یەکم تسالونیکییل 5:11 - کتاب مقدس به زبان کردی جنوبی - گویش کلهوری

¹¹ جا یەکان هان بێەن و بەنا بکەن، ئەو جوره که ئێرنگەیش ئی کاره کین.

یەکم تسالونیکییل 5:11 ပူးပေါင်းရင်းမြစ်များ

رومیەگان 14:19

جا بان وەشون ئەو چشته بویمن که بایس ئاشتی و سڵامەتی و وەسەرپاناین یەکترەکیمانه.

رومیەگان 15:14

ئێ برایلم، مه خوەم له ئیوه دڵنیام که خودان له خاسی پڕین و له هەر چی ماریفەته پڕین و تویەنین یەکترەکی تالیم بێین.

رومیەگان 15:2

باین تا هەر کام له ئیمه وەناو ئەو چشت خاسه که وەناو هاوساگەێ خوەێ دوینی له ئەو باوەته ئەو ئایەمه خوەشنود بکێ تا بوده بایس سەر پا ناینی.

یەکم قورنتییل 10:23

«گشت چشتێگ ڕەواس» - وەلێ گشت چشتێگ فایده نێری. «گشت چشتێگ ڕەواس» - وەلێ گشت چشتێگ بنیادنەر نیه.

یەکم قورنتییل 14:12

له باوەت ئیوەیش ئیجورەسه. له ئەوره که تاسەبار خەڵاتییل روح خوداین، تەقالا بکەن که وەناو بنیاد ناین کلیسا بکەفیه نوا.

یەکم قورنتییل 14:29

جا له نەبوەتکەریل، دو یا سێ نەفەر نەبوەت بکەن و ئەو باقی وردەو بونه قسیەگانیان.

یەکم قورنتییل 14:5

ئاوەختیم ئیەسه که گشتدان وه زوانیلتر قسیه بکێن، وەلێ فرەتر توام که نەبوەت بکێن. ئەوه که نەبوەت کێ، گەوراتر له ئەوەسه که وه زوانیلتر قسیه کێ، مەر ئیه که زوانەگه هەڵوگەردنێ تا بایس بنیاد ناین ئیمان کلیسا بود.

دویم قورنتییل 12:19

ئی هەمگه وەخته فکر کردیاین که ئيمه له خوەمان وەنوادان دەفا کردیمنه؟ نەخیر، ئیمه لەلاێ خوداوه جور کەسیلێگ قسیه کەیمن که هانه ناو مەسیح، هەر چی کيمن، ئێ عەزیزەیل، ئەڕا بنیاد ناین ئیوەس.

ئەفسوسیێل 4:12

تا ئیمانداریل وه مەسیح ئەڕا کار خزمەت گورجەو بکەن، ئەڕا وه سەرپا ناین جەسەێ مەسیح،

ئەفسوسیێل 4:16

له ئەیوه که گشت جەسه، وه وەسلەێ هەر مەفسەلیگ که ئەڕا ئەوانه گورجەو بیه، بەسیەنه قێ یەک و یەکترەکی گرن. جا وەختێ هەر ئەنامێگ درس کار بکێ، بایس بود جەسه گەورا بود تا خوەێ وەناو مابەت بنێدەێ سەر پاوه.

ئەفسوسیێل 4:29

هویچ قسیەێ خراوێگ له دەمدان دەرنەچود، بەڵکەم جورێگ قسیه بکەن که وه جێ بود و ئەڕا وه سەر پا ناین مەردم وه کار باێ و تا وه ئەوانه که شنەفن فیز برەسنێد.

یەکم تسالونیکییل 4:10

وه ڕاسی که وه گشت برایل له سەرئانسەر مەنتەقەێ مەقدونیه مابەت کین. وەلێ ئێ برایل، لاڵکێیمنه پێدان که ئی کاره فرەتر و فرەتر وه جێ بارین.

یەکم تسالونیکییل 4:18

جا وەئی قسیەيله، یەکترەکی هان بێەن.

یەکم نامەێ تیموتاوس 1:4

و سەر خویان وەگەرد مەسلەتیل و بنەچەکیلێ که بنێ نیەتێی گەرمەو نەکەن، چوینکه ئیانه له جێ بڵاو کردن کار خودا که له ڕێ ئیمان تێدە دی، دامەن دەنه قسیه و باسیل.

عبرانییل 10:25

له گردەو بوینمان وەگەرد یەکترەکی واز ناریم، ئەوجورە که ئەڕا بڕێگ بیەسه نەریتیگ، بەڵکەم یەکترەکی هان بێیم، وه تایبەتی ئێرنگه که شاێەت نزیکەو بوین ئەو ڕوژه، یانێ ڕوژ هاتنەوەێ خوداوەند عیساین.

عبرانییل 3:13

بەڵکەم هەرچێ ڕوژه، تا وەختێگ که وەپێ ئویشرێ ’ئیمڕو‘ یەکترەکی هان بێین، تا هویچ کەسێگ له ئیوه وه فێڵ گونا، دڵڕەقەو نود.

دویم پتروس 1:12

جا توام ئی چشتیله هەمویشه بخەمه هویردان، هەر چەن ئەوانه زانين و له ئەو ڕاسیه که دێرین، بەردەوامین.

یەهودا 1:20

وەلێ ئیوه ئێ عەزیزەیل، خوەدان وەناو ئیمان فره موقەدەسدان بنینه سەر پاوه و وەناو روح‌القودوس دوعا بکێن،