یەکم نامەێ تیموتاوس 1:16 - کتاب مقدس به زبان کردی جنوبی - گویش کلهوری

¹⁶ وه ئی بونه، بەزەیی وەپێم کریا تا مەسیح عیسا سەور بێ پاێان خوەێ ئەڕا مه که گەوراترین گوناکاریل بیم، نیشان بێید، تا نمونەێگ بوم ئەڕا گشت ئەوانه که له ئیەولا وه ئەیو ئیمان هاوردنه و زنەیی ئەبەدی پەێا کەن.

یەکم نامەێ تیموتاوس 1:16 ပူးပေါင်းရင်းမြစ်များ

لوقا 15:10

وەپێدان ئویشم، هەر ئیجوره وەختێ گوناکارێگ توبه بکێ فریشتەیل خودا شادی کەن.»

لوقا 23:43

عیسا وەپێ وەت: «وه ڕاسی، وەپێد ئویشم، هەر ئیمڕو وەناو بەهیشت هایده گەردمەو.»

لوقا 7:47

جا وه تو ئویشم، مابەت فرەێ ئەوه وەبونەێ ئیەسه که گونایل فرەێگێ بەخشیا. وەلێ ئەوه که کەمتر بەخشیا، کەمتریش مابەت کەی.»

یوحەنا 20:31

وەلێ ئیانه نویسریاس تا ئیمان بارین که عیسا هەر ئەو مەسیح واده دریایه، کوڕ خودا، تا که وه ئی ئیمانه، وه ناو ئەیو زنەیی بیاشتون.

یوحەنا 3:36

هەر کەس وه کوڕ ئیمان بارێ، زنەیی ئەبەدی دێرێ؛ هەر کەس له کوڕ گوش نەتەکنێ، چەوێ نیەکەفێدە زنەیی، بەڵکەم توڕەیی خودا له سەرێەو مێنێد.»

یوحەنا 5:24

وه ڕاسی، وه ڕاسی، وەپێدان ئویشم، هەر کەس کەڵام مه بشنەفێ و وه ئەوه که کلم کرد، ئیمان بارێ زنەیی ئەبەدی دێرێ. ئەوه ماکوم نیود، بەڵکەم له مەرگ گوزیشتێه و رەسیەسه ژیان.

یوحەنا 6:37

گشت کەسیلێگ که باوگ ئاسمانی دەێده پێم، تێدە ئەڕا لام؛ هەر کەسێگیش باێده ئەڕا لام، هەراێهەر نیەکەفمه ڵی.

یوحەنا 6:40

چوینکه خاست باوگم ئیەسه که هەر کەس چەو بوڕیه کوڕ و ئیمانه پێ بارێ، زنەیی ئەبەدی بیاشتوید و مه وه ڕوژ ئاخر زنیەو کەم.»

یوحەنا 6:54

هەر کەس جەسەێ مه بخوێ و خوینم بنوشێ، زنەیی ئەبەدی دێرێ، منیش وه ڕوژ ئاخر زنیەو کەم.

کاریل ڕەسولەیل 13:39

هەر کەس ئیمان بارێ، له ڕێ ئەیو له هەر چشتێگ که نەتویەنسیه وەگەرد شەریعەت موسا له لێ ڕزگار بود، ڕزگاری پەێا کەێ.

رومیەگان 15:4

چوینکه هەر چشتێ که وه ڕوژیل جارانەو نویسریاس، ئەڕا تالیم ئیمه نویسریاس تا له ڕێ بەردەوامی و له ڕێ دڵگەرمیێگ که نویسریایل موقەدەس بەخشێد، ئمید بیاشتویمن.

رومیەگان 6:23

چوینکه حەقدەس گونا مەرگه، وەلێ خەڵات خودا زنەیی ئەبەدی وەناو خوداوەندمان مەسیح عیساس.

یەکم قورنتییل 7:25

وەلێ له باوەت دویەتیلێگ که وەخت شوی کردنێانه، حوکمێگ له خوداوەند نێرم؛ وەلێ وه جیگەێ کەسێگ که له ڕێ بەزەیی خوداوەند شایسەێ دڵنیاییه، باوەڕ خوەم ئویشم.

دویم قورنتییل 4:1

ئمجا وەگەرد داشتن ئیجور خزمەتێگ که وەبونەێ ئەو بەزەیی خودا دێریم، دڵسەرد نیویمن.

ئەفسوسیێل 1:12

تا ئیمه که یەکمین کەسیلێ بیمن که وه مەسیح ئمید بەسایم، بیمنه مایەێ ستایش جەڵاڵ ئەیو.

ئەفسوسیێل 1:6

تا وه ئیجوره فیز پڕ جەڵاڵی ستایش بکرێید، هەر ئەو فیزێگ که وەگەرد ئەوه، وەناو ئەیو عەزیز گرامیه، وه ئیمه بەەرکەت داس.

ئەفسوسیێل 2:7

تا وه دەورەی وەرەڕوی، دەوڵەمەنی بی ئەنازەی فیز خوەێ، له ڕێ مێرەبانی که وەناو مەسیح عیسا وه ئیمه دێرێ، نیشان بێید.

دویم تسالونیکییل 1:10

وه ئەو ڕوژه که ئەیو تێد تا وەناو ئیمانداریل خوەێ جەڵاڵ پەێا بکێ و له ناو گشت ئەوانه که ئیمان هاوردنه، بوده سەوەو سەر سڕ هاتن. ئیه ئیوەیش گرێده وەر، ئەڕا ئیه که وه شاێەتی ئیمه ئیمان هاوردینه.

یەکم نامەێ تیموتاوس 1:13

هەر چەن له جاران، کفرچی و ستەمکەریل و زورگو بیم، وەلێ بەزەیی وە مه کریا، چوینکه له ڕوی نەزانی و بی ئیمانی بی که ئیجوره کردیام.

عبرانییل 7:25

جا عیسا تویەناس تا ئەوانه که له ڕێ ئەیو نزیک خودا بون، تا ئەبەد نجات بێی، ئەڕا ئیه که هەمویشه زنیه تا ئەڕاێان ناوجێ بکێ.

یەکم پتروس 3:20

هەر ئەو روحیلێگ که وه ڕوژگاریل جاران ملەجەرێ کردوین، ئەو وەخته که خودا وه ڕوژگار نوح که کەشتی درس بویاد، وه سەور چەوەڕێ بی. وەناو کەشتیەگه تەنیا قێرێ کەمێگ، یانێ هەیشت نەفەر، له ڕێ ئاو گیان ساڵم وه دەر بردن.

دویم پتروس 3:15

سەور خوداوەند ئیمه نجات وه حساو بارن، هەر ئەوجورە که براێ عەزیز ئیمه پولوسیش وه ڕوی زانیاریگ که وه پێ بەخشریاس، ئەڕادان نویساد.

دویم پتروس 3:9

وه پێچەوانەێ گومان بڕێگ، خوداوەند له وه جێ هاوردن وادەێ خوەێ ماتەڵی نیەکەێد، بەڵکەم وه سەور تاموڵدان کەێد، چوینکه نیەتواید کەسێگ له بین بچود بەڵکەم تواید گشت‎یەکی ڕوی بارنه توبه.