دویم قورنتییل 10:12 - کتاب مقدس به زبان کردی جنوبی - گویش کلهوری

¹² نه ئیه که ئیمه جرئەت کیم خوەمان وەگەرد کەسیلێ که له خوێان تاریف کەن یەکی بکێم یا خوێان وەگەرد یەکترەکی هەڵسەنگنن. وەلێ وەختێ خوێان وەگەرد یەکترەکی بەراورد کەن، دیاره که چەنێ نەزانن.

دویم قورنتییل 10:12 ပူးပေါင်းရင်းမြစ်များ

لوقا 18:11

فەریسیەگه هەڵساده سەر پاوه و ئیجوره دوعا کرد: ”خودایا، سپاسد کەم که جور باقی مەردمیل بەێکاره و دز و خیز، یا تەنانەت جور ئی باجگره نیم.

رومیەگان 15:18

چوینکه جرئەت نیەکەم له باوەت چشتێگ قسیه بکەم بێجگه ئەو چشته که مەسیح له ڕێ منەو وه جێ هاوردێه تا ناجویلەکەیل ئەڕا گوش تەکانن له ئیمان بارم - وەگەرد قسیەیلم و وەگەرد کاریلم،

دویم قورنتییل 10:11

ئەوانه که ئیجوره ئویشن با بزانن که هەر چی وه دویرەو وەناو نامەگانم ئویشم، وەختێ بامه ئەڕا لادان هەر ئەو کاره کەم .

دویم قورنتییل 10:18

چوینکه نه ئەوه که له خوەێ تاریف بکێ قەبوڵ کریەێ، بەڵکەم ئەوه که خودا تاریفی بکێ.

دویم قورنتییل 3:1

ئێ بو یەێ جارتر دەس بکێمنه تاریف کردن له خوەمان؟ یا جور بڕێگ، هەوەجی وه سفارش نامەێگ دێریم تا بێیمنه دەسدانەو یا سفارش نامەێگ لەلێدان بسێنیم تا گشتیەکی ئەوه بناسن و بخوەنن؟

دویم قورنتییل 5:12

نیەتوایم وەدواره له خوەمان تاریف بکێم، بەڵکەم توایم مدوێگ بێیمنه پێدان تا وه ئیمه شانازی بکێن، تا بتویەنێن جواو کەسیلێگ بێین که وه ڕوی شێوه شانازی کەن، نه وه ئەو چشته که ها ناو دڵ.