یەکم نامەێ تیموتاوس 3:16 - کتاب مقدس به زبان کردی جنوبی - گویش کلهوری

¹⁶ بێ گومان که راز خوداپەرەسی فره فره گەوراس: عیسا له جەسه دیار دا، له ڕێ روح خودا ڕاس بوینی مور کریاد، فریشتەیل دینەێ، وه ملەتیل بانگەوازی کریا، مەردم جهان وه ئەیو ئیمان هاوردن، وەگەرد جەڵاڵەو، بەرزەو کریا.

یەکم نامەێ تیموتاوس 3:16 ပူးပေါင်းရင်းမြစ်များ

ئنجیل مەتا 1:23

«بنوڕ دویەتئازەوێگ زگێ پڕ بود و کوڕێ تیەرێده دنیا و ناوێ نەنه عمانوئیل،» عمانوئیل یانێ ’خودا ها گەردمان‘.

ئنجیل مەتا 13:11

عیسایش جواو دا: «دەرک رازیل پادشایی ئاسمان وه ئیوه دریاس، وەلێ وه ئەوانه نێریاس.

ئنجیل مەتا 28:2

لەناکاوه زەوی لەرزەی وه هێزێگ هات، چوینکه یەێ فریشتەێ خوداوەند له ئاسمانەو هاته خوار و چی کوچگەگه له نوای دەم مەقبەرەگه پلێ داده لا و نیشته ملێ.

ئنجیل مەتا 3:16

وەختێ عیسا خوسڵ تەعمید گرد، زوی‎زی له ئاو هاته دەیشت. هەر ئەو وەخته ئاسمانیل وه ملێەو واز بین و روح خودا دی که جور کەموتەرێگ ئارەسه بی و وه ملێەو نیشت.

ئنجیل مەتا 4:11

ئمجا ئبلیس، عیسا هیشتەجێ و فریشتەیل هاتن خزمەتی کردن.

مەرقوس 1:13

عیسا چل ڕوژ وەناو بیاوان بی و شەیتان ئەزمونێ کردیا. ئەیو وەگەرد گیانەوەریل دڕنه دیادەێ سەر و فریشتەیل خزمەتی کردیان.

مەرقوس 16:19

خوداوەند عیسا وەشون ئیه که ئی قسیەیله وەپێان وەت، بڕیاده ئاسمان بەرز و نیشته دەس ڕاس خودا.

مەرقوس 16:5

وەختێ چینه ناو مەقبەرەگه، جوانێگ دین که وه لاێ ڕاس نیشتوی، بەتیەێ چەرمێگ له وەرێ بی. جا ئەوانه زاورێان چی.

لوقا 2:32

نویریگ ئەڕا ئاشکرا کردن ڕاسی وه باقی قەومیل و جەڵاڵی ئەڕا قەوم تو ئێسرائیل.»

لوقا 20:44

ئەگەر داود وەپێ ئویشێ ’خوداوەند‘، ئێ چوی ئەیو تویەنێ کوڕ داود بود؟»

لوقا 22:43

ئمجا فریشتەێگ له ئاسمانەو دیار دا و وه قەوەتێەو کرد.

لوقا 24:4

ژنیل له ئی باوەته ماتێانەو بردوی که وەناکاوه دو پیا دین وه دڵنگ نویرانیەو له لاێان وسانه.

لوقا 24:51

هەر ئەو جوره که بەەرکەتێان دیاد له لێان جیاوه بی، بڕیاده ئاسمان.

یوحەنا 1:14

کەلیمه بیه ئنسان و وەناومان نیشتەجێ بی. ئیمه جەڵاڵی دیمنه، جەڵاڵیگ شایسەێ ئەو تەنیا کوڕه که له لاێ باوگ ئاسمانی هاتوی. پڕ له فیز و ڕاسی.

یوحەنا 13:3

عیسا که زانستیا باوگ گشت چشتێگ سپاردێەسه دەسێ و لەلاێ خودا هاتێه و چودەو ئەڕا لاێ خودا،

یوحەنا 15:26

«وەلێ وەختێ ئەو پشتیوانێگ که له لاێ باوگ ئەڕادان کلی کەم، باێد، یانێ روح ڕاسی که له لاێ باوگەو تێد، ئەیو خوەێ له باوەت من شاێەتی دەێ،

یوحەنا 16:28

مه له لاێ باوگ هاتم و هاتمەسه ناو ئی جهانه؛ ئێرنگەیش ئی جهانه هیلمه جێ و چمه ئەڕا لاێ باوگ.»

یوحەنا 17:5

ئێرنگەیش باوگه، مه له لاێ خوەد جەڵاڵ بیه، هەر ئەو جەڵاڵه که وەرجه وه دی هاتن جهان له لاێ تو داشتم.

یوحەنا 20:12

ئمجا دو فریشته وه دڵنگ چەرمیەو وه ئەو شونه که جنازەێ عیسا داناوین، دی، یەکی له جێ سەری و ئەواکەیش له جێ پاێ دانیشتوین.

یوحەنا 6:62

جا ئەگەر بوینین که کوڕ ئنسان چوده بان ئەڕا ئەو شونه که یەکم جار له ئەوره بی، ئەوسا چه کین؟

کاریل ڕەسولەیل 1:19

جا گشت نیشتەجێیل ئورشەلیم له ئی هەڵکەفته خەوەردار بین، وه ئی بونه وه زوان خوێان ناو ئەو زەویه نانه ’حەقل دەما‘، که وه ماناێ زەوی خوینه.

کاریل ڕەسولەیل 10:34

پتروس دەم واز کرد و وەت: «وه ڕاسی زانستم خودا وەناو قەومیل دوچەوەکی نیەکێ؛

کاریل ڕەسولەیل 14:27

وەختێ ڕەسینه ئەوره، کلیسا وه دەور یەکەو گردەو کردن و باس ئەو چشتیله کردن که خودا وەگەردێان کردوی، هەر ئیجوره که چوی دەر ئیمان ئەڕا ناجویلەکەیل واز کردێه.

کاریل ڕەسولەیل 20:28

هوشدانه خوەدان و گشت ڕیەنێگ بود که روح‌القودوس ئیوه کردێەسه هێوەتکەر وه سەریان. شوانی کلیساێ خودا بکەن که وه خوین خوەێ سەندیەسێ.

رومیەگان 10:12

چوینکه له بین جویلەکە و یونانی جیاوازیگ نیه، ئەڕا ئیەک هەر ئەو خوداوەنده، خوداوەند گشتیەکیگه و فره فره بەەرکەت دەێه گشت ئەوانه که ئەیو بچڕن.

رومیەگان 10:18

وەلێ پرسم: ئێ نەشنەفتنه؟ هەڵبەت که شنەفتنه، چوینکه وەناو کتاو زەبور نویسریاس: «دەنگیان وەناو سەرئانسەر زەوی پەخشەو بیه و کەڵامیان تا ئەو پەر جهان ڕەسیه.»

رومیەگان 16:25

ئێرنگه جەڵاڵ وه ئەیو که تویەنێ وه پێ ئینجیلێگ که من جار دەم و وه پێ تالیم عیسا مەسیح، وه قەوەتدان بکێ - یانێ وه پێ وەحی ئەو رازه که ئەڕا دەورانیل دریژێگ، شاریاویدەو،

رومیەگان 16:26

وەلێ ئێرنگه ئاشکراوه بیه و له ڕێ نویسرایەگان پەێخەمەریل، وه پێ حوکم خوداێ ئەبەدی، وه گشت ملەتیل ئاشکرا بیه تا ئەوانه ئیمان بارن و گوش بتەکنن.

رومیەگان 3:4

بێ گومان نه! تەنانەت ئەگەر گشت ئایەمیلیش دروزن بون، خودا ڕاس ئویشێد! هەر ئەوجورە که وەناو کتاو زەبور نویسریاس: «تا توی وەناو کەڵام خوەد وه حەق بوید و وەختێ داوەری کریەید، بێدەو.»

رومیەگان 8:3

چوینکه خودا ئەو کاره وەجێ هاوردێه که شەریعەت وه بونەێ بی هازی جەسه نەتویەنست وه جێ بارێدەێ. خودا کوڕەگەێ خوەێ وه شێوەێ جەسەێ گوناکار و ئەڕا گونا کل کرد و وەناو جەسه، گونا ماکوم کرد،

رومیەگان 9:5

باپیریل هن ئەوانن و مەسیح وه پێ جەسه له نەتەوەێ ئەوانەسه، هەر ئەو مەسیحه که خوداێ بان سەر گشتیەکیگه و تا ئەبەد پڕ بمارکه. ئامین.

یەکم قورنتییل 15:47

ئنسان یەکم له خوڵ زەویه؛ ئنسان دویم له ئاسمانه.

یەکم قورنتییل 2:7

بەڵکەم باس زانیاری خودا کەیمن که وەناو رازێگ شاریایەو و خودایش ئەوه له ئەزەڵ، ئەڕا جەڵاڵ ئیمه دیاری کردێه.

دویم قورنتییل 1:19

چوینکه کوڕ خودا، عیسا مەسیح، که من و سیلاس و تیموتاوس وەناودان وه ئەیو بانگەوازی کردیم، ’ئەرێ‘ و ’نه‘ نوی، بەڵکەم وەناو ئەیو هەر ’ئەرێه‘.

نامه وە غەلاتییل 2:8

چوینکه خوداێگ که هێز داده پتروس تا ڕەسول خەتەنه کریایل بود وه منیش هێز دا تا بومه ڕەسول ناجویلەکەیل.

نامه وە غەلاتییل 4:4

وەلێ وەختێ ئەو زەمان دیاری کریاێ وه کەماڵ رەسێ، خودا کوڕەگەێ خوەێ کل کرد که له ژنێگ و له ژێر شەریعەت هاته دنیا،

ئەفسوسیێل 1:9

خودا وەگەرد ئی کاره راز خاست خوەێ وه پێ ئامانجەگەێ که وەناو مەسیح ئاشکرا کردێه، وه ئیمه ناسان

ئەفسوسیێل 6:19

ئەڕا منیش دوعا بکەن، تا هەر وەخت دەم وه قسیه کردن واز کەم، کەڵام وەپێم بوەخشرێد تا راز ئینجیل وه ئازای جار بێەم.

نامه وه کولوسییل 1:23

هەڵبەت ئەگەر وەڕاسی وەناو ئیمان قورس بوین و بەردەوام بمینێن و له ئمید ئینجیل جم نەخوەین، هەر ئەو ئینجیلێگ که شنەفتین و وه گشت درسکریایل ژێر ئاسمان جار دریاس و مه، پولوس، بیمەسه خزمەتکاری.

نامه وه کولوسییل 1:27

خودا ئیجوره تواس که وه ئەوانه ئاشکرا بکێد که ئی رازه چ جەڵاڵ گەوراێگ وەناو ناجویلەکەیل دێرێد، ئەو رازه که مەسیح ها ناو ئیوه، که ئمید جەڵاڵه.

نامه وه کولوسییل 1:6

هەر ئەو ئینجیله که ڕەسیەسه پێدان هەر ئەوجورە که وه ڕاسی له سەرئانسەر دنیا بەر دێ و گەوراوه بود، هەر ئەوجورە که وەناو ئیوەیش، له ڕوژیگ که شنەفتینێ و فیز خودا وه ڕاسی فامین، کار کەی.

نامه وه کولوسییل 2:2

تا ئەوانه دڵگەرم بون و وەناو مابەت وه یەکەو بون و له گشت دەوڵەمەنی ئەو دڵنیایی کامڵه نسیو بوەن، هەر ئەو دڵنیاییه که له فام سەرچاوه گری و له ئی ڕێه وه راز خودا یانێ مەسیح پێ بوەن،

دویم تسالونیکییل 1:10

وه ئەو ڕوژه که ئەیو تێد تا وەناو ئیمانداریل خوەێ جەڵاڵ پەێا بکێ و له ناو گشت ئەوانه که ئیمان هاوردنه، بوده سەوەو سەر سڕ هاتن. ئیه ئیوەیش گرێده وەر، ئەڕا ئیه که وه شاێەتی ئیمه ئیمان هاوردینه.

دویم تسالونیکییل 2:7

چوینکه راز بی دینی هەر ئێرنگەیش کار کەید، وەلێ تەنیا تا وەختێگ که ئەوه که تا وه ئیسه نوای گری له بین بچود.

یەکم نامەێ تیموتاوس 3:9

باێه راز ئیمان وەگەرد وژدان پاکێگەو بپارێزنن.

عبرانییل 1:3

ئەیو بریقەێ جەڵاڵ خودا و وێنەێ کامڵ سریشت ئەیوه و گشت چشتێگ وه کەڵام وە قەوەت خوەێ قورس پارێزنێد. ئەیو وەشون پاکەو کردن گونایل، وه دەس ڕاس خوداێ گەوراێ هەربەرز وەناو بانترین شون ئاسمان دانیشت.

عبرانییل 12:2

باین چەو بوڕیمنه عیسا که بنیادنەر و کامڵکەر ئیمانمانه، که ئەڕا ئەو خوەشیه که له نوای بوی، سەلیب تاموڵ کرد و نەنگ ئەوه سوک وه حساو هاورد و ئێرنگه وه لاێ ڕاس تەخت خودا نيشتیه.

عبرانییل 7:7

بێ گومان، بویچگترە که له گەوراگه بەەرکەت گری.

عبرانییل 8:1

ئێرنگه گیان کەڵام وەناو ئەو چشته که ئویشیم، ئیەسه که ئیمه ئیجور کاهن گەوراێگ دێریم که وه لاێ ڕاس تەخت خوداێ گەورا وەناو ئاسمان دانيشتێه و

یەکم پتروس 1:12

ئەڕاێان ئاشکرا بی که نه وه خوەێان بەڵکەم وه ئیوه خزمەت کردیان، ئەو وەخته که له چشتیلی قسیه کردیان که ئێرنگه له باوەتێانەو له ڕێ جار دەریل ئەو مزگانیه وه ئیوه، شنەفین. له ئەوانه که له ڕێ روح‌القودوس که له ئاسمانەو کل کریاس، مزگانی دەنه پێدان. تەنانەت فریشتەیلیش ئاوەخت نوڕین وه ئی چشتیله دێرن.

یەکم پتروس 1:20

ئەیو وەرجه ئیه که جهان دامەرزیەد دیاری کریا، وەلێ له ئی زەمانیل ئاخره وه بونەێ ئیوه ئاشکراوه بوی.

یەکم پتروس 1:21

ئیوه وه وەسلەێ ئەیو وه خودا ئیمان هاوردینه، وه خوداێگ که مەسیح له مردگیل زنیەو کرد و جەڵاڵ بەخشی تا ئیمان و ئمیددان وه مل خوداوه بود.

یەکم پتروس 3:18

چوینکه مەسیحیش یەێ جار ئەڕا گونایل رەنج کیشا، یانێ ئەو ئایەم سالحانه ئەڕا ئەوانه که سالحان نین، تا ئیمه بارێده ئەڕا لاێ خودا. ئەیو وەناو جەسه کوشریا، وەلێ وەناو روح، زنیەو بی و

یەکم پتروس 3:22

هەر ئەو عیسا مەسیحه که چیەسه ئاسمان و ئێرنگه ها له دەس ڕاس خودا و فریشتەیل و دەسڵاتداریل و هێزيل هانه ژێر فەرمانێ.

یەکم یوحەنا 1:2

ژیان دیار دا، ئیمه دیمنەسێ و شاێەتی ئەڕاێ دیم. ئیمه ژیان ئەبەدی ئەڕادان جار دیمن هەر ئەو ژیان ئەبەدیه که وەگەرد باوگ ئاسمانی بی و ئەڕا ئیمه ئاشکرا بی.

یەکم یوحەنا 3:5

ئیوه زانین که ئەیو ئاشکرا بی تا گونایل لا بوی. وەناو ئەیو هویچ گوناێگ نیه.

یەکم یوحەنا 3:8

هەر کەسێگ وەناو گونا زنەیی بکێ له ئبلیسه، چوینکه ئبلیس هەر له سەرەتا گونا کردیاد و گونا کەی. کوڕ خودا وه ئی بونه ئاشکرا بی تا کاریل ئبلیس نابود بکێ.

وەحی وه یوحەنا 17:5

ئی ناو مەرموزه له تەخت تێوڵ ئەوه نویسریاوید: «بابڵ گەورا، داڵگ داوانپێسیل و پێسییل زەوی.»

وەحی وه یوحەنا 17:7

وەلێ فریشتەگه وەته پێم: «له چه سەرد سڕ مەنێه؟ راز ئەو ژنه و ئەو گیانەوەر دڕنه که هەفت گله سەر و ده گله شاخ دێرێ و ژنەگه سوارێ بیه، ئەڕاد ئویشم.

وەحی وه یوحەنا 7:9

له شون ئەوه نوڕستم و ئێرنگه، جەماێەت فره گەوراێگ له هەر ملەتێگ، له گشت هوزیل و قەومیل و زوانیل دیم که هویچکەسێگ نیەتویەنستیاد بژمارێدیان و ئەوانه وه نوای تەختەگه و له نوای وەرکەگه وساوین. گشتێان بەتیەێ چەرمگ له وەرێان بی و پەلیل دار خورما وه دەسێانەو.