دویم قورنتییل 11:13 - کتاب مقدس به زبان کردی جنوبی - گویش کلهوری

¹³ چوینکه ئیجور کەسیلێ، ڕەسولەیل دروەکانی و کارکەریل فێڵبازن که خوێان وه وێنەێ ڕەسولەیل مەسیح دەر تیەرن.

دویم قورنتییل 11:13 ပူးပေါင်းရင်းမြစ်များ

ئنجیل مەتا 25:24

ئمجا خوڵامی که یەێ کیسەێ تەڵا گردوی، هات وەت: ”ئەرواو زانستیام که پیاێ سەختگرێگی، وەشونێ که نەکاڵێده درەو کەی و وەشونێ که نەوەشانیده گردەو کەی،

کاریل ڕەسولەیل 15:1

بڕێگ له ناوچەێ یەهودیەوه هاتنه ئەڕا شار ئەنتاکیه و برایل تالیم دیان و وەتیان: «ئەگەر وه پێ نەریت موسای پەێخەمەر خەتەنه نوین، نیەتویەنین نجات پەێا بکێن.»

کاریل ڕەسولەیل 15:24

شنەفتیمنه کەسیلێ له ناومان، بی ئەوه که دەستورێگ له ئیمه بیاشتوین، هاتنه و ئیوه وەگەرد قسیەیلیان پەشێو کردنه و سەره لێدان شێواننه.

کاریل ڕەسولەیل 20:30

تەنانەت وەناو خوەدان کەسیلێگ پەێا بون که ڕاسی چەواشه کەن، تا شاگردیل بکەنه پێرەو خوێان و له ڕێ وه دەر بکەن.

رومیەگان 16:18

ئەڕا ئیه که ئیجور کەسیلێگ وه خوداوەندمان مەسیح خزمەت نيەکەن، بەڵکەم وه زگێان خزمەت کەن و وەگەرد قسیەیلی ڕەنگین و زوانبازی فریو دڵ ئایەمیل ساده دەن.

دویم قورنتییل 11:15

چشت ئەڵاجویێگ نیه که خزمەتکاریل خویشێ بکێده جور خزمەتکاریل ڕێ سالحان. دەسئاخر سزاێگ که حەقیانه گرن.

دویم قورنتییل 2:17

ئەڕا ئیه که ئیمه جور قێر فرەێگ که ئەڕا نەف خوێان خەریک دەسفروشی کەڵام خودان، نیمن، بەڵکەم له لاێ خودا وەناو مەسیح قسیه کەیمن، هەر جور مەردم ڕویڕاسێگ که له لاێ خودا مامور بینه.

دویم قورنتییل 4:2

وەلێ ئیمه ڕێیل نادرسێ و شاریایەو نایمنەسه لا. ئیمه فێڵبازی یا دەسەژێیەی ناو کەڵام خودا قەبوڵ نیەکیمن، وەلێ وەگەرد ئاشکرا وەتن ڕاسی، تەقالا کەیمن له لاێ خودا مورکریاێ وژدان گشتیەکی بویمن.

نامه وە غەلاتییل 1:7

هەڵبەت ئینجیلێگ تر نیه، وەلێ کەسیلێگ هەن که پەشێودان کەن و توان که ئینجیل مەسیح بگویڕنن.

نامه وە غەلاتییل 2:4

ئیه له ئەو باوەتەو پێش هات که بڕێگ له برایل دروەکانی وه دزیەو هاوردوینه ناومان و ئەوانه سڕ خواردنه ناومان تا ئەو ڕزگاریه که وەناو مەسیح عیسا دێریم جاسوسی بکەن و وه خوڵامی بکیشنەمان.

نامه وە غەلاتییل 4:17

ئەو ئایەمیله ئەڕا ئیوه غیرەت دێرن، وەلێ نه وه نیەت خاس. ئەوانه توان ئیوه له ئیمه جیاوه بکەن تا ئەڕاێان غیرەت بیاشتوین.

نامه وە غەلاتییل 6:12

ئەوانه که توان شێوەێ خوێان خاس نیشان بێەن، ناچاردان کەن که خەتەنه بوین، تەنیا وه ئی نیەته که وەبونەێ سەلیب مەسیح عەزاو نوینن.

ئەفسوسیێل 4:14

ئەو وەخته دی جور مناڵیل نیمن که تافیل وه ئی لا و ئەو لا فڕەمان دەن و هەر وای تالیمیل جورواجور و فەن و فيڵ ئایەمیل، وەناو نەخشەیلی که ئەڕا له ڕێ دەرچین کیشن، ئیمه وه ئی لاو ئەو لا فڕه بێید.

نامەێ فیلیپییل 3:18

چوینکه هەر ئەوجورە که چەن جار وه ئیوه وەتمه و ئێرنگەیش ئەسر ڕشنم و ئویشمه پێدان، ڕێ رەوشت قێر فرەێگ هەر جور دشمەنیل سەلیب مەسیحه.

نامەێ فیلیپییل 3:2

له ئەو گەماڵیله دویرەو بگرن، له ئەوانه که کارێان شەڕئاشویه، دویرەو بگرن! له ئەو کەسیلێ که ئەڕا خەتەنه، جەسه بڕن دویرەو بگرن!

نامه وه کولوسییل 2:4

ئیه ئویشم تا هویچکەسێگ ئیوه وەگەرد باسیلێگ که بود باوەڕێ بکێ، گولدان نێید.

نامه وه کولوسییل 2:8

ئاگادار بوین کەسێگ ئیوه وەگەرد فەلسەفه و فریو پویچ گیرودەدان نەکەید، که وه پێ نەریت ئایەمیل و بیروڕایل سەرەتایی ئی جهانەسه، نه وه پێ مەسیح.

یەکم یوحەنا 2:18

ئێ ڕوڵەیل، سات ئاخر ڕەسیه و هەر ئەوجورە که شنەفتینه ”زد مەسیح“ تێد، ئێرنگەیش فره له زد مەسیحیل هاتنه، وه ئی بونه زانیمن که سات ئاخره.

یەکم یوحەنا 4:1

ئێ عەزیزەیل، وه هەر روحێگ باوەڕ نەکێن، بەڵکەم روحیل ئەزمون بکەن تا بوینین له خودان یا نه. چوینکه نەبوەتکەریل دروەکانی فرەێگ وەناو جهان تەفرتویناوه بینه.

یەهودا 1:4

چوینکه بڕێگ که له جارانەو ئەڕا ئی ماکومیەته دیاری کریانه، بیدەنگ خز خواردنەسه ناودان. ئیانه خودانەناسیلێگن که فیز خوداێ ئیمه کەنه هەرزەیی و عیسا مەسیح، که هەر یەێ ئەرواو و خوداوەندمانه، حاشا کەن.

وەحی وه یوحەنا 19:20

ئەو گیانەوەر دڕنه وەگەرد ئەو پەێخەمەر دروەکانیه که وه لاێ ئەوه نیشانه و موجزەیل ئاشکرا کردوی، گیر هاتن. پەێخەمەر دروەکانی وەگەرد نیشانه و موجزەیل خوەێ کەسیلێگ گول دا که نیشانەێ ئەو گیانەوەر دڕنه گردوینه وەر و پێکەرەگەێ پەرەسیان. ئەوانه هەردگێان زنی فڕه دریانه ناو دەریاچەێ ئاگرێگ که وه گوگرد گڕانه.

وەحی وه یوحەنا 2:2

خەوەر کاریلد دێرم و له زامەت و سەور و بەردەوام بویند ئاگادارم. زانم که نیەتویەنی شەڕئاشویل تاموڵ بکێ، بەڵکەم کەسیلێگیش که خوێان وه ڕەسول زانن وەلێ نین، دایدەسێانه سەر‎نج و فامیده که ئەوانه دروزنن.

وەحی وه یوحەنا 2:20

وەلێ ئی هەڵه وه توی دێرم که پاپێ ئەو ژن ئیزابل ناوه نێید که خوەێ وه پەێخەمەرێگ زانید. هەر ئەوه که وەگەرد تالیم خوەێ خوڵامیل مه گول دەێد تا دەس وه خیزی بێەن و له خواردەمەنی پیشکەشی وه بتیل بوخوەن.

وەحی وه یوحەنا 2:9

له بەرد و دەستەنگێد ئاگادارم، وەلێ دەوڵەمەنی! له بختیل ئەوانه که خوێان جویلەکە زانن وەلێ نین، بەڵکەم کەنیسەێ شەیتانن، خەوەر دێرم.