یەکم نامەێ تیموتاوس 4:12 - کتاب مقدس به زبان کردی جنوبی - گویش کلهوری

¹² مەیل با هویچکەسێگ توی وه سەوەو جاێەلێد وه سوک حساود بکێد، بەڵکەم وەناو وتار و کردەوه و مابەت و ئیمان و پاکێ، ئەڕا گشت ئیمانداریل بوه نمونه.

یەکم نامەێ تیموتاوس 4:12 ပူးပေါင်းရင်းမြစ်များ

ئنجیل مەتا 18:10

«هوشدان بود یەکیگ له ئی بویچگیله سوکەو نەکێن، چوینکه وەپێدان ئویشم فریشتەیلێان وەناو ئاسمان هەمویشه ڕوی باوگم که ها ناو ئاسمان دوینن.

یەکم قورنتییل 11:1

له منا نمونه بگرن، هەر ئەوجورە که مه له مەسیح نمونه گرم.

نامەێ فیلیپییل 4:8

ئاخرسەر، ئێ برایل، هەر چشتێ که ڕاسه، هەر چشتێ که حرمەت دێرێ، هەر چشتێ که درسه، هەر چشتێ که پاکه، هەر چشتێ که بود دوسی بیاشتوین و هەر چشتێ که تاریفیه. ئەگەر چشتێ هەس که فره خاسه و ئەگەر چشتێ هەس که تیەرزێ ستایشێ بکێ، وه ئی چشتیله فکر بکێن.

یەکم تسالونیکییل 1:6

ئیوه له ئیمه و له خوداوەند نمونه گردین، چوینکه له ناو بەرد فره، کەڵام خودا وه خوەشی که له روح‌القودوسه قەبوڵ کردین.

یەکم تسالونیکییل 2:10

ئیوه شاێەتین و خودایش خوەێ شاێەته که رێ رەوشتمان وەگەرد ئیوه ئیمانداریل چەنێ موقەدەس و سالحان و بی نەخس بی.

یەکم نامەێ تیموتاوس 1:14

فیز خوداوەند ئیمه له ڕێ ئیمان و مابەتێگ که وەناو مەسیح عیسا پەێا بود، فره فره ڕشیاده ملمانا.

دویم تیموتاوس 2:15

سەخت تەقالا بکه که خودا قەبوڵد بکێد، هەر‎جور خزمەتکارێگ که له کارەگەێ شەرمزار نیه و کەڵام ڕاسی وه درسی وه کار بەسێد.

دویم تیموتاوس 2:22

له هەواوهەوەس جاێەلی دەر بچو و وەگەرد ئەوانه که وه دڵ پاکەو خوداوەند خوەنن، وەشون سالح بوین و ئیمان و مابەت و ئاشتی و سڵامەتی بو.

دویم تیموتاوس 2:7

وه ئەو چشته که ئویشم فکر بکه، که خوداوەند وه توی ئەڕا فام گشت ئیانه وەر چەود واز کەی.

تیتوس 2:15

ئی چشتیله جار بیه؛ وه تەمام دەسڵات هان بیه و بگره گازتاوه. مەیل کەسێگ وه سوک بگرێدەد.

تیتوس 2:7

خوەد له گشت چشتێگ نمونەێ کاریل خاس بو. وەناو تالیم خوەد ڕاس درس و سەنگین ڕەنگین به و

یاقوب 3:13

وەناو ئیوه کامدان زانیاره و فام دێرێ؟ بیلێن تا ئەوه وەگەرد ڕێ رەوشت خاس خوەێ، نیشان بێید، وەگەرد کاریل هامیته وه بێ فیسی که له زانیاری سەرچاوه گری.

یاقوب 3:17

وەلێ ئەو زانیاری که له ئاسمانه، یەکم جار پاکه، ئمجا ئاشتیخوازه، نەرم و ئاموژیاری گوشدەره، نیقەڵتوز له بەزەیی و بەریل خاسه، دویر له دوچەوەکی و دوڕوییه!

یەکم پتروس 5:3

نه ئەوه که وه مل کەسیلێگ که وه دەس ئیوه سپاریانه گەورەێ بکێن، بەڵکەم ئەڕا ڕیەنەگه نمونه بوین.