یەکم نامەێ تیموتاوس 6:12 - کتاب مقدس به زبان کردی جنوبی - گویش کلهوری

¹² له جەنگ خاس ئیمان تەقالا بکه و بلچکیه ئەو زنەیی ئەبەدی که ئەڕا ئەوه دەنگ کریایه، ئەو وەخته که وه نوای شاێەتیل فرەێگ، ئێقرار خاسەگه کردی.

یەکم نامەێ تیموتاوس 6:12 ပူးပေါင်းရင်းမြစ်များ

دویم قورنتییل 6:7

وه قسیەێ ڕاس و وه هێز خودا، وه چەکیل سالح بوین وه دەس ڕاس و چەپ؛

دویم قورنتییل 9:13

وه بونەێ مور ئی خزمەته وه زنەییدان، مەردم ستایش خودا کەن وەبونەێ گوش تەکانن و ئێقراردان وه ئینجیل مەسیح، هەر ئیجوره ئەڕا دەسدڵوازیدان له مەێەت وه ئەوانه و وه گشت نیشان دین.

نامەێ فیلیپییل 1:30

چوینکه ئیوەیش تویش ئەو کیشکاشینه که دین منیش تویش ئەوه بیم و ئێرنگەیش شنەفین که هێمراێ تویش ئەوەمه.

نامه وه کولوسییل 3:15

با ئاشتی و سڵامەتی مەسیح وەناو دڵدان حوکمفەرما بود، که وه ڕاسی وەناو یەێ جەسه ئەڕا ئی ئاشتی و سڵامەتیه دەنگ کریاینه. شوکر خودا بکێن.

یەکم تسالونیکییل 2:12

ئیمەیش هەر کام له لێدان هان دایمن و دڵنەوایی کردیمن و سپاردیمنه پێدان تا ڕێ رەوشتدان ئەوجورە بود که شایسەێ خوداس، خوداێگ که ئیوه وه پادشایی و جەڵاڵ خوەێ دەنگ کەێد.

دویم تسالونیکییل 2:14

ئەیو له ڕێ ئینجیلێگ که ئیمه جار دایم، دەنگدان کرد تا وه جەڵاڵ خوداوەند ئیمه عیسا مەسیح دەس پەێا بکێن.

یەکم نامەێ تیموتاوس 1:18

کوڕەگەم، تیموتاوس، ئی حوکمه وه ڕوی نەبوەتیلێگ که وەرجه ئیه له باوەت تنەو بیه، سپارمه پێد تا وه مەیەت ئەوانه وه خاسێ جەنگین ئەڕا خودا، بویده نوا،

یەکم نامەێ تیموتاوس 1:19

و سفت هەڵبکیده قێ ئیمان و وژدان پاکێگ، ئەڕا ئیه که کەشتی ئیمان بڕێگ وه خاتر ژێر پا ناین ئەوانه شکیاسه ناو یەکەو.

یەکم نامەێ تیموتاوس 4:14

ئەو خەڵاتی خودا که ها ناود‎ مەخه پشت گوش، خەڵاتی خودا که وه وەسلەێ نەبوەت پەێا کردی، ئەو وەخته که خێل شێخیل وه ملدەو دەس هیشتن.

یەکم نامەێ تیموتاوس 6:13

جا له نوای خوداێگ که وه گشت چشتێگ زنەیی بەخشێد و له لاێ مەسیح عیسا که له شاێەتی خوەێ له لاێ پونتیوس پیلاتوس ئێقرار خاسەگه کرد، ئاموژیارید کەم

یەکم نامەێ تیموتاوس 6:19

و ئیجوره، گە‎نجیگ ئەڕا خوێان خەنه پشت دەس که بوده بنەواێ قورس ژیان وەرەڕوییان و لچکینه ئەو ژیانه که ژیان ڕاسەکانیه.

دویم تیموتاوس 1:9

هەر ئەو خوداێگ که ئیمه نجات داس و ئەڕا زنەیی موقەدەس دەنگ کردێه. ئیه نه وه سەوەو کاریل ئیمه، بەڵکەم وه خاتر خاست و فیز خود ئەیوه، فیزێگ که وه ناو مەسیح عیسا له ڕوژگاریل ئەزەڵ وه ئیمه بەخشا،

دویم تیموتاوس 2:2

و ئەو چشته که له لاێ شاێەتیل فرەێگ له مه شنەفتی، وه مەردمیل ئەمینێگ بسپار که بتویەنن وه کەسێلێگتر یاێ بێەن.

دویم تیموتاوس 4:7

جەنگ خاسەگە جەنگیمه، موسابقەگه رەسانمەسه ئاخر و ئیمانم بی خڵت خەوش پارێزانمه.

عبرانییل 13:23

ئیوه باێه بزانین که براگەێ ئیمه تیموتاوس ڕزگار بیه. ئەگەر ئەوه زوی باێد، وەگەردیەو تیەم تا بوینمەدان.

عبرانییل 3:14

ئەڕا ئیه که ئیمه وەناو مەسیح بەشدارەو بویمنه، ئەگەر وه ڕاسی ئەو دڵنیاییه که له سەرەتایی داشتیم تا وه ئاخر قورس بپارێزنیم.

عبرانییل 6:18

تا له ڕێ دو چشت نەگوڕیای، که مەحاڵ خودا له باوەت ئەوانه درو بویشێد، ئیمه فره دڵگەرمەو بویمن، ئیمه که ئەڕا پەنا بردن هەێوایمنه تا ئمیدێگ که له وەر دەم ئیمه نریاس، قورس بلچکێیم.

یەکم پتروس 3:9

خراوی وەگەرد خراوی یا دژمین وەگەرد دژمین جواو مێەن، بەڵکەم وه پێچەوانه، داواێ بەەرکەت بکەن، چوینکه هەر ئەڕا ئیه دەنگ کریاینه تا بەەرکەت بوده نسیودان.

یەکم پتروس 5:10

وەشون ئیه که توزێگ زامەت دین، خوداێ گشت فیزیل که ئیوه وەناو مەسیح وه جەڵاڵ ئەبەدی خوەێ دەنگ کردێه، خوەێ ئیوه له سەر نو نێده پاوه و قورس و تویەنا و بەردەوام کەێد.

یەکم یوحەنا 2:25

ئیەسه وادەێ که ئەیو دا پێمان، یانێ زنەیی ئەبەدی.

یەهودا 1:3

ئێ عەزیزەیل، ئەگەر چ تاسەێ فرەێگ داشتم تا له باوەت نجاتیگ که وەناوێ بەشداریم ئەڕا ئیوه بنویسم، وەلێ واجو دیم ئیه ئەڕادان بنویسم و بلاڵکمه پێدان که ئەڕا ئەو ئیمانه زورزمەکی بکێن، هەر ئەو ئیمانه که یەێ جار ئەڕا هەمویشه وه ئیمانداریل وه مەسیح سپاریاس.

وەحی وه یوحەنا 3:3

جا ئەو چشته که گردیده و شنەفتیدە، باره هویرد؛ ئەوه بپارێزن و توبه بکه. ئەگەر له خەو هەڵنەڵسێد، جور دزێگ تیەم و نیەزانێد چ ساتێگ تیەمه ئەڕاد.