دویم قورنتییل 10:14 - کتاب مقدس به زبان کردی جنوبی - گویش کلهوری

¹⁴ ئەڕا ئیه که ئیمه له ئەنازەێ خوەمان فرەتر نەچیمنەسه نوا، چماێ هەراێهەر خزمەتدان نەکردیمنه. چوینکه یەکمین کەسیلێ بیمن که ئینجیل مەسیح رەسانیمنه پێدان.

دویم قورنتییل 10:14 ပူးပေါင်းရင်းမြစ်များ

مەرقوس 1:1

شرو ئینجیل عیسا مەسیح کوڕ خودا.

کاریل ڕەسولەیل 20:24

وەلێ هویچ قێرێگ ئەڕا گیان خوەم دانەنامه، تەنیا تاسەێ مه ئیەسه، ئەگەر بتویەنم دەور خوەم و خزمەتی که له خوداوەند عیسا گردمه، تا وه ئاخر برەسنم و وه ئینجیل فیز خودا شاێەتی بێەم.

رومیەگان 1:16

چوینکه مه له ئینجیل شەرمزار نیم، ئەڕا ئیەکه هێز خوداس ئەڕا نجات هەر کەسێگ که ئیمان بارێ، یەکم جار جویلەکە و لەشونی یونانی.

رومیەگان 16:25

ئێرنگه جەڵاڵ وه ئەیو که تویەنێ وه پێ ئینجیلێگ که من جار دەم و وه پێ تالیم عیسا مەسیح، وه قەوەتدان بکێ - یانێ وه پێ وەحی ئەو رازه که ئەڕا دەورانیل دریژێگ، شاریاویدەو،

رومیەگان 2:16

ئیه ڕوژیگ هەڵکەفێ که خودا وه پێ ئینجیلێگ که من جار دەم، رازیل دڵ ئایەمیل له ڕێ مەسیح عیسا داوەری کەێ.

یەکم قورنتییل 2:10

ئی چشتیله خودا له ڕێ روح خوەێ ئەڕامان ئاشکراوه کردێه، ئەڕا ئیەک روح خودا گشت چشتێگ، تەنانەت قویلترین راز خودایش دەێدەیەکا.

یەکم قورنتییل 3:10

وه پێ فیزێگ که خودا بەخشاسه پێم، جور بەناێگ کار زان بنەواێگ دامەزرانم و یەکیگ تر وه سەری بنیاد نی. وەلێ هەر کەس باێه ئاگادار بود که چوی درسێ کەێد.

یەکم قورنتییل 4:15

چوینکه تەنانەت ئەگەر وەناو مەسیح بی ئەنازه ماموستا بیاشتوین، وەلێ باوگیل فرەێگ نێرین، ئەڕا ئیەک من له ڕێ ئینجیل وەناو مەسیح عیسا بیمەسه باوگدان.

دویم قورنتییل 2:12

جا وەختێ ئەڕا جارداین مزگانی مەسیح چیمه تروئاس، زانستم که خوداوەند وه ئەوره دەر گەوراێگ وه ڕویم واز کردێه.

دویم قورنتییل 4:4

خوداێ ئی جهانه، زەین بی ئیمانیل کور کردێه تا نویر ئینجیل جەڵاڵ مەسیح که وێنەێ خوداێ نادیاریه، نوینن.

نامه وه کولوسییل 1:5

ئیانه له ئمیدێگ سەرچاوه گری که وەناو ئاسمان ئەڕا ئیوه نریاس. وەرجه ئیه له باوەت ئی ئمیده وەناو کەڵام ڕاسی یانێ ئینجیل شنەفتینه،

یەکم نامەێ تیموتاوس 1:11

تالیمێگ وه ڕوی ئینجیل پڕ جەڵاڵ خوداێ بمارک که وه مه سپاریاس.