یەکم تسالونیکییل 5:13 - کتاب مقدس به زبان کردی جنوبی - گویش کلهوری

¹³ وه مابەتەو ئەڕا کارێگ که کەن، خاس حرمەتیان بگرن. وەگەرد یەکترەکی له ئاشتی و سڵامەتی زنەیی بکەن.

یەکم تسالونیکییل 5:13 ပူးပေါင်းရင်းမြစ်များ

ئنجیل مەتا 10:40

«هەر کەس ئیوه قەبوڵ بکێ مه قەبوڵ کردێه، هەرکەیش مه قەبوڵ کرد ئەوه که مه کل کرد قەبوڵ کردێه.

مەرقوس 9:50

نمەک خاسه، وەلێ ئەگەر تامێ له دەس بێی، چوی بو وه دواره سوڵەو بکرێ؟ ئیوەیش وەناو خوەدان نمەک بیاشتون وەگەرد یەکترەکی وه ئاشتی و سڵامەتی بیەینێ سەر.»

یوحەنا 15:17

حوکم من وه ئیوه ئیەسه که یەکترەکی مابەت بکێن.

دویم قورنتییل 13:11

دەس ئاخر، ئێ برایل، شاد بوین؛ ئەڕا کامڵ بوین و تەمامی تەقالا بکەن؛ ئاموژیاری بگرن؛ یەدەنگ بوین؛ وەناو ئاشتی و سڵامەتی زنەیی بکەن، که خوداێ مابەت و ئاشتی و سڵامەتی وەگەرددانەو مینێد.

نامه وە غەلاتییل 4:14

هەر چەن وەزوحالم ئەڕادان ئەزمونێگ بی، وەلێ تویلەکیه پێم نەکردین یا وه چەو سوک نەنوڕینه پێمەو. بەڵکەم مه هەر جور فریشتەێگ لەلاێ خوداوه یا جور خود مەسیح عیسا قەبوڵ کین.

نامه وە غەلاتییل 5:22

وەلێ بەر روح خودا، مابەت، خوەشی، ئاشتی و سڵامەتی، سەور، مێرەبانی، خاسێ، وەفاداری،

نامه وە غەلاتییل 6:6

هەر کەس له کەڵام چشتێگ یاێ گری، باێه ماموستاگەێ له هەر چشت خاسێگ بەشدارەو بکێ.

ئەفسوسیێل 4:3

فڕه تەقالا بکەن تا ئەو یەکی بین روح خودا، وه مەیەت بەن ئاشتی و سڵامەتی بپارێزنن.

نامه وه کولوسییل 3:15

با ئاشتی و سڵامەتی مەسیح وەناو دڵدان حوکمفەرما بود، که وه ڕاسی وەناو یەێ جەسه ئەڕا ئی ئاشتی و سڵامەتیه دەنگ کریاینه. شوکر خودا بکێن.

یەکم تسالونیکییل 5:14

ئێ برایل، لاڵکێيمنه‎ پێدانەو که لەمتیەیل ئاموژیاری بکەن؛ کەم جرئەتیل هان بێەن؛ وه بی هازیل مەیەت بێەن؛ وەگەرد گشتێان سەور بیاشتوین.

دویم تسالونیکییل 3:16

ئیسه، با خوداوەند ئاشتی و سڵامەتی، خوەێ هەمویشه و له هەر باوەتەو وه پێدان ئاشتی و سڵامەتی بوەخشێد. خوداوەند وەگەرد گشتدانەو بود.

دویم تیموتاوس 2:22

له هەواوهەوەس جاێەلی دەر بچو و وەگەرد ئەوانه که وه دڵ پاکەو خوداوەند خوەنن، وەشون سالح بوین و ئیمان و مابەت و ئاشتی و سڵامەتی بو.

عبرانییل 12:14

سەخت تەقالا بکەن که وەگەرد گشت مەردم وەناو ئاشتی و سڵامەتی بێەنێ سەر و موقەدەس بوین، چوینکه جیا له قودوسیەت هویچکەسێگ خوداوەند نیوینێد.

یاقوب 3:18

سالح بوین، خەڵەێگه که وەناو ئاشتی و سڵامەتی و وه دەس ئاشتیخوازیل کاڵێید.