یەکم نامەێ تیموتاوس 2:5 - کتاب مقدس به زبان کردی جنوبی - گویش کلهوری

⁵ چوینکه تەنیا یەێ خودا هەس و له بین خودا و ئایەمیلیش تەنیا یەێ ناوجێکەر هەس، یانێ ئەو ئنسانه که مەسیح عیساس؛

یەکم نامەێ تیموتاوس 2:5 ပူးပေါင်းရင်းမြစ်များ

ئنجیل مەتا 1:1

بنەچەک عیسا مەسیح که له نەتەوەێ داود پادشا و ئێبراهیم پەێخەمەره:

ئنجیل مەتا 1:23

«بنوڕ دویەتئازەوێگ زگێ پڕ بود و کوڕێ تیەرێده دنیا و ناوێ نەنه عمانوئیل،» عمانوئیل یانێ ’خودا ها گەردمان‘.

لوقا 14:22

خوڵامەگه وەت: ”گەورەم، دەستورد ئەنجام دام، وەلێ هێمراێ جا هەس.“

یوحەنا 1:14

کەلیمه بیه ئنسان و وەناومان نیشتەجێ بی. ئیمه جەڵاڵی دیمنه، جەڵاڵیگ شایسەێ ئەو تەنیا کوڕه که له لاێ باوگ ئاسمانی هاتوی. پڕ له فیز و ڕاسی.

یوحەنا 17:3

زنەیی ئەبەدی ئیەسه، ئەوانه توی که تەنیا خوداێ ڕاسەکانید و عیسا مەسیح که کلی کردیده، بناسن.

کاریل ڕەسولەیل 4:12

وەناو هویچکەس بێجگه ئەیو نجات نیه، ئەڕا ئیه که له ژێر ئاسمان ناوێگ تر وه مەردم نێریاس تا وەگەردێ نجات پەێا بکێم.»

رومیەگان 1:3

له باوەت کوڕ ئەیوه، که وه پێ جەسه له نەتەوەێ داود پادشا بی و

رومیەگان 10:12

چوینکه له بین جویلەکە و یونانی جیاوازیگ نیه، ئەڕا ئیەک هەر ئەو خوداوەنده، خوداوەند گشتیەکیگه و فره فره بەەرکەت دەێه گشت ئەوانه که ئەیو بچڕن.

یەکم قورنتییل 8:4

جا له باوەت خواردن خواردەمەنیێلێ که پیشکەش بتیل بود، زانیمن که «بت هەر هویچ نیه،» و «بێجگه یە خودا، خوداێگ تر نیه.»

یەکم قورنتییل 8:6

وەلێ ئیمه تەنیا یە خودا دێریم، یانێ باوگ ئاسمانی، که گشت چشت له ئەیوه و ئیمه هن ئەویمنه؛ تەنیا یە خوداوەند هەس، یانێ عیسا مەسیح، که گشت چشتێگ له ڕێ ئەیو وه دی هات و ئیمه له ڕێ ئەیو هیمن.

نامه وە غەلاتییل 3:20

وەلێ هویچ ناوجێکەرێگ تەنیا ‎هن‎ یەێ لا نیه، وەلێ خودا یەکێگه.

ئەفسوسیێل 4:6

یەێ خودا و باوگ ئاسمانی گشتیەکیگ که بانتر له گشته و له ڕێ گشت و ها ناو گشتیەکی.

یەکم نامەێ تیموتاوس 6:13

جا له نوای خوداێگ که وه گشت چشتێگ زنەیی بەخشێد و له لاێ مەسیح عیسا که له شاێەتی خوەێ له لاێ پونتیوس پیلاتوس ئێقرار خاسەگه کرد، ئاموژیارید کەم

عبرانییل 12:24

هاتینەسه ئەڕا لاێ عیسا که ناوجێکەر پەێمانێگ تازەس و هاتینەسه ئەڕا لاێ خوین پاشیاێگ که له خوین هابیل خاستر قسیه کەید.

عبرانییل 7:25

جا عیسا تویەناس تا ئەوانه که له ڕێ ئەیو نزیک خودا بون، تا ئەبەد نجات بێی، ئەڕا ئیه که هەمویشه زنیه تا ئەڕاێان ناوجێ بکێ.

عبرانییل 8:6

وەلێ خزمەتێگ که مەسیح پەێا کردێه، فره بانتر له خزمەت جارانه، ئەڕا ئیه که ئەیو وەسلەێ پەێمانێگ خاستره، پەێمانێگ که وەبان وادەیل خاستر نریاسه سەرپاوه.

عبرانییل 9:15

وه ئی بونه، مەسیح ناوجێکەر پەێمانێگ تازەس، تا ئەوانه که دەنگ کریانه بتویەنن میراتی ئەبەدی که وادەێ دریاس، بگرنەوەر. چوینکه مردنێگ ڕوی داس که ئەوانه له خەتایلێگ که وەناو پەێمان یەکم هەڵکەفت، ڕزگاری بەخشێد.

یەکم یوحەنا 2:1

ئێ ڕوڵەیل وردم، ئی چشتیله ئەڕادان نویسم تا گونا نەکێن. وەلێ ئەگەر کەسێگ گونا کرد، وه لاێ باوگ ئاسمانی وەکیلێگ دێریم، یانێ عیساێ مەسیح سالحان.

وەحی وه یوحەنا 1:13

له ناوڕاس ئەو چراخدانیله یەکیگ دیم که مینێستیاده ’کوڕ ئنسان‘. ئەیو بەتیەێ شوڕیگ له وەرێ و شالێگ له تەڵا له دەور سینەێ بی.