جویلەکەیل هاتیەسه سەرم، تاموڵ کردمه.

کاریل ڕەسولەیل 20:3

سێ مانگ وه ئەوره مەن. وەختێ تواسیا وەگەرد کەشتی بچوده سوریه، جویلەکەیل ئەڕاێ نەخشه کیشان. جا تواس له ڕێ مقدونیه باێدەو.

کاریل ڕەسولەیل 23:10

ناکوکیان جوری فرەوه بی که فەرماندەگه ڕخێ چی نەخواێ پولوس بهەنجنن. جا وه سەربازیل دەستور دا بچنه خوار و ئەوه وه چنگێان دەر بارن و بوەنێ ناو قەڵاگه.

کاریل ڕەسولەیل 25:3

له لێ تواسن لوتفه گەردیان بکێ و پولوس کل بکێ ئەڕا ئورشەلیم، ئەڕا ئیه که وەناو ڕێ کوڵ گردوین تا بکوشنێ.

کاریل ڕەسولەیل 27:42

سەربازەگان تواسن زندانییل بکوشن نەخواێ کەسێگ مەله بکێ و دەر بچود.

رومیەگان 15:19

وەگەرد هێز نیشانەیل و موجزەیل، وەگەرد هێز روح خودا - ئەوجورە که له شار ئورشەلیم تا شار ئیلیریکوم دەور دامه و خزمەت ئینجیل مەسیح وه تەمامی، ئەنجام دامه.

رومیەگان 8:35

کیه که ئیمه له مابەت مەسیح جیاوه کەێ؟ بەرد یا پەشێوی یا عەزاو یا قاتوقڕی یا ڕویتی یا خەتەر یا شمشێر؟

یەکم قورنتییل 15:30

ئەڕا چه ئیمه هەر سات گیان خوەمان خیمنه خەتەر؟

یەکم قورنتییل 15:32

ئەگەر وەگەرد گیانەوەریل دڕنه وەناو ئەفسوس تەنیا وەبونەێ مدویل ئنسانی جەنگیم، چ سودێگ داسه دەسمەو؟ ئەگەر زنیەو بوین له مردگیل نیه، «بان تا بخوەیمن و بنوشیم چوینکه سو مریمن.»

دویم قورنتییل 11:32

وه شار دەمشق، فەرمانرەواێ دەسنیشان شا حارس، نگابانیلی هیشته سەر شار دەمشق تا بخەنەمه گیر.

نامه وە غەلاتییل 2:4

ئیه له ئەو باوەتەو پێش هات که بڕێگ له برایل دروەکانی وه دزیەو هاوردوینه ناومان و ئەوانه سڕ خواردنه ناومان تا ئەو ڕزگاریه که وەناو مەسیح عیسا دێریم جاسوسی بکەن و وه خوڵامی بکیشنەمان.