دویم قورنتییل 11:23 - کتاب مقدس به زبان کردی جنوبی - گویش کلهوری

²³ ئێ خزمەتکار مەسیحن؟ جور شێتیل قسیه کەم، مه فرەتر هەم! له گشت سەختتر کار کردمه، چەن جار فرەتر له ئەوانه کەفتمەسه زندان، له گشت فرەتر قەمچی خواردمه، چەن جار وەگەرد مەرگ ڕوی وه ڕوی بیمه.

دویم قورنتییل 11:23 ပူးပေါင်းရင်းမြစ်များ

کاریل ڕەسولەیل 14:19

وەلێ جویلەکەیلێگ له ئەنتاکیه و قونیه هاتن و مەردمەگه وەگەرد خوێان یەکی کردن و پولوس کوچگواران کردن و وه گومان ئیه که مردگه، له شار کڕاننەێ دەیشت.

کاریل ڕەسولەیل 20:23

بێجگه ئیه که روح‌القودوس وه هەر شارێگ شاێەتیه پێم دەی که زندان و بەرد چەوەڕێمه.

کاریل ڕەسولەیل 21:11

ئەوه هاته ئەڕا لاێ ئیمه و قەێوەنەگەێ پولوس گرد و دەس و پاێ خوەێ بەساد و وەت: «روح‌القودوس فەرمایش کەێ: ”جویلەکەیل ئورشەلیم ساێو ئی قەێوەنه هەر ئیجوره بەسنێ و دەنێ دەس ناجویلەکەیل.“»

کاریل ڕەسولەیل 25:14

وەختێ چەن ڕوژ وه ئەوره مەنن، فستوس مەبەست پولوس هاورده لاێ پادشا و وەت: «پیاێگ ها ئێرا که فلیکس خستیەسەی زندان.

کاریل ڕەسولەیل 27:1

وەختێ بیه ئیه که له ڕێ دەریا بچیمنه ئەڕا وڵات ئیتالیا، پولوس و بڕێگتر له زندانییل دانه دەس ئەفسەرێگ یولیوس ناو، له گوردان سەڵتەنەتی قیسەر.

کاریل ڕەسولەیل 28:16

وەختێ ڕەسیمنه شار روم، هیشتن پولوس وەگەرد سەربازی که پاسەوانیه لێ کردیا وه ماڵ خوەێ بمینێ.

کاریل ڕەسولەیل 28:30

ویجوره پولوس دو ساڵ تەمام وه ماڵی که کراێه کردوی نیشتەجێ بی و هەر کەس هاتیاده ئەڕا لاێ قەبوڵێ کردیا.

کاریل ڕەسولەیل 9:16

چوینکه وەپێ نیشان دەم وەبونەێ ناو من چ رەنجیلێ باێه بکیشێد.»

رومیەگان 8:36

هەر ئەوجورە که وەناو کتاو زەبور نویسریاس: «ئیمه وه دریژایی ڕوژ، وەبونەێ تو ڕوی وه ڕوی مەرگ بویمن و جورێگ نوڕنه پێمانەو که چماێ پەسیلێگیم که ڕز کریایمنه تا سەرمان بوڕن.»

یەکم قورنتییل 15:10

وەلێ وه فیز خودا من ئەوەمه که هەم، هەر ئیجوره فیز ئەیو ئەڕا من بێ سود نوی. وه چەواشەوه، من له گشت ئەوانه فرەتر کار کردم، هەر چەن وەڕاسی خوەم نویم، بەڵکەم ئەو فیز خودا بی که ها گەردما.

یەکم قورنتییل 3:5

مەر ئاپولوس کیه؟ پولوس کیه؟ ئەوانه تەنیا خزمەتکاریلێگن که خودا کارێگ داسه دەس هەر کامێان تا ئیوه له ڕێ ئەوانه ئیمان بارین.

یەکم قورنتییل 4:1

جا گشتیەکی باێه ئیمه جور خزمەتکاریل مەسیح و کاروەدەسیل رازیل خودا بوینن.

یەکم قورنتییل 4:11

تا ئی ساته ورسی و تیەنیمن و دڵنگیلمان کویەنەس. کوتەڵ کو کریاێ و دەروەدەریم.

یەکم قورنتییل 4:9

ئەڕا ئیه که من فکر کەم که خودا ئیمه ڕەسولەیل هەر جور گیرودەیل ماکوم وه مەرگ ڕز کیشاسه دویای ئەوانه که ڕژه چن و ناسەمانه ئەڕا نیشان داین. ئەڕا ئیه که گشت جهان، چ ئایەمیل و چ فریشتەیل تماشاکەرمانن.

دویم قورنتییل 10:7

بنوڕن و سەێر بکەن. ئەگەر کەسێگ دڵنیاس که هن مەسیحه، با بزانێ که هەر ئەوجورە که ئەوه هن مەسیحه ئیمەیش هەر وه ئەو ئەنازه هن مەسیحیم.

دویم قورنتییل 11:5

وەلێ گومان نیەکەم مه له ئەوانه که خوێان وه ’گەورا ڕەسولەیل‘ خوەنن چشتێگ کەمتر بیاشتوم.

دویم قورنتییل 3:6

ئەیو لیاقەت بەخشیەسه پێمان تا خزمەتکاریل پەێمان نو بویمن، پەێمانێگ که وه کار روح خودا بەردەوامه، نه وه ئەو چشته که نویسریایگ فرەتر نیه. چوینکه ’نویسریای‘ کوشێد، وەلێ روح خودا زنەیی بەخشێد.

دویم قورنتییل 4:11

چوینکه ئیمه که زنەیمن، هەمویشه وەبونەێ عیسا مریمن تا زنەیی عیسا وەناو جەسەمان که مرێ، ئاشکراوه بود.

دویم قورنتییل 6:9

وەگەردمان هێمرای جور بی ناونیشانەیل ڕێ رەوشت کریەێ وەئیحالەو ناسیاریم؛ وەگەردمان جور ئایەمیلێ که دێرن مرن ڕێ رەوشت کریەێ، وەلێ هێمراێ زنەیمن؛ وەگەردمان جور ئایەمیل سزا دریاێ ڕێ رەوشت کریەێ، وەلێ هێمراێ نەکوشریایمنه؛

نامه وە غەلاتییل 6:17

لەئیەودویا کەسێگ پەشێوم نەکێ، چوینکه مه وه جەسەم داخیل عیسا دێرم.

ئەفسوسیێل 3:1

له ئی باوەته، مه پولوس، که وەبونەێ ئیوه ناجویلەکەیل زندانی مەسیح عیسام

ئەفسوسیێل 4:1

جا من که وەخاتر خوداوەند هامه زندان، لاڵکمه پێدان وه لەونێگ زنەیی بکێن که شایسەی داوەتێگ بود که ئیوه ئەڕاێ دەنگ کریاینه،

ئەفسوسیێل 6:20

هەر ئەو ئینجیلێگ که مه سەفیر ئەوەمه، هەر چەن هامه ناو زنجیر! دوعا بکەن که ئەوه وه ئازای جار بێەم، ئەوجورە که باێه بویشم.

نامەێ فیلیپییل 1:13

جوری که وه گشت نگابانیل کاخ سەڵتەنەتی و ئەڕا گشتیەکیگ دیار داس که مه وەخاتر مەسیح هامه ناو زندان؛

نامەێ فیلیپییل 2:17

تەنانەت ئەگەر هەوەجی وه ئیه بود که خوین مه هەر جور شراو پیشکەش کریاێ، وه مل پیشکەشی قوروانی ئیماندان بڕشێید، وەناو وه جێ هاوردن ئی کاره خوەشاڵم و وەگەرد گشتدان خوەشی کەم.

نامه وه کولوسییل 1:24

ئێرنگه له رەنجیلێ که وەبونەێ ئیوه کیشام خوەشاڵم و هەر کەم کەسری بەردیلی که مەسیح وەبونەێ جەسەێ یانێ کلیسا کیشاس، وەناو جەسەێ خوەم کامڵەو کەم.

نامه وه کولوسییل 1:29

وه ئی باوەتەسه که مه زامەت کیشم و وەگەرد گشت هێز ئەیو که وه قەوەت وەناو مه کار کەید، تەقالا کەم.

یەکم تسالونیکییل 3:2

جا تیموتاوس که براێ ئیمه و هاوکار خودا له کار ئینجیل مەسیحه، کل کردیمنه ئەڕا لادان تا ئیوه له ئیماندان بەردەوام بکێد و هاندان بێید،

یەکم نامەێ تیموتاوس 4:6

ئەگەر ئی کاریله بخیدەێ هویر برایل، بیده خزمەتکار خاس مەسیح عیسا، گەورا بی وەناو کەڵام ئیمان و تالیم خاسێگ که کەفتیدەسه شونێ.

دویم تیموتاوس 1:16

بەزەیی خوداوەند وه مل بنەماڵەگەێ ئونیسیفوروس بود، ئەڕا ئیه که چەن جار گیان مه تازەوه‎ کردێه و له زنجیریلم شەرمزار نوی.

دویم تیموتاوس 1:8

جا، له شاێەتی داین وه خوداوەند ئیمه شەرمزار نەو، نه ئەڕا مه که وه خاتر ئەوه هامه زندان، بەڵکەم تنیش وه پاڵەو داین وه هێز خودا له زامەت کیشاین ئەڕا ئینجیل بەشدارەو بو.

دویم تیموتاوس 2:9

که وه بونەێ هامه ناو رەنج، تا وه ئەو ئەنازه که هەر جور جرم کەریل کیشانەسەمه زنجیر. وەلێ کەڵام خودا له زنجیر نیه.

دویم تیموتاوس 3:11

عەزاویلێگ که کیشامه و رەنجیلێ که دیمه، دیده‎ و له ئەو چشته که له شاریل ئەنتاکیه، قونیه و لستره وه سەرمەو هات و عەزاویلێگ که و مه رەسێ، خاس ئاگاداری. وەلێ خوداوەند مه له ناو گشت ئەوانه دەراورد.

نامه وه فیلیمون 1:9

وه ئی حاڵەو خاستر زانم که له ڕوی مابەت له لێد داوا بکەم. جا مه، پولوس پیر، که ئێرنگەیش ئەڕا مەسیح عیسا زندانیم،

عبرانییل 10:34

وەگەرد ئەوانه که وەناو زندان بوین، هاودەردی کردیاين و وەختێ ماڵ ئەموالدان تاڵان کردیان وه خوەشیەو قەبوڵ کردیاین، چوینکه زانستیاین که خوەدان دارایی خاسترێگ دێرین که مینێد.