دویم قورنتییل 1:20 - کتاب مقدس به زبان کردی جنوبی - گویش کلهوری

²⁰ چوینکه گشت وادەیل خودا وەناو مەسیح ’ئەرێه‘ و وەئی بونه وەناو ئەوەسه که ئیمه ’ئامین‘ وه زوان تیەرێم، تا خودا جەڵاڵ پەێا بکێ.

دویم قورنتییل 1:20 ပူးပေါင်းရင်းမြစ်များ

ئنجیل مەتا 6:13

مەخەرەمانه ناو ئەزمون، بەڵکەم وه ئەو شەڕئاشوه ڕزگارمان بکه. چوینکه تا ئەبەد، پادشایی و هێز و جەڵاڵ هن تنه. ئامین.

لوقا 2:14

«جەڵاڵ ئەڕا خودا وه ئاسمان بەرز و ئاشتی و سڵامەتی ئەڕا مەردمیلێگ که وەبان زەوی، خودا وه لێان خوەشنوده!»

یوحەنا 1:17

چوینکه شەریعەت له ڕێ موسای پەێخەمەر دریاد؛ فیز و ڕاسی له ڕێ عیسا مەسیحەو هات.

یوحەنا 14:6

عیسا وەپێ وەت: «من ڕێ و ڕاسی و ژیانم؛ هویچکەس بێجگه له ڕێ منەو نیەتێدە لاێ باوگ ئاسمانی.

یوحەنا 3:5

عیسا جواوێ دا: «وه ڕاسی، وه ڕاسی، وەپێد ئویشم تا کەسێگ له ئاو و روح خودا ناێده دنیا، نیەتویەنی بچوه ناو پادشایی خودا.

رومیەگان 11:36

چوینکه گشت چشتێگ له ئەیو و له ڕێ ئەیو و ئەڕا ئەیوه. تا ئەبەد جەڵاڵ ئەڕا ئەیو بود. ئامین.

رومیەگان 6:23

چوینکه حەقدەس گونا مەرگه، وەلێ خەڵات خودا زنەیی ئەبەدی وەناو خوداوەندمان مەسیح عیساس.

یەکم قورنتییل 14:16

بێجگه ئیه، ئەگەر توی وەناو روح خەریک سپاس خودا بوید، چوی کەسێگ که زواند نیەفامێ وه سپاسەگەد ئامین بویشی؟ ئەڕا ئیه که نیەزانێ چه ئویشێ!

دویم قورنتییل 4:15

ئەڕا ئیه که ئیانه گشتێ وەبونەێ ئیوەس، تا فیزێگ که کەسیل فرەتر و فرەتر گرێدە وەر، بوده بایس سپاس فرەتر ئەڕا جەڵاڵ خودا.

دویم قورنتییل 4:6

چوینکه هەر ئەو خوداێ که فەرمایش کرد: «نویر له ناو تیەریکیەو بدرەوشێد،» نویر خوەێ وەناو دڵمان دروشان تا ڕوشنایی ئاگاداری جەڵاڵ خودا وەناو دەمچەو عیسا مەسیح، وه ئیمه بدرەوشێد.

نامه وە غەلاتییل 3:22

وەلێ کتاو موقەدەس وەت که گشت چشتێگ گیرودەێ بەن گوناس، تا ئەو واده که له ڕێ ئیمان وه عیسا مەسیحه‎، بێرێیده ئەوانه که ئیمان دێرن.

ئەفسوسیێل 1:6

تا وه ئیجوره فیز پڕ جەڵاڵی ستایش بکرێید، هەر ئەو فیزێگ که وەگەرد ئەوه، وەناو ئەیو عەزیز گرامیه، وه ئیمه بەەرکەت داس.

ئەفسوسیێل 2:7

تا وه دەورەی وەرەڕوی، دەوڵەمەنی بی ئەنازەی فیز خوەێ، له ڕێ مێرەبانی که وەناو مەسیح عیسا وه ئیمه دێرێ، نیشان بێید.

نامه وه کولوسییل 1:27

خودا ئیجوره تواس که وه ئەوانه ئاشکرا بکێد که ئی رازه چ جەڵاڵ گەوراێگ وەناو ناجویلەکەیل دێرێد، ئەو رازه که مەسیح ها ناو ئیوه، که ئمید جەڵاڵه.

دویم تسالونیکییل 1:10

وه ئەو ڕوژه که ئەیو تێد تا وەناو ئیمانداریل خوەێ جەڵاڵ پەێا بکێ و له ناو گشت ئەوانه که ئیمان هاوردنه، بوده سەوەو سەر سڕ هاتن. ئیه ئیوەیش گرێده وەر، ئەڕا ئیه که وه شاێەتی ئیمه ئیمان هاوردینه.

عبرانییل 11:13

ئیانه گشتێان وەناو ئیمان مردن، بی ئەوه که چشتیل واده دریاێ پەێا بکەن، بەڵکەم تەنیا ئەوانه له دویرەو دوین و سڵامیان کردوین. ئەوانه وه زوان هاوردن که له بان زەوی، غەریو و بێگانەن.

عبرانییل 13:8

عیسا مەسیح دویەکه و ئیمڕو و تا ئەبەد هەر ئەوەسه.

عبرانییل 7:6

وەلێ ئی ملکیسدقه که له نەتەوەێ ئەوانه نیه، له ئێبراهیم دەکوتی سەند و ئەوه بەەرکەت ئێبراهیم دا، ئێبراهیم که خاون وادەیل بی.

یەکم پتروس 1:12

ئەڕاێان ئاشکرا بی که نه وه خوەێان بەڵکەم وه ئیوه خزمەت کردیان، ئەو وەخته که له چشتیلی قسیه کردیان که ئێرنگه له باوەتێانەو له ڕێ جار دەریل ئەو مزگانیه وه ئیوه، شنەفین. له ئەوانه که له ڕێ روح‌القودوس که له ئاسمانەو کل کریاس، مزگانی دەنه پێدان. تەنانەت فریشتەیلیش ئاوەخت نوڕین وه ئی چشتیله دێرن.

یەکم یوحەنا 5:11

ئەو شاێەتێیشه ئیەسه که خودا ژیان ئەبەدی دا پێمان و ئی ژیانه هاناو کوڕەگەێ.

وەحی وه یوحەنا 3:14

«وه فریشتەێ کلیساێ شار لائودیکیه بنویس: «ئەیو که ئامینه، ئەیو که شاێەت ئەمین و حەقه، ئەیو که سەرکیەنی درسکریایل خوداس، ئیجوره ئویشێد:

وەحی وه یوحەنا 7:12

وەتن: «ئامین! ستایش و جەڵاڵ و زانیاری و سپاس و حرمەت و هێز و تویەنایی ئەڕا خوداێ ئیمه بود، تا ئەبەد و تا ئەبەد. ئامین!»