یەکم تسالونیکییل 4:5 - کتاب مقدس به زبان کردی جنوبی - گویش کلهوری

⁵ نەبایه هەر جور ناجویلەکەیلێگ که خودا نیەناسن، دەسخوەشەێ هەواوهەوەس شاوەت بوین.

یەکم تسالونیکییل 4:5 ပူးပေါင်းရင်းမြစ်များ

ئنجیل مەتا 6:32

چوینکه قەومیل بتپەرەس هانه شون گشت ئی چشتیله، وەلێ باوگ ئاسمانیدان زانی وه ئی هەمگه چشته هەوەجیدان کەفێ.

لوقا 12:30

چوینکه گشت ملەتیل دنیا وەشون ئیجور چشتیلێگن، وەلێ باوگ ئاسمانیدان زانی که وه ئی هەمگه چشته هەوەجیدان کەفێ.

کاریل ڕەسولەیل 17:23

وەختێ وەناو شار گەردیام و نوڕیامه ئەو چشته که پەرەسینێ، قوروانگاێگ دیمەو که وه ملێ نویسریاوی: ”پیشکەش وه خوداێ نەناسریای“. ئێرنگه، ئەو چشته که ئیوه نیەناسینێ و پەرەسینێ، ئەڕادان جار دەم.

رومیەگان 1:24

جا خودایش ئیانه وەناو شاوەتیل دڵیان وه ناپاکی هیشت، تا وەناو خوێان جەسەیلیان بی حرمەتەو بکەن.

رومیەگان 1:26

وەئی بونه خودایش ئیانه وەناو هەواوهەوەسیل شەرمزارانه هیشتیانه خوێانا. تەنانەت ژنیلیان، جفتبوین سریشتیێان وەگەرد ئەو چشته که ناسریشتیه، گوڕانن.

رومیەگان 1:28

وەبونەێ ئیه که ئەڕا ئەوانه ناسین خودا نیەتیەرزیاد، خودایش ئەوانه هیشته ناو فکریل ناشیرێن تا کارێگ بکەن که نەبایه بکرێید.

یەکم قورنتییل 1:21

چوینکه له ئەوره که بەنا وه زانیاری خودا، جهان نەتویەنست وه پێ زانیاری خودا بناسێ، خودا ئەوجورە سەلاح زانست که وەگەرد بانگەوازی گیلگەوجانه، کەسیلێ که ئیمان تیەرن، نجات بێی.

یەکم قورنتییل 15:34

بانه سەر خوەدان و دیتر گونا مەکەن؛ چوینکه بڕێگ هەن که خودا نیەناسن. ئیه ئەڕا شەرمزاریدان ئویشم.

نامه وە غەلاتییل 4:8

وەرجه ئیه، وەختێ خودا نیەناسیاین، خوڵامی چشتیلی کردیاين که وه ڕاسی خودا نین.

ئەفسوسیێل 2:12

وه هویردان بود که وه ئەو وەخته له مەسیح جیا و وەناو قەوم ئێسرائیل غەریوه و له پەێمانیل واده بێگانه بین و بی ئمید و بی خودا وه ئی جهانه دیاینی سەر.

نامه وه کولوسییل 3:5

جا، هەر چی وەناودان هن زەویه، بکوشنێ، یانێ خیزی، ناپاکی، هەواوهەوەس، خاستەیل گەن و تەما که هەر ئەو بتپەرسیەسه.

دویم تسالونیکییل 1:8

ئەیو خودا نەناسیل و نافەرمانیل وه ئینجیل خوداوەند ئیمه عیسا، سزا دێ.

یەکم پتروس 4:3

ئەڕا ئیه که جاران وه ئەنازەێ کافی ژیان خوێان له وه جێ هاوردن ئەو چشته که قەومیل بتپەرەس خوەشیانه لێ تێد، خەرج کردینه و ڕوژگار وه هەرزەی و هەواوهەوەس و سەرخوەشی و عەێاشی و بەزمەیل شراوخوەری و بتپەرەسی قیزهاوەر داینەسەێ سەر.