یەکم نامەێ تیموتاوس 1:9 - کتاب مقدس به زبان کردی جنوبی - گویش کلهوری

⁹ هەر ئیجوره زانیمن که شەریعەت نه ئەڕا درسکاریل، بەڵکەم ئەڕا یاسا شکەنیل و ملچەفتەوکەریل نویسریاس، ئەڕا خودانەناسیل و گوناکاریل، ناپاکیل و کفرچییل؛ قاتڵیل باوگ و قاتڵیل داڵگ؛ ئایەم کوشیل،

یەکم نامەێ تیموتاوس 1:9 ပူးပေါင်းရင်းမြစ်များ

ئنجیل مەتا 10:21

برا، براگەێ و باوگ، ڕوڵەگەێ دەێه دەس مەرگ. مناڵیل ئەڕا داڵگ و باوگێان هەڵسن و دەنێانه وەر کوشت.

رومیەگان 1:30

بختکەرن، کەسیلێگن که قینێان له خودا تێ، بێ شەرم، لویتبەرز و خودپەرەسن. ئەڕا وه جێ هاوردن کاریل شەڕئاشویی، ڕێیل تازه درس کەن. ملچەفتەوکەر وه داڵگ و باوگ،

رومیەگان 4:13

چوینکه ئەو واده که وه ئێبراهیم و نەتەوەێ دریاوی که بونه میراتیخوەر جهان، له ڕێ شەریعەت نوی، بەڵکەم له ڕێ ئەو سالح بوینه بوی که وه مل ئیمان بنیاد نریاس.

رومیەگان 5:20

ئێرنگه، شەریعەت هات تا خەتا فرەوه بود؛ وەلێ شونێ که گونا فرەوه بی، فیز فره فرەترەو بی.

رومیەگان 6:14

چوینکه گونا وه سەردان حوکمرانی نیەکێ، ئەڕا ئیه که له ژێر شەریعەت نین، بەڵکەم هاینه ژێر فیز.

نامه وە غەلاتییل 3:19

جا شەریعەت ئەڕا چه بی؟ شەریعەت وه بونەێ خەتایل بی که هات، ئەویشه تا وەختێ که ئەو نەتەوه‘ که واده وەپێان دریاس، بان. شەریعەت له ڕێ فریشتەیل و وه دەس ناوجێکەرێگ دامەزریا.

نامه وە غەلاتییل 5:18

وەلێ ئەگەر روح خودا ڕێنمایدان بکێ، له ژێر شەریعەت نین.

نامه وە غەلاتییل 5:21

بەخویی؛ سەرخوەشی، عەێاشی و ئیجور چشتیلی. هەرئەوجوره که وەرجەوە وەپێدان هەڕەشه کردم، وەدواره هەڕەشه کەمه پێدان کەسیلێگ که ئی کاریله کەن پادشاێ خودا وه میراتی نیەوەن.

نامه وە غەلاتییل 5:23

بێ فیسی و وەسەرخویەو زاڵ بوینه. هویچ شەریعەتێگ وه زد ئی چشتیله نیه.

دویم تسالونیکییل 2:8

ئەو وەخته ئەو بی دینه ئاشکرا بود، هەر ئەوه که خوداوەند عیسا وه هەناس دەم خوەێ ئەوه کوشێد و وەگەرد شکوی هاتن خوەێ، ئەوه له بین بید.

یەکم نامەێ تیموتاوس 4:7

توی وه مەسلەتیل پویچ و هامیته وه کفر و حکایەتیل کێوانویل کارد نود، بەڵکەم خوەد له خوداپەرەسی تەربیەت بکه.

یەکم نامەێ تیموتاوس 6:20

ئێ تیموتاوس، ئەمانەتێگ که وه پێد سپاریاس، بپارێزن. له قسیەیل مفت دنیایی و فکریل خەڵافێگ که وه درو، ناوێ نانەسه ماریفەت، دویرەو بگر؛

دویم تیموتاوس 2:16

له قسیەیل مفت و وەدەردنەخوەر پارێز بکه، که هەر چێ فرەتر ئایەم وەرەو خودانەناسی کیشێد.

دویم تیموتاوس 3:2

مەردمیل خود‎پەرەس، پویلدوس، قتقوز، لویتبەرز، خراودەر، ملچەفتەوکەر وه داڵگ و باوگ، قێر نەزان، ناپاک،

تیتوس 1:10

چوینکه ئایەمیل ملهوڕ، وڕاوەکەر و فێڵباز فرەن، وه تایبەتی له بین ئەوانه که وه خەتەنه کردن پاملن،

تیتوس 1:16

ئەوانه ئویشن خودا ناسیم، وەلێ وەگەرد کردەوەێانەو ئەیو حاشا کەن. ئەوانه قیزهاوەر و ملچەفتەوکەر و نامناسو ئەڕا هەر کار خاسێگن.

تیتوس 1:6

شێخ کلیسا نەبایه وەناو زنەیی چشتێگ بیاشتوی که بوده بایس سەرزەنشتێ، باێه شوی یەێ ژن بود، باێه مناڵیل با ئیمانێگ بیاشتوی که له هەر لەون بخت هەوسار بڕیا یا ملهوڕی دویر بون.

تیتوس 3:3

چوینکه ئیمەیش خوەمان زەمانێگ نەزان و ملچەفتەوکەر و گومڕا و گیرودەێ گشت جور هەواوهەوەس و کەیف و خوەشێگ بیمن؛ وەناو دڵپێسی و حەسویی ڕوژگار دایمنه سەر. مەردم له ئیمه قینێان هاتیاد و ئیمەیش له یەکترەکی قینمان هاتیاد.

عبرانییل 11:31

وه ئیمان بی که راحاب داوانپێس وەگەرد ئەوانه که ملچەفتەو کردیان، نەکوشریا چوینکه له جاسوسەگان وه ڕوی خوەش مێوانداری کرد.

عبرانییل 12:16

ئاگادار بوین که هویچکامدان خیز نوین یا هەر جور عیسو وەقف بێندان له دەس نێین هەر ئەو عیسو که وەبونەێ جامێگ ئاش، حەق یەکم زگی خوەێ فروت.

یەکم پتروس 2:7

جا ئی کوچگه ئەڕا ئیوه که ئیمان هاوردینه، حرمەته؛ وەلێ ئەڕا ئەوانه که ئیمان ناوردنه، «کوچگیگ که بەناگان ڕەدێ کردن بیەسه گرنگترین کوچگ بنەوا،»

یەکم پتروس 3:20

هەر ئەو روحیلێگ که وه ڕوژگاریل جاران ملەجەرێ کردوین، ئەو وەخته که خودا وه ڕوژگار نوح که کەشتی درس بویاد، وه سەور چەوەڕێ بی. وەناو کەشتیەگه تەنیا قێرێ کەمێگ، یانێ هەیشت نەفەر، له ڕێ ئاو گیان ساڵم وه دەر بردن.

یەکم پتروس 4:18

جا «ئەگەر ئایەم سالحان وە سەختی نجات پەێا کێ، ئێ ئایەم خودانەناس و گوناکار چه وەسەرێ تێد؟»

یەهودا 1:15

تا وه مل گشتیەکی داوەری بکێد و گشت خودانەناسیل وه سەوەو گشت کاریل خودانەناسانێان که له خودانەناسی کردنه، ماکوم بکێد. هەرئیجوره وه بونه گشت قسیەيل گەنێگ که گوناکاریل خودانەناس وه زد خودا وەتنه، ماکوم بکێد.»

وەحی وه یوحەنا 21:8

وەلێ نسیو زاورچیەیل و بی ئیمانیل و قیزهاوەریل و ئایەم کوشیل و خێزیل و جادوکەریل و بتپەرەسیل و گشت دروزنیل، دەریاچەێ گڕان وه ئاگر و گوگرده. ئیه مەرگ دویمه.»

وەحی وه یوحەنا 22:15

گەماڵیل و جادوکەریل و خێزیل و خوینکەریل و بتپەرەسیل و گشت کەسیلێگ که درو دوس دێرن و درو وه جێ تیەرن، له دەیشت مینن.