یەکم نامەێ تیموتاوس 5:11 - کتاب مقدس به زبان کردی جنوبی - گویش کلهوری

¹¹ وەلێ بێوه ژنيل جوانتر ‎ناونویسی مەکه، ئەڕا ئیه که وەختێ مەیلیل هەواوهەوەس له مەسیح دویریانەو بکێد، کەفنه فکر شوی کردنا.

یەکم نامەێ تیموتاوس 5:11 ပူးပေါင်းရင်းမြစ်များ

یەکم نامەێ تیموتاوس 4:3

ئیانه ئویشن ژن نەخوازین و وه پارێز له خواردەمەنیێلێ فەرمان دەن که خودا درس کردێه تا ئیمانداریلێگ که وه ڕاسی ئیمان دێرن و ناسنێ، وەگەرد شوکر کردن له ئەوه نسیو بوەن.

یەکم نامەێ تیموتاوس 5:12

وەئیجوره، چوینکه ئیمان ئەوساێ خوێان نەنه ژێر پا، وه مل خوێانا ماکومیەت تیەرن.

یەکم نامەێ تیموتاوس 5:14

جا باوەڕم ئیەسه که بێوه ژنیل جوانتر شوی بکەن و مناڵ بارن و بونه ماڵداریکەر و دەرفەت خراو وەتن وه دشمەن نیەن.

یەکم نامەێ تیموتاوس 5:9

تەنیا کەسیلێگ وه حساو بێوه ژنيل ناوێان بنویس که فرەتر له شەس ساڵ بیاشتوین و وه شویەگەێ خوێان وەفادار بینه.

یاقوب 5:5

ئیوه له بان زەوی وەناو دەوڵەمەنی و عیش و نوش زنەیی کردینه و دڵیلدان ئەڕاێ ڕوژ سەر بڕین پەروار کردينه!

دویم پتروس 2:18

چوینکه ئەوانه وه دەنگ بەرز قسیەيلێگ کەن که له ڕوی لویتبەرزی و گیلگەوجیه و وه وەسلەێ هەواوهەوەسیل هەرزەی جەسه، کەسیلێگ گیر تیەرن که تازه له چنگ گومڕایێل دەرچینه.

وەحی وه یوحەنا 18:3

چوینکه گشت ملەتیل له شراو هەواوهەوەس خیزی ئەوه خواردنه و پادشایل زەوی وەگەردیەو خیزی کردنه و بازرگانیل زەوی له هێز زنەیی رەنگینێ دەوڵەمەنەو بینه.»

وەحی وه یوحەنا 18:7

هەر ئەو ئەنازه که جەڵاڵ داده خوەێ و وەناو ڕەنگینی زنەیی کرد، هەر وه ئەو ئەنازه عەزاو و شین بێەنه پێ. چوینکه وەناو دڵ خوەێ ئویشێ که ”مه ئەوجورە دانیشم که مەلەکەیگ دانیشێد. بێوه نیم و هەراێهەر وه ئازیەتی نیەنیشم.“

وەحی وه یوحەنا 18:9

پادشایل زەوی که وەگەردیەو خیزی کردن و وەناو ڕەنگینی وەگەردێەو زنەیی کردن، وەختێ دویکەڵ سزیان ئەوه بوینن، وه ملێەو گیره و زاری کەن.