یەکم نامەێ تیموتاوس 5:17 - کتاب مقدس به زبان کردی جنوبی - گویش کلهوری

¹⁷ شێخیلێگ که خاس ڕابەری کردوین، شایسەێ حرمەت دو ئەوقرەنه، وه تایبەتی ئەوانه که له کار بانگەوازی و تالیم زامەت کیشن.

یەکم نامەێ تیموتاوس 5:17 ပူးပေါင်းရင်းမြစ်များ

ئنجیل مەتا 24:25

بنوڕن، وه نواوه گشتێ چشتێ وەپێدان وەتمه.

لوقا 10:7

وەناو ئەو ماڵه بمینن و هەر چی دانه پێدان، بخوەن و بنوشن، چوینکه کارکەر حەقیه، حەق دەس بگرێ. ئی ماڵ و ئەو ماڵ نەکێن.

لوقا 12:42

عیسا خوداوەند وه جواوی وەت: «ئێ ئەو کاروەدەس ئەمین و زانا کیه که ئەرواوەگەێ ئەوه ناسه بان سەر خزمەتکاریل ماڵەگەێ خوەێ تا بەش نان ئەوانه وه وەخت خوەێ بێی؟

یوحەنا 4:38

من ئیوه کل کردم تا خەلەێگ درو بکێن که ئەڕاێ زامەت نەکیشاینه. کەسيل تر زامەت کیشانه و ئیوه له زامەتیل ئەوانه سود گرین.»

کاریل ڕەسولەیل 11:30

جا ئیجوره کردن و وه دەس بەرنابا و شائول، هدیەێگ کل کردنه ئەڕا لاێ شێخیل ئورشەلیم.

کاریل ڕەسولەیل 20:35

گشت جوری نیشاندان دامه که باێه رەنج و زامەت فرەێگ بکیشیم تا بتویەنیم دەستەنگیل مەیەت بێیم، قسیەيل خوداوەند عیسا وه هویرمان بود که خوەێ فەرمایش کرد: ”بەخشین له گرتن بەختەوەرتره.“»

کاریل ڕەسولەیل 28:10

ئەوانه فره حرمەتمان گردن، وەختێ تواسیم بکەفیمنه ڕێ، هەر چی هەوەجیمان بی ئەڕامان هاوردن.

رومیەگان 12:8

کەسێگ که هان دەێ، وەناو هان داینەگەێ. کەسێگ که مەیەت دەستەنگیل دەێ، ئی کاره وه دەسدڵوازیەو بکێ. کەسێگ که ڕابەری کێ، ئی کاره وه غیرەتەو بکێ. کەسێگ که بەزەیی کێ، ئی کاره وه خوەشیەو بکێ.

رومیەگان 15:27

چوینکه ئەوانه خوێان خوەشنود بین ئی کاره بکەن و وه ڕاسییش قەرددار جویلەکەیلن، چوینکه ئەگەر ناجویلەکەیل وەناو بەەرکەتیل روحانی جویلەکەیل بەشدارەو بوینه، ها ملێانەو که جویلەکەیل وەناو بەەرکەتیل پویلی خزمەت بکەن.

رومیەگان 16:12

وه تریفینا و تریفوسا، که وەناو خوداوەند زامەت کیشن سڵام برەسنن. وه پرسیس عەزیز که وەناو خوداوەند فره زامەت کیشاس، سڵام برەسنن.

یەکم قورنتییل 15:10

وەلێ وه فیز خودا من ئەوەمه که هەم، هەر ئیجوره فیز ئەیو ئەڕا من بێ سود نوی. وه چەواشەوه، من له گشت ئەوانه فرەتر کار کردم، هەر چەن وەڕاسی خوەم نویم، بەڵکەم ئەو فیز خودا بی که ها گەردما.

یەکم قورنتییل 16:16

بمێننه ژێر فەرمان ئیجور کەسیلێگەو هەر ئیجوره وه ژێر فەرمان هەر کەسێگ تر که وەناو ئی خزمەته هاوکاری کێ و زامەت کیشێ.

یەکم قورنتییل 3:9

ئیمه تەنیا هاوکاریل خودایمن و ئیوه زەویزار و ماڵێگ هن خوداین.

دویم قورنتییل 6:1

وه جیگەێ هاوکاریل خودا، لاڵکییمنه پێدانەو که فیز خودا وەناو زنەییدان پویچەو نەکێن.

نامه وە غەلاتییل 6:6

هەر کەس له کەڵام چشتێگ یاێ گری، باێه ماموستاگەێ له هەر چشت خاسێگ بەشدارەو بکێ.

نامەێ فیلیپییل 2:16

هەر ئەوجورە که قورس لچکیاینەسه کەڵام زنەیی؛ تا ئیجوره وەناو ڕوژ هاتنەوەێ مەسیح شانازی بکەم که وه هویچ پەتی نەدەویم یا وه هویچ پەتی مینەت نەکیشامه.

نامەێ فیلیپییل 2:29

جا وەناو خوداوەند، ئەوه وه خوەشی تەمام قەبوڵێ بکێن و حرمەت ئیجور کەسیلێگیش بیاشتوین،

نامەێ فیلیپییل 4:3

ئەرێ، له تنیش ئێ هاوکار ڕاسەکانی، له لێد توام که ئی دوگله ژنه مەیەت بێید، چوینکه وەگەرد ئەکلیمنتوس و ئەو باقی هاوکارەگانم که ناوێان وەناو دەفتەر زنەیی نویسریاس، شان وه شان مه ئەڕا کار ئینجیل زامەت کیشانه.

یەکم نامەێ تیموتاوس 3:5

چوینکه ئەگەر کەسێگ نەزانید چوی بنەماڵەگەێ خوەێ بخێده ڕێ، ئێ چوی تویەنێ هوشی وه کلیساێ خوداوه‎ بود؟

یەکم نامەێ تیموتاوس 4:10

که ئیمه ئمید خوەمان وه مل خوداێ زنی نایمنه که نجات دەر گشت ئایەمیل وه تایبەتی ئیمانداریله؛ و هەر ئەڕا ئیەیشه زامەت کیشیم و زور زمەکی کیم.

یەکم نامەێ تیموتاوس 4:14

ئەو خەڵاتی خودا که ها ناود‎ مەخه پشت گوش، خەڵاتی خودا که وه وەسلەێ نەبوەت پەێا کردی، ئەو وەخته که خێل شێخیل وه ملدەو دەس هیشتن.

یەکم نامەێ تیموتاوس 4:16

خاس خاس، هوشده رێ رەوشت زنەیی و تالیم خوەد بو. وەناو ئەوانه بەردەوام بو، که ئەگەر ئیجوره بکێد هەم خوەد و هەم ئەوانه که وه‎ لێد شنەفن نجات دەێ.

یەکم نامەێ تیموتاوس 4:6

ئەگەر ئی کاریله بخیدەێ هویر برایل، بیده خزمەتکار خاس مەسیح عیسا، گەورا بی وەناو کەڵام ئیمان و تالیم خاسێگ که کەفتیدەسه شونێ.

یەکم نامەێ تیموتاوس 5:19

هویچ بختێگ وه مل یەکیگ له شێخیل قەبوڵ مەکه، مەر وه شاێەتی دو یا سێ شاێەت.

یەکم نامەێ تیموتاوس 5:3

بێوه ژنیل که وه ڕاسی بێ کەس کارن، حرمەت بگر.

دویم تیموتاوس 2:6

ئەوه که باێه یەکم جار له خەله نسیو بوێد، جفتیارێگه که مەینەت کیشاس.

دویم تیموتاوس 4:2

کەڵام بانگەوازی بکێد و وەخت و بی وەخت ئەڕا ئی کاره گورج بوێد و وەگەرد سەور فره و تالیم فره درس، وه درس بوین و گازتاوه و هانداین کار بکێد.

عبرانییل 13:17

گوش له ڕابەريلدان بتەکنن و له لێان پێرەوی بکێن؛ چوینکه ئەوانه چەویان ها له گیانیل ئیوه و باێه حساو بیەنەو. بیلێن تا ئەوانه ئیه وه شادمانی بکەن نه وەگەرد ئاخ هەڵکیشان و ناڵین، چوینکه ئیه وه نەفدان نیه.

عبرانییل 13:24

وه گشت ڕابەريلدان و تەمام ئیمانداریل وه مەسیح سڵام برەسنن. ئەوانەێ که له ئیتالیان، سڵامدان رەسنن.

عبرانییل 13:7

ڕابەريلدان که کەڵام خودا ئەڕادان ئویشن، وه هویردان بون. وردەو بونه بەرێگ که ڕێ رەوشت زنەییان دەێده دەس و له ئیمانێان نمونه بگرن.