یەکم نامەێ تیموتاوس 3:15 - کتاب مقدس به زبان کردی جنوبی - گویش کلهوری

¹⁵ تا ئەگەر ماتەڵی پیش هات، بزانێ که له ناو ماڵ خودا که کلیساێ خوداێ زنیه و کوڵەکه‎ و بنیان ڕاسیه، رێ رەوشتمان باێه چوی بود.

یەکم نامەێ تیموتاوس 3:15 ပူးပေါင်းရင်းမြစ်များ

ئنجیل مەتا 16:16

شەمعون پتروس جواو دا: «تو مەسیح وادەدریاید، کوڕ خوداێ زنی!»

ئنجیل مەتا 18:18

وه ڕاسی، وەپێدان ئویشم، هەر چی که وه مل زەوی بوەسین، وەناو ئاسمان بەسریێد، هەر چی وه مل زەوی واز بکێن، وەناو ئاسمان واز کرێید.

یوحەنا 1:17

چوینکه شەریعەت له ڕێ موسای پەێخەمەر دریاد؛ فیز و ڕاسی له ڕێ عیسا مەسیحەو هات.

یوحەنا 14:6

عیسا وەپێ وەت: «من ڕێ و ڕاسی و ژیانم؛ هویچکەس بێجگه له ڕێ منەو نیەتێدە لاێ باوگ ئاسمانی.

یوحەنا 18:37

ئمجا پیلاتوس له لێ پرسی: «ئێ خاسه جا تو پادشاێ؟» عیسا جواو دا: «تو ئویشێ مه پادشام. ئەڕا ئیه هاتمەسه دنیا و ئەڕا ئیه پا نامەسه ئی جهانه، تا ئەڕا ڕاسی شاێەتی بیەم. جا هەر کەس وه ڕاسی تالوق بیاشتود گوش گرێه دەنگم.»

یوحەنا 6:69

ئیمه ئیمان هاوردیمنه و زانستیمنه که تو ئەو قودوس خودایده.»

کاریل ڕەسولەیل 1:2

تا ڕوژی که بەرزەو کریا، وەشون ئەوه که له ڕێ روح‌القودوس وه ڕەسولەیلێ که خوەێ هەڵوژاردوی دەستوریلێگ دا.

کاریل ڕەسولەیل 14:15

«ئێ پیاێل، ئەڕا ئیجوره کەین؟ ئیمەیش جور ئیوه، ئایەمیم. ئیمه مزگانی دیمه پێدان که له ئی چشتیل پویچه دەس بکیشن و ڕوی بارینه خوداێ زنی که ئاسمان و زەوی و دەریا و هەر چی که ها ناوێ، وه دی هاوردێه.

رومیەگان 3:2

له هەر باوەتەو فرەس. یەکم جار ئیه که کەڵام خودا وه ئەمانەت سپاریاسه جویلەکەیل.

رومیەگان 9:26

«درس هەر وه ئەو شونه که وەپێان وەتریا: ”ئیوه قەوم مه نین“، هەر وه ئەو شونه ’کوڕیل خوداێ زنی‘ خوەنریەن.»

یەکم قورنتییل 10:32

هویچکەس مەرەنجنن، چ جویلەکە چ یونانی چ کلیساێ خودا،

یەکم قورنتییل 3:16

ئێ نيەزانين که مابەد خوداین و روح خودا وەناودان نیشتەجێه؟

دویم قورنتییل 3:3

ئیوه نیشان داینه که نامەێ مەسیحین و بەر خزمەت ئیمه، نه وه مرەکەو، بەڵکەم وه روح خوداێ زنی نویسریاس، نه وه سەر تەخته کوچگیگ، بەڵکەم وه سەر تەخته دڵیل بەشەری.

دویم قورنتییل 6:16

یا چ وه یەکەو کەفتنێگ ها له بین مابەد خودا و بتیل؟ چوینکه ئیمه مابەد خوداێ زنەیمن. هەر ئەوجورە که خودا وەناو تەورات و کتاویل پەێخەمەریل فەرمایش کێ: «وەناوێان نیشتەجێ بوم و وەناوێان ڕێ کەم و مه بومه خوداێ ئەوانه و ئەوانه بونه قەوم من.»

دویم قورنتییل 6:7

وه قسیەێ ڕاس و وه هێز خودا، وه چەکیل سالح بوین وه دەس ڕاس و چەپ؛

نامه وە غەلاتییل 2:9

جا وەختێگ یاقوب و کیفا و یوحەنا که چماێ کوڵەکەیل کلیسان، فیزێگ که نسیو مه بوی دین، دەس دوسی وەگە‎رد من و بەرنابا دان تا ئیمه بچیمنه ئەڕا لاێ ناجویلەکەیل و ئەوانیش بچنه ئەڕا لاێ خەتەنه کریایل.

نامه وە غەلاتییل 3:1

ئێ غەلاتییل نەزان، کی جادودان کردێه؟ مردن عیسا مەسیح وه ڕوشنی ئەڕادان شێو کریا جوری که چماێ لەنواێ چەویلدان وه سەلیب کیشریا.

ئەفسوسیێل 4:21

هەڵبەت ئەگەر گومان بکێم که ئیوه له باوەت ئەیو شنەفتینه و وه پێ ئەو ڕاسیه که ها ناو عیسا، وەناو ئەیو تالیم گردین.

نامه وه کولوسییل 1:5

ئیانه له ئمیدێگ سەرچاوه گری که وەناو ئاسمان ئەڕا ئیوه نریاس. وەرجه ئیه له باوەت ئی ئمیده وەناو کەڵام ڕاسی یانێ ئینجیل شنەفتینه،

یەکم تسالونیکییل 1:9

چوینکه ئەوانه خوێان تاریف کەن که چوی ئیوه وه ڕوی خوەش له بین خوەدان قەبوڵمان کردین و له ئیەک چوی له بتیل دەس کیشاین و وەر‎و خودا هەڵوگەردیاین تا خوداێ زنی و ڕاسەکانی خزمەت بکێن

یەکم نامەێ تیموتاوس 3:14

هەر چەن ئمید ئەوه دێرم که و ئی زویه بامه ئەڕا لاد، وەلێ ئیانه ئەڕاد نویسم،

یەکم نامەێ تیموتاوس 3:16

بێ گومان که راز خوداپەرەسی فره فره گەوراس: عیسا له جەسه دیار دا، له ڕێ روح خودا ڕاس بوینی مور کریاد، فریشتەیل دینەێ، وه ملەتیل بانگەوازی کریا، مەردم جهان وه ئەیو ئیمان هاوردن، وەگەرد جەڵاڵەو، بەرزەو کریا.

یەکم نامەێ تیموتاوس 3:2

و ئی بونه، هێوەتکەر کلیسا نەبایه وەناو زنەیی چشتێگ بیاشتوی که بوده بایس سەرزەنشتێ، شوی وەفادار یەێ ژن بود، هوشیار بود، وەسەرخوێا زاڵ بود، ئاوڕویدار و مێواندار بود و تویەناێ تالیم بیاشتوید؛

یەکم نامەێ تیموتاوس 3:5

چوینکه ئەگەر کەسێگ نەزانید چوی بنەماڵەگەێ خوەێ بخێده ڕێ، ئێ چوی تویەنێ هوشی وه کلیساێ خوداوه‎ بود؟

یەکم نامەێ تیموتاوس 4:10

که ئیمه ئمید خوەمان وه مل خوداێ زنی نایمنه که نجات دەر گشت ئایەمیل وه تایبەتی ئیمانداریله؛ و هەر ئەڕا ئیەیشه زامەت کیشیم و زور زمەکی کیم.

یەکم نامەێ تیموتاوس 6:16

وه ئەیو که تەنیا وجود نەمریگه و له ناو نویریگ نیشتەجێه که کەس نیەتویەنێ وه ئەیو نزیکەو بود، ئەیو که هویچکەسێگ نێە‎سەێ و نیەتویەنێد بوینێدەێ، وه ئەیو حرمەت و حوکمرانی ئەبەدی بود. ئامین.

دویم تیموتاوس 2:19

وه ئی حاڵەو، بنەواێ قورسیگ که خودا داناس، ها سەر جێ خوەێ و وەگەرد ئی قسیه مور کریاس که: «خوداوەند کەسیل خوەێ ناسێد،» و «هەر کەسێگ ناو خوداوەند وه زوان بارێ، باێه له نادرسێ دویرەو بود.»

دویم تیموتاوس 2:20

وەناو ماڵ گەوراێگ، تەنیا دەفریل تەڵا و نقره نیه، بەڵکەم دەفریل چویی و خەڕێنیش هەس؛ ئەوانه وه دەرد کاریل خاس خوەن، ئیانه وه دەرد کاریل دەم دەسێ.

عبرانییل 10:21

له ئەوره که کاهنێگ گەورا وه سەر ماڵ خودا دێریم،

عبرانییل 12:22

وەلێ ئیوه هاتینەسه ئەڕا کویەێ سەهیون و وه شار خوداێ زنی که ئورشەلیم ئاسمانیه. هاتینەسه ناو جەم سەرخوەش فریشتەیلێ که نیود بژمارێدیان،

عبرانییل 3:12

ئێ برایل، ئاگادار بون که نەخواێ کەسێگ له لێدان دڵ شەڕئاشو و بی ئیمان بێاشتود که ئیوه له ڕێ خوداێ زنی چەفتەو بکێ.

عبرانییل 9:14

چەنێ فرەتر، خوین مەسیح که له ڕێ ئەو روح ئەبەدیه خوەێ بی نەخس وه خودا پیشکەش کرد، وژدان ئیمه له کاریل وەدەرد نەخوەر پاکەو کەید تا که خزمەت خوداێ زنی بکێم!

یەکم پتروس 2:5

ئیوەیش خوەدان جور کوچگیل زنی وێنەێ ماڵێگ روحانی نرێینه سەرپاوه تا کاهنیلێگ موقەدەس بوین و وه وەسلەێ عیسا مەسیح، قوروانییل روحانی که خودا قەبوڵێ کەێد، پیشکەش بکێن.

یەکم پتروس 4:17

چوینکه وەخت ئەوه ڕەسیه که داوەری له ئاڵ ماڵ خودا شرو بود؛ ئەگەر شروی له ئیمەس، جا ئاخر ئەوانه که گوش له ئینجیل خودا نیەتەکنن، بوده چه؟

وەحی وه یوحەنا 7:2

ئەو وەخته فریشتەێگتر دیم که له ڕوژهەڵاتەو وەرەو ئاسمان بەرزەو بویاد و مور خوداێ زنی وەگەردیەو بی. ئەو وه دەنگ بەرزێگ ئەو چوار فریشته که هێز دریاویده پێان تا وه زەوی و دەریا زەرەر برەسنن، چڕێ و