یەکم تسالونیکییل 5:12 - کتاب مقدس به زبان کردی جنوبی - گویش کلهوری

¹² ئێ برایل، له لێدان توایم ئەوانه که له ناودان زامەت کیشن و له لاێ خوداوەندەو ڕابەريل ئیوەن و ئاموژیاریدان کەن، حرمەتیان بگرن و

یەکم تسالونیکییل 5:12 ပူးပေါင်းရင်းမြစ်များ

لوقا 10:7

وەناو ئەو ماڵه بمینن و هەر چی دانه پێدان، بخوەن و بنوشن، چوینکه کارکەر حەقیه، حەق دەس بگرێ. ئی ماڵ و ئەو ماڵ نەکێن.

یوحەنا 4:38

من ئیوه کل کردم تا خەلەێگ درو بکێن که ئەڕاێ زامەت نەکیشاینه. کەسيل تر زامەت کیشانه و ئیوه له زامەتیل ئەوانه سود گرین.»

کاریل ڕەسولەیل 20:28

هوشدانه خوەدان و گشت ڕیەنێگ بود که روح‌القودوس ئیوه کردێەسه هێوەتکەر وه سەریان. شوانی کلیساێ خودا بکەن که وه خوین خوەێ سەندیەسێ.

کاریل ڕەسولەیل 20:35

گشت جوری نیشاندان دامه که باێه رەنج و زامەت فرەێگ بکیشیم تا بتویەنیم دەستەنگیل مەیەت بێیم، قسیەيل خوداوەند عیسا وه هویرمان بود که خوەێ فەرمایش کرد: ”بەخشین له گرتن بەختەوەرتره.“»

رومیەگان 16:12

وه تریفینا و تریفوسا، که وەناو خوداوەند زامەت کیشن سڵام برەسنن. وه پرسیس عەزیز که وەناو خوداوەند فره زامەت کیشاس، سڵام برەسنن.

رومیەگان 16:6

وه مریەم که ئەڕادان زامەت فرەێگ کیشاس، سڵام برەسنن.

یەکم قورنتییل 12:28

خودا وەناو کلیسا دانا، یەکم ڕەسولەیل، دویم نەبوەتکەریل، سێیەم ماموستایل؛ وەشونێ هێز موجزەیل، ئمجا خەڵاتییل شەفا داین و مەیەت داین و ئێداره کردن و قسیه کردن وه زوانیلتر.

یەکم قورنتییل 15:10

وەلێ وه فیز خودا من ئەوەمه که هەم، هەر ئیجوره فیز ئەیو ئەڕا من بێ سود نوی. وه چەواشەوه، من له گشت ئەوانه فرەتر کار کردم، هەر چەن وەڕاسی خوەم نویم، بەڵکەم ئەو فیز خودا بی که ها گەردما.

یەکم قورنتییل 16:16

بمێننه ژێر فەرمان ئیجور کەسیلێگەو هەر ئیجوره وه ژێر فەرمان هەر کەسێگ تر که وەناو ئی خزمەته هاوکاری کێ و زامەت کیشێ.

یەکم قورنتییل 16:18

ئەوانه روح مه هەر ئیجوره روح ئیوه تازەوه کردن. حرمەت ئیجور کەسیله بگرن.

یەکم قورنتییل 3:9

ئیمه تەنیا هاوکاریل خودایمن و ئیوه زەویزار و ماڵێگ هن خوداین.

دویم قورنتییل 11:23

ئێ خزمەتکار مەسیحن؟ جور شێتیل قسیه کەم، مه فرەتر هەم! له گشت سەختتر کار کردمه، چەن جار فرەتر له ئەوانه کەفتمەسه زندان، له گشت فرەتر قەمچی خواردمه، چەن جار وەگەرد مەرگ ڕوی وه ڕوی بیمه.

دویم قورنتییل 5:9

جا چ وەناو ئی ماڵه بویمن و چ له دەیشت ئی ماڵه، ئامانجمان خوەشنود کردن ئەیوه.

دویم قورنتییل 6:1

وه جیگەێ هاوکاریل خودا، لاڵکییمنه پێدانەو که فیز خودا وەناو زنەییدان پویچەو نەکێن.

نامه وە غەلاتییل 4:11

زاورم چود نەکێ زامەتیلێگ که ئەڕادان کیشامه له کیس چوی.

نامەێ فیلیپییل 2:16

هەر ئەوجورە که قورس لچکیاینەسه کەڵام زنەیی؛ تا ئیجوره وەناو ڕوژ هاتنەوەێ مەسیح شانازی بکەم که وه هویچ پەتی نەدەویم یا وه هویچ پەتی مینەت نەکیشامه.

نامەێ فیلیپییل 2:19

وەناو خوداوەند عیسا ئمید دێرم که تیموتاوس وه ئی زویه کل بکەمه ئەڕا لادان تا منیش وه ئاگاداری له حاڵ حەواڵدان دڵشادەو بوم.

نامه وه کولوسییل 1:29

وه ئی باوەتەسه که مه زامەت کیشم و وەگەرد گشت هێز ئەیو که وه قەوەت وەناو مه کار کەید، تەقالا کەم.

یەکم تسالونیکییل 2:9

چوینکه ئێ برایل، مێنەت و سەختیمان ها هویردان، که شەو و ڕوژ کار کردیایم تا وەختێگ ئینجیل خودا وەپێدان جار دايمن، سەربار هویچ کامدان نویمن.

یەکم تسالونیکییل 4:1

جا دەس ئاخر، ئێ برایل، ئیوه لەلێمان یاێ گردین که ڕێ رەوشتدان باێه چوی بود تا خودا خوەشنود بکێن، هەر ئەوجورە که ئیجوریشه کین. ئیسه وەناو خوداوەند عیسا لەلێدان توایمن و لاڵکێیمنه پێدان که له ئی باوەتەو هەر چی فرەتر تەقالا بکێن.

یەکم تسالونیکییل 5:14

ئێ برایل، لاڵکێيمنه‎ پێدانەو که لەمتیەیل ئاموژیاری بکەن؛ کەم جرئەتیل هان بێەن؛ وه بی هازیل مەیەت بێەن؛ وەگەرد گشتێان سەور بیاشتوین.

یەکم نامەێ تیموتاوس 5:1

پیاێ سن ساڵ دار مەگره گازتاوە، بەڵکەم ئەوه هەر جور باوگ خوەد هان بیه و جوانیلیش هەر جور برایل خوەد

یەکم نامەێ تیموتاوس 5:20

وەلێ ئەوانه که وه گونا کردن بەردەوامن، وه نوای گشتیەکی بگره گازتاوه تا ئەو باقی زاورێان بچود.

دویم تیموتاوس 2:6

ئەوه که باێه یەکم جار له خەله نسیو بوێد، جفتیارێگه که مەینەت کیشاس.

تیتوس 1:3

له وەخت مناسو، ئەو واده ئاشکرا بی، وەناو پێخامێگ که جار داینێ وه دەستور نجات دەر ئیمه خودا، وه من سپاریاد؛

تیتوس 1:5

وه ئەو بونه توی له جەزیرەی کرت هیشتمه جێ تا کاریل نا تەمامێگ که مەنوی، سەرسامان بێید و هەر ئەوجورە که ئەمر کردمه پێد، له ناو هەر شارێگ شێخیلێگ دیاری بکێ.

تیتوس 2:15

ئی چشتیله جار بیه؛ وه تەمام دەسڵات هان بیه و بگره گازتاوه. مەیل کەسێگ وه سوک بگرێدەد.

عبرانییل 13:17

گوش له ڕابەريلدان بتەکنن و له لێان پێرەوی بکێن؛ چوینکه ئەوانه چەویان ها له گیانیل ئیوه و باێه حساو بیەنەو. بیلێن تا ئەوانه ئیه وه شادمانی بکەن نه وەگەرد ئاخ هەڵکیشان و ناڵین، چوینکه ئیه وه نەفدان نیه.

عبرانییل 13:7

ڕابەريلدان که کەڵام خودا ئەڕادان ئویشن، وه هویردان بون. وردەو بونه بەرێگ که ڕێ رەوشت زنەییان دەێده دەس و له ئیمانێان نمونه بگرن.

وەحی وه یوحەنا 1:20

راز ئەو هەفت هەساره که له دەس ڕاس من دێ و راز ئەو هەفت چراخدان تەڵا ئیەسه: ئەو هەفت هەساره، فریشتەیل هەفت کلیسان و ئەو هەفت چراخدانه، هەفت کلیسان.

وەحی وه یوحەنا 2:12

«وه فریشتەێ کلیساێ شار پرگاموم بنویس: «ئەیو که شمشێر فره تێژ دو دەمێگ دێرێ، ئیجوره ئویشێد:

وەحی وه یوحەنا 2:18

«وه فریشتەێ کلیساێ شار تیاتیرا بنویس: «کوڕ خودا که چەویلی جور بلیزەێ ئاگره و پایلێ جور برنجەێگه که تاویاسەو، ئیجوره فەرمایش کەێد:

وەحی وه یوحەنا 2:3

زانم که سەور و بەردەوامی نیشان دایده و وه بونەێ ناو مه سەختییل تاموڵ کەێد و شەکەت نیەوێد.

وەحی وه یوحەنا 2:8

«وه فریشتەێ کلیساێ شار ئسمیرنا بنویس: «ئەیو که سەرەتاس، ئەیو که ئاخره، ئەیو که مرد و ئەیو که زنیەو بی، ئیجوره فەرمایش کەێد:

وەحی وه یوحەنا 3:1

«وه فریشتەێ کلیساێ شار ساردس بنویس: «ئەوه که هەفت روح خودا و هەفت هەساره دێرێد، ئیجوره ئویشێد: له کاریلد ئاگادارم. دەنگ و ناو زنی بیند بەرزە، وەلێ مردیده.

وەحی وه یوحەنا 3:14

«وه فریشتەێ کلیساێ شار لائودیکیه بنویس: «ئەیو که ئامینه، ئەیو که شاێەت ئەمین و حەقه، ئەیو که سەرکیەنی درسکریایل خوداس، ئیجوره ئویشێد:

وەحی وه یوحەنا 3:7

«وه فریشتەێ کلیساێ شار فیلادلفیه بنویس: «ئەیو که قودوسه، ئەیو که حەقه، ئەیو که کلیل داود پادشا دێرێد، ئەیو که واز کەێد و کەس نیەوەسێد و ئەیو که بەسێد و کەس واز نیەکێد، ئیجوره ئویشێد: