یەکم نامەێ تیموتاوس 1:15 - کتاب مقدس به زبان کردی جنوبی - گویش کلهوری

¹⁵ حەقه ئی قسیه تەمام و کەماڵ قەبوڵ بود که مەسیح عیسا هاته جهان تا گوناکاریل نجات بێید، که مه گەوراترین ئەوانەمە.

یەکم نامەێ تیموتاوس 1:15 ပူးပေါင်းရင်းမြစ်များ

ئنجیل مەتا 1:21

مریەم کوڕێ تیەرێ و توی ناوێ نێده عیسا، چوینکه ئەیو قەوم خوەێ له گونایلێان نجات دەێ.»

ئنجیل مەتا 18:10

«هوشدان بود یەکیگ له ئی بویچگیله سوکەو نەکێن، چوینکه وەپێدان ئویشم فریشتەیلێان وەناو ئاسمان هەمویشه ڕوی باوگم که ها ناو ئاسمان دوینن.

ئنجیل مەتا 18:11

چوینکه کوڕ ئنسان هاتێه تا ئەوه که گوم بیه نجات بێید.

ئنجیل مەتا 20:28

تەنانەت کوڕ ئنسانیش نات تا خزمەتی بکەن، بەڵکەم هات تا خزمەت بکێ و گیان خوەێ ئەڕا ڕزگاری ئایەمیل فرەێگ فەدا بکێ.»

ئنجیل مەتا 9:13

بچن و ماناێ ئی کەڵامه بفامن که ”مه بەزەیی توام نه قوروانی.“ ئەڕا ئیه که مه ناتمه تا سالحان، بەڵکەم تا گوناکاریل دەنگ بکەم.»

مەرقوس 2:17

وەختێ عیسا ئی قسیه شنەفت وەپێان وەت: «نەخوەشیلن هەوەجیان کەفێه تەبیب، نه ئایەمیل ساق. من ناتمه تا سالحان بەڵکەم تا گوناکاریل دەنگ بکەم.»

لوقا 15:2

وەلێ زانایل فرقەێ فەریسی و ماموستایل تەورات وه خوتەخوت کردن وەتیان: «ئی پیا گوناکاریل قەبوڵ کەید و وەگەردێانەو هاوسفره بود.»

لوقا 19:10

چوینکه کوڕ ئنسان هاتێه تا ئەوانه که گوم بینه پەێا بکێد و نجات بێید.»

لوقا 5:32

من ناتمه تا سالحان بەڵکەم تا گوناکاریل دەنگ بکەمه ئەڕا توبه کردن.»

یوحەنا 1:12

وەلێ وه گشت کەسیلێ که قەبوڵێ کردن یانێ وه هەر کەسێگ که وه ناو ئەیو ئیمان هاورد ئی حەقه داس که بونه ڕوڵەیل خودا؛

یوحەنا 1:29

ئی ڕوژەگەێ، یەحیا عیسا دی که تێ وەرەو لاێ، یەحیا وەت: «بنوڕن، ئیەسه وەرک خودا که گوناێ جهان هەڵگرێ بید!

یوحەنا 12:47

ئەگەر یەکیگ قسیەیلم بشنەفێ وەلێ گوشه ‎لێان نەتەکنێ، مه داوەریێ نیەکەم؛ چوینکه ناتمه تا داوەری جهان بکەم، بەڵکەم هاتمه تا جهان نجات بێەم.

یوحەنا 3:36

هەر کەس وه کوڕ ئیمان بارێ، زنەیی ئەبەدی دێرێ؛ هەر کەس له کوڕ گوش نەتەکنێ، چەوێ نیەکەفێدە زنەیی، بەڵکەم توڕەیی خودا له سەرێەو مێنێد.»

کاریل ڕەسولەیل 11:1

ڕەسولیل و برایل وه سەرئانسەر ناوچەێ یەهودیه شنەفتن که ئەوانیش که جویلەکە نین پێخام خودا قەبوڵ کردنه.

کاریل ڕەسولەیل 11:18

وەختێ ئی قسیەیله شنەفتن، بیدەنگ بین و ستایش خودا کردن، وەتن: «وه ڕاسی که خودا وه ناجویلەکەیلیش ئی دەرفەته دا تا توبەی زنەیی بەخش بیرێیده پێان!»

کاریل ڕەسولەیل 3:26

وەختێ خودا خزمەتکارەگەی خوەێ دەسنیشان کرد، یەکم جار کلی کرده ئەڕا لاێ ئیوه، ئەڕا ئیەک بەەرکەتداردان بکێ و هەر کامدان له شەڕئاشوی هەڵوگەردنێ.»

رومیەگان 11:14

تا یە جورێگ هاونژادیل جویلەکەم بارمه سەر غیرەت و ویجوره بڕێگیان نجات بێەم.

رومیەگان 5:6

ئەڕا ئیه که وەختێ هێمراێ ئیمه بێ هاز بیمن، مەسیح له وەخت مناسوێگ ئەڕا خودانەناسیل گیان خوەێ دا.

یەکم قورنتییل 15:9

چوینکه من وەناو ڕەسولەیل له گشتێان کەمترم و شایسەێ ئەوه نیم وه ڕەسول ناوم بوەن، ئەڕا ئیه که وه کلیساێ خودا ستەم کردیام.

ئەفسوسیێل 3:8

هەر چەن من له گشت ئیمانداریل وه مەسیح بویچگترم، وەلێ ئی فیزه وه مه بەخشریا تا مزگانی دەوڵەمەنی مەسیح که نیود بەراوردی بکێ وه ناجویلەکەیل برەسنم،

یەکم نامەێ تیموتاوس 1:13

هەر چەن له جاران، کفرچی و ستەمکەریل و زورگو بیم، وەلێ بەزەیی وە مه کریا، چوینکه له ڕوی نەزانی و بی ئیمانی بی که ئیجوره کردیام.

یەکم نامەێ تیموتاوس 1:19

و سفت هەڵبکیده قێ ئیمان و وژدان پاکێگ، ئەڕا ئیه که کەشتی ئیمان بڕێگ وه خاتر ژێر پا ناین ئەوانه شکیاسه ناو یەکەو.

یەکم نامەێ تیموتاوس 3:1

ئی قسیه درسه که ئەگەر کەسێگ له تاسەێ کار هێوەتکەری وه مل کلیساوه‎ بود، ها له شون کار خاسێگەو.

یەکم نامەێ تیموتاوس 4:9

ئی قسیه شایسەێ دڵنیایی و قەبوڵ بوینه کامڵه

یەکم نامەێ تیموتاوس 6:13

جا له نوای خوداێگ که وه گشت چشتێگ زنەیی بەخشێد و له لاێ مەسیح عیسا که له شاێەتی خوەێ له لاێ پونتیوس پیلاتوس ئێقرار خاسەگه کرد، ئاموژیارید کەم

دویم تیموتاوس 2:11

ئی قسیه شایسەێ دڵنیاییه که: ئەگەر وەگەرد ئەیو مردیم، وەگەرد ئەیو زنەییش کەیمن.

تیتوس 3:8

ئی قسیه شایسەێ دڵنیاییه. له لێد توام که ئەڕا ئی کاریله پا بیێدەگەز، تا ئەوانه که وه خودا ئیمان هاوردنه، له هویرێان نەچود که خوێان خەریک وه جێ هاوردن کاریل خاس بکەن، ئی چشتیله ئەڕا مەردم فره خاسه و باێەخ دێرێ.

عبرانییل 7:25

جا عیسا تویەناس تا ئەوانه که له ڕێ ئەیو نزیک خودا بون، تا ئەبەد نجات بێی، ئەڕا ئیه که هەمویشه زنیه تا ئەڕاێان ناوجێ بکێ.

یەکم یوحەنا 3:5

ئیوه زانین که ئەیو ئاشکرا بی تا گونایل لا بوی. وەناو ئەیو هویچ گوناێگ نیه.

یەکم یوحەنا 3:8

هەر کەسێگ وەناو گونا زنەیی بکێ له ئبلیسه، چوینکه ئبلیس هەر له سەرەتا گونا کردیاد و گونا کەی. کوڕ خودا وه ئی بونه ئاشکرا بی تا کاریل ئبلیس نابود بکێ.

یەکم یوحەنا 5:11

ئەو شاێەتێیشه ئیەسه که خودا ژیان ئەبەدی دا پێمان و ئی ژیانه هاناو کوڕەگەێ.

وەحی وه یوحەنا 21:5

ئمجا ئەو تەختنشینه فەرمایش کرد: «بنوڕ، گشت چشتێگ تازەوه کەم.» هەرئیجوره فەرمایش کرد: «ئیه بنویس چوینکه ئی قسیەيله شایسەێ دڵنیایی و ڕاسه.»

وەحی وه یوحەنا 22:6

فریشته وەته پێم: «ئی قسیەيله شایسەێ دڵنیاییه و ڕاسه. خوداوەند، خوداێ روحیل پەێخەمەریل، فریشتەێ خوەێ هەناردێه تا ئەو چشته که باێه زوی هەڵبکەفێ، وه خزمەتکاریل خوەێ نیشان بێید.»

وەحی وه یوحەنا 5:9

جا ئیجور بەیت تازەێگ خوەنن که وەتیاد: «توی شایسەێ گردن تومارید و شایسەێ واز کردن موریلێ، ئەڕا ئیه که سەر بڕیاێد و وەگەرد خوین خوەد ڕزگاری مەردم له هەر هوز و زوان و قەوم و ملەتێگ، ئەڕا خودا سەندی؛