یەکم تسالونیکییل 5:6 - کتاب مقدس به زبان کردی جنوبی - گویش کلهوری

⁶ جا بان تا جور ئەوباقی مەردم خەو نەکەفێه پێمانەو، بەڵکەم وه خەوەر و هوشیار بویمن.

یەکم تسالونیکییل 5:6 ပူးပေါင်းရင်းမြစ်များ

ئنجیل مەتا 13:25

وەلێ وەختێ خزمەتکاریلێ خەفتوین، دشمەنەگەی هات و له ناو گەنمەگەێ، غەلتاس وەشان و چی.

ئنجیل مەتا 24:42

جا وەخەوەر بون، چوینکه نيەزانين خوداوەنددان وه چ ڕوژیگ تێید.

ئنجیل مەتا 25:13

جا وه خەوەر بون، چوینکه وه ئەو ڕوژ و ساته خەوەر نێرین.

ئنجیل مەتا 25:5

وەختێ هاتن زاوا کەفته دویا، گشتێان چەویلیان سەنگینەو بوی و خەفتن.

ئنجیل مەتا 26:38

جا وەپێان وەت: «له ویشت خەم و خوسه، نزیکه بمرم. وه ئێرا بمینن و وەگەرد منەو وەخەوەر بون.»

مەرقوس 13:37

ئەوه که وه ئیوه ئویشم، وه گشتیەکی ئویشم: وەخەوەر بون!»

لوقا 12:37

خوەش وه حاڵ خوڵامیلێگ که وەختێ گەورەێان باێدەو، ئەوانه وه خەوەر و هوشیار دوینید. وه ڕاسی، وەپێدان ئویشم، خوەێ ناوقه ئەڕا خزمەت کردنێان بەسێد؛ بەڵێ، تیەرێ نێدیانه سەر سفره و تێدە نوا، له لێان مێواندارێ کەی.

لوقا 12:39

«وەلێ ئیه بزانن ئەگەر خاون ماڵ بزانستیا دز وه چ ساتێگ تێد، نەێشتیاد وه ماڵەگەێ دزی بکێ.

لوقا 21:36

جا هەمویشه هوشدان بود و دوعا بکەن تا بتویەنێن وه گشت ئی چشتیله که وی زوی هەڵکەفێ، له ئەمان بمینێن و له وەردەم کوڕ ئنسان بوسین.»

لوقا 22:46

وەپێان وەت: «ئەڕا خەفتینه؟ هەڵسن و دوعا بکەن تا وەناو ئەزمون نەکەفین.»

کاریل ڕەسولەیل 20:31

جا هوشدان بود و له هویردان نەچود که من وه ماوەێ سێ ساڵ تەمام شەو و ڕوژ، وه ئەسر چەویلم وه ئاموژیاری کردن گشتدان نەوسامەسەو.

یەکم قورنتییل 15:34

بانه سەر خوەدان و دیتر گونا مەکەن؛ چوینکه بڕێگ هەن که خودا نیەناسن. ئیه ئەڕا شەرمزاریدان ئویشم.

یەکم قورنتییل 16:13

هوشدان بود؛ وەناو ئیمان قورس بمینێن؛ پیاوەتێدار و وەهێز بون.

ئەفسوسیێل 2:3

یەێ وەختێگ ئیمەیش گشتمان وەناو ئەوانه، وەناو هەواوهەوەسیل جەسەمان زنەیی کردیایمن و خاستەیل جەسه و فکر وه جێ هاوردیایمن؛ ئیمەیش هەر جور ئەو باقی ئایەمیل، بەنا وه سریشت خوەمان شایسەێ خەزەو خودا بویمن.

ئەفسوسیێل 5:14

چوینکه هەر چشتێگ که بوینرید، نویره. له ئی باوەته وەتریاس: «ئێ ئەو کەسه که خەفتیدە، له خەو هەڵس، له مردگیل زنیەو به، که مەسیح نویر خوەێ وه سەرد درەوشنێد.»

ئەفسوسیێل 6:18

گشت وەختێگ، وه گشت جور دوعا و لاڵکیان، وەناو روح خودا دوعا بکەن. ئەڕا ئیه وه تەمام هوشیاریەو وه خەوەر بون و هەمویشه وه پاوه گەزداین ئەڕا گشت ئیمانداریل وه مەسیح دوعا بکەن.

نامەێ فیلیپییل 4:5

بیلن تا خوەشڕوییدان ئەڕا گشتیەکی ئاشکرا بود. هاتن خوداوەند نزیکه.

نامه وه کولوسییل 4:2

وەناو دوعا کردن پا بینه گەز و بچنه نوا و وەناو دوعا وه شوکرکردن، هوشیار بون.

یەکم تسالونیکییل 4:13

وەلێ ئێ برایل، نیەتوایم له حاڵ ئیمانداریلێگ که مردنه بی خەوەر بوین، نەخواێ جور ئەوباقی مەردم که ئمیدێگ نێرن، بنیشینه ئازیەتی.

یەکم تسالونیکییل 5:10

که وەبونەێ ئیمه مرد، تا چ وەخەوەر بویمن و چ وەناو خەو، وەگەرد ئەیو زنەیی بکێم.

یەکم تسالونیکییل 5:8

وەلێ ئیمه چوینکه هن ڕوژيم، بان تا هوشیار بویمن و ئیمان و مابەت هەر جور زرەێگ که سینه پوشنێد بکێمنه وەرمان و ئمید نجات هەر جور کڵاوخود بنیمنه بان سەرمان.

یەکم نامەێ تیموتاوس 2:15

وەلێ ژنيل وەگەرد مناڵ هاوردن ڕزگار بون، ئەگەر ئەوانه وەگە‎رد وەسەرخوێان زاڵ بوین وەناو ئیمان و مابەت و موقەدەس بوین، بەردەوام بمینن.

یەکم نامەێ تیموتاوس 2:9

هەر ئیجوره توام که ژنيل دڵنگیل شایسه بکەنه وەریان و خوێان وەگەرد حەیا و حرمەت و وەسەرخوێان زاڵ بوین بڕەژننەوه، نه وه قژیل چنیاێ یا تەڵا و مرواری یا دڵنگیل گران قیمەت،

یەکم نامەێ تیموتاوس 3:11

هەر وه ئیجور، ژنیلیانیش باێه سەنگین ڕەنگین بون و نه بختکەر، بەڵکەم هوشیار بون و وه گشت چشتێگ وەفادار بون.

یەکم نامەێ تیموتاوس 3:2

و ئی بونه، هێوەتکەر کلیسا نەبایه وەناو زنەیی چشتێگ بیاشتوی که بوده بایس سەرزەنشتێ، شوی وەفادار یەێ ژن بود، هوشیار بود، وەسەرخوێا زاڵ بود، ئاوڕویدار و مێواندار بود و تویەناێ تالیم بیاشتوید؛

دویم تیموتاوس 4:5

وەلێ توی وه هەر حاڵێگەو هوشد بود؛ سەختییل ئەڕا خوەد هامارەو بکه؛ کار مزگانیدەر وه جێ بار و خزمەت خوەد وه کەماڵ وه جێ بار.

تیتوس 2:12

وه ئیمه یاێ دەێ که خودانەناسی و هەواوهەوەسیل دنیایی بنیمنه لا، وەگەرد زاڵ بوین وەسەرخوەمان و درسی و خوداترسی له ئی دەوره زنەیی بکێم و

تیتوس 2:6

هەر ئیجوره پیاێل جوانیش ئاموژیاری بکه تا وەسەر خوێان زاڵ بون.

یەکم پتروس 1:13

جا فکر خوەدان ئەڕا کار گورجەو بکەن، هوشیار بوین و ئمید خوەدان یەسەره بنەنه مل فیزێگ که له وەخت ئاشکرابوین عیسا مەسیح وه پێدان بەخشریەد.

یەکم پتروس 4:7

ئاخر گشت چشتێگ نزیکه؛ جا وه سەر خوەدان زاڵ بون و وه بونەێ دوعایلدان هوشیار بون.

یەکم پتروس 5:8

جا هوشیار بوین، هوشدان بود. دشمەندان ئبلیس هەر جور شێرێگ که قیڕنێد و خڕ خوێد وەشون کەسێگ گەردێد تا قویرتی بێید.

وەحی وه یوحەنا 16:15

«بنوڕ، هەر جور دز تیەم! خوەش وه حاڵ ئەو کەسه وەخەوەر مەنید و دڵنگەگەێ ها وەرێ، تا نەخوای ڕویت خڕ بخوێ و له تەمام جهان حەێاێ بچود.»

وەحی وه یوحەنا 3:2

له خەو هەڵسەپا و ئەو چشته که مەنیه و نزیکه بمرێ، وه قەوەتێەو بکه! ئەڕا ئیه که کاریل تو له چەو خوداێ خوەم کامڵەو نێیمه.