یەکم تسالونیکییل 4:6 - کتاب مقدس به زبان کردی جنوبی - گویش کلهوری

⁶ هویچکەسێگ نەبایه له ئی باوەته وه حەق براگەێ خوەێ خەتا و دەس‎دریژی بکێ. چوینکه خوداوەند سزاێ گشت ئی کاريله دێ، ئەو جوره که وەرجه ئیه وەتیمنه پێدان و حساوی هەڕەشه له لێدان کردیم.

یەکم تسالونیکییل 4:6 ပူးပေါင်းရင်းမြစ်များ

مەرقوس 10:19

حوکمەگان زانی: ”خوین مەکه، داوانپێسی مەکه، دزی مەکه، شاێەتی درو مەێه، حقەبازی مەکه، حرمەت داڵگ و باوگ خوەد بگر.“

لوقا 12:5

وەلێ وەپێدان نیشان دەم له کی باێه ڕخدان بچود: له ئەوه که وەشون کوشتن جەسه، دەسڵات ئیه دێرێ بخێده جەهەنم. بەڵێ، وه ئیوه ئویشم، له ئەوەسه که باێه ڕخدان بچود.

لوقا 16:28

چوینکه مه پەنج برا دێرم. کلی بکه تا هەڕەشه بیده براگانم، نەخواێ ئەوانیش بکەفنه ئی شون عەزاوه.

رومیەگان 1:18

چوینکه خەزەو خودا له ئاسمان ئاشکرا بود وه سەر هەر لەون خودانەناسی و نادرسێ ئایەمیلێگ که وەگەرد نادرسێ خوێان، نوای ڕاسی گرن.

رومیەگان 12:19

ئێ عەزیزەیل، هویچوەخت خوەدان ئنتقام مەسینن، بەڵکەم ئەوه بێەنه دەس خەزەو خودا. چوینکه وەناو کتاو تەورات نویسریاس که «خوداوەند فەرمایش کێ: ”ئنتقام هن منه؛ منم که سزا دەم.“»

رومیەگان 13:4

چوینکه ئەوه خزمەتکار خوداس ئەڕا خێریەت توی. وەلێ ئەگەر کار خراوێگ بکێ، زاورد بچود، وەبونەێ ئیه که بیخودی شمشێر هەڵنیەگرێ. چوینکه ئەوه خزمەتکار خوداس، کەسێگه که ئنتقام گری و خەزەو خودا تیەرێده سەر ئایەمێگ که خراوکاره.

دویم قورنتییل 7:11

ئەڕا ئیه که بوينن که ئی خەم و خوسەێگ که ئەڕا خوداس چ تاسەیلێ وەناودان وه دی هاوردێه: چ تاسەێگ که بیتاوانیدان نیشان بێی، چ توڕەیێگ، چ زاورچینێگ، چ حەسرەتێگ، چ غیرەتێگ، چ ئەدەو کردنێگ. ئیوه خاس نیشاین داینه که له هەر باوەته بیتاوانین.

نامه وە غەلاتییل 5:21

بەخویی؛ سەرخوەشی، عەێاشی و ئیجور چشتیلی. هەرئەوجوره که وەرجەوە وەپێدان هەڕەشه کردم، وەدواره هەڕەشه کەمه پێدان کەسیلێگ که ئی کاریله کەن پادشاێ خودا وه میراتی نیەوەن.

ئەفسوسیێل 4:17

ئێرنگه ئیه ئویشم و وەناو خوداوەند شاێەتی دەم که دی نەبایه جور ناجویلەکەیل زنەیی بکێن که ڕێ رەوشتیان وه پێ پویچێ فکریلێانه.

ئەفسوسیێل 4:28

دز دیتر دزی نەکێ، بەڵکەم وه جێ ئەوه کار بکێ، وه دەس خوەێ وه ڕاسی کار بکێ، تا بتویەنێ وه کەمدەسیلیش چشتێ بێی.

ئەفسوسیێل 5:6

نێلن کەسێگ وەگەرد قسیەيل پویچ گولدان بێی، چوینکه وەبونەێ ئی چشتیلەسه که خەزەو خودا تێده سەر مناڵیل ملچەفتەوکەر.

یەکم تسالونیکییل 2:11

ئەڕا ئیه که زانين که چوی، هەر جور ڕێ رەوشت باوگێگ وەگەرد مناڵیلێ،

دویم تسالونیکییل 1:8

ئەیو خودا نەناسیل و نافەرمانیل وه ئینجیل خوداوەند ئیمه عیسا، سزا دێ.

عبرانییل 13:4

بیلن هاوسەردارێ وەناو گشتیەکی حرمەت بیاشتود و بین ژن و شوی پاک بمینێ، چوینکه خودا خێزیل و داوانپێسیل داوەری کەی.

عبرانییل 2:6

وه شونێگ وەناو کتاو زەبور شاێەتی دریاس: «ئنسان چەس که باریدەێ هویرد یا کوڕ ئنسان چەس، که سرنج کەێده پێ؟

یاقوب 2:6

وەلێ ئیوه وه دەستەنگ بی حرمەتی کردینه. ئێ مەگەر هەر ئی دەوڵەمەنیله نین که وه ئیوه ستەم کەن و کیشنەدانه دادگا؟

یاقوب 5:4

ئێرنگه حەقدەس کارکەریلێ که وەناو زەویزاریلدان درو کردنه، هەر ئەو حەقدەسه که ئیوه وه لیلاجیەو ئەڕا خوەدان ناینەسێ لا، وه زد ئیوه هاوار کەن و هاوار درەوکەرەیل وه گوش خوداوەند لەشکەریل ڕەسیه.