دویم قورنتییل 1:7 - کتاب مقدس به زبان کردی جنوبی - گویش کلهوری

⁷ ئمیدمان له باوەت ئیوه بەردەوامه، چوینکه زانیمن هەر ئەوجورە که وەناو عەزاویلمان هاوبەشین، وەناو دڵنەواییمانیش هاوبەشەو بوین.

دویم قورنتییل 1:7 ပူးပေါင်းရင်းမြစ်များ

ئنجیل مەتا 23:30

جا ئویشین: ”ئەگەر وه ڕوژگار باپیریلمان زنەیی بکردیایمن، وەناو خوین ڕشانن پەێخەمەریل وەگەردێانەو بەشدار نویاتیام.“

یەکم قورنتییل 10:13

تویش هویچ ئەزمونێگ ناتینه که ئەڕا بەشەر مناسو نود. جا خودا ئەمینە؛ ئەیو نێیلی فرەتر له تویەنایدان ئەزمون بوین، بەڵکەم وەگەرد ئەزمون ڕێ دەر چینیش گورجەو کێ تا تویەناێ تاموڵی بیاشتوین.

دویم قورنتییل 1:14

هەر ئەوجورە که تا ئەنازەێگ ئیمه فامینه، وەناو ڕوژ خوداوەندمان عیسا هەر ئەوجورە که ئیمه وه ئیوه شانازی کەیمن، ئیوەیش وه ئیمه شانازی بکێن.

دویم قورنتییل 12:20

چوینکه له ئەوه ڕخم چود وەختێ بامه ئەڕا لادان ئەوجورە که توام، نوینمەدان و ئیوەیش ئەوجورە که تواین، نوینینەم. نەکێ وەناودان مرافه، حەسویی، توڕه بوین، دشمەنی، بخت کردن، خوسپ کردن، لویتبەرزی و شل شێویایی بوینم.

دویم قورنتییل 7:9

وەلێ ئێرنگه دڵشادم، نه وه ئی بونه که خەمبارەو بینه، بەڵکەم وەبونەێ ئیه که خەمباریەگەدان بایس بی توبه بکێن. وەبونەێ ئیه که خەمەگەدان ئەڕا خودا بی، تا هویچ زەرەر و زیانێگ له ئیمه وەپێدان نەرەسێ.

دویم تیموتاوس 2:12

ئەگەر تاموڵ بکێم، وەگەرد ئەیو سەڵتەنەتیش کەیمن. ئەگەر حاشاێ بکێم، ئەیویش حاشامان کەید.

دویم تیموتاوس 3:11

عەزاویلێگ که کیشامه و رەنجیلێ که دیمه، دیده‎ و له ئەو چشته که له شاریل ئەنتاکیه، قونیه و لستره وه سەرمەو هات و عەزاویلێگ که و مه رەسێ، خاس ئاگاداری. وەلێ خوداوەند مه له ناو گشت ئەوانه دەراورد.

یاقوب 1:12

خوەش وه حاڵ ئەوه که وەناو ئەزمونیل بەردەوامه، چوینکه وەختێ له ئەزمون سەربەرز باێه دەیشت، ئەو تاج ژیانه گرید که خودا وه ئەوانه که دوسی دێرن، وادەێ داس.

وەحی وه یوحەنا 1:9

مه یوحەنا، براێ ئیوه، که له ناو بەرد و له ناو پادشاێ و له ناو سەور و بەردەوام بوینی که وه ناو عیسا هن ئیمەس، وەگەردانەو‎و هاوبەشم، وه بونەێ کەڵام خودا و شاێەتی عیسا، وه جەزیرەێگ وه ناو پاتموس بیم.