یەکم تسالونیکییل 4:17 - کتاب مقدس به زبان کردی جنوبی - گویش کلهوری

¹⁷ جا ئیمه که زنیمن و باقی مەنیمنه، وەگەرد ئەوانه وەرەو ناو هەوریل کیشیمنه بان تا وەناو هەواوه خوداوەند‎ بوینیم، وەئیجوره هەمویشه هایمنه گەرد خوداوەندەو.

یەکم تسالونیکییل 4:17 ပူးပေါင်းရင်းမြစ်များ

ئنجیل مەتا 26:64

عیسا وەپێ وەت: «تو خوەد ئیجوره وەتی! وەلێ مه وەپێدان ئویشم وەشون ئیه کوڕ ئنسانیش دوینین که وه دەس ڕاس خوداێ هەر وه تویەنا نیشتیه و له بان هەوریل ئاسمانەو تێی.»

مەرقوس 14:62

عیسا وەپێ وەت: «من ئەوەم، کوڕ ئنسانیش دوینین که وه دەس ڕاس خوداێ تویەنا نیشتیه و وەگەرد هەوریل ئاسمانەو تێی.»

یوحەنا 12:26

ئەگەر کەسێگ خزمەتم کەی، باێه بکەفێه شونم؛ مه له هەر کوره بوم، خزمەتکارەگەمیش ها ئەوره. ئەگەر کەسێگ خزمەتم بکێ، باوگ ئاسمانی سەربەرزێەو کەێ.

یوحەنا 14:3

ئمجا که چیم و شونێگ ئەڕادان گورجەو کردم، وەدواره تیەمەو بەمەدانه ئەڕا لاێ خوەم، تا ئەو شونه که مه هەم ئیوەیش بوین.

یوحەنا 17:24

باوگه، توام ئەوانه که دایدەسه پێم له هەر کوره بوم وەگەردمەو بون، تا جەڵاڵ مه بوینن، هەر ئەو جەڵاڵێگ که دایدەسه پێم؛ چوینکه وەرجه دامەزرانن جهان دوسم داشتی.

کاریل ڕەسولەیل 1:9

وەختێ عیسا قسیەيلی تەمام بی، ئەوانیشە هەر ئەوجورە که نوڕیانه پێەو، بەرزەو کریا و هەوریگ ئەیو له وەر چەویان شاردەو.

کاریل ڕەسولەیل 8:39

وەختێ له ئاو هاتنه دەیشت، لەناکاوه روح خوداوەند فیلیپوس برد و دی خەزانەدارەگه نێەێ، وەلێ وه خوەشیەو ڕێگەێ خوەێ گردەوەر.

یەکم قورنتییل 15:52

زویزی و وه چرپەێ چەوێگ، ئەو وەخته که پف کریەده ئاخرین شەیپورەگه، ئیه هەڵکەفێ. چوینکه شەیپورەگه تێدە دەنگ و مردگیل هەر ئەوجورە که نەگەنیانه زنیەو بون و ئیمه گوڕێیمن.

دویم قورنتییل 5:8

ئەرێ، ئازایمن و ئیجوره خاس زانیم، که له ئی جەسه دویرەو بکەفیمن و لەلاێ خوداوەند نیشتەجێ بویمن.

نامەێ فیلیپییل 1:23

له ناو ئی دوانه سەخت هامه کیشکاشا: ئاوەختی دێرم له ئی دنیا بچم و وەگەرد مەسیح بوم، چوینکه ئیه فره خاستره؛

یەکم تسالونیکییل 3:13

تا دڵدان قورسەو بکێ تا ئەو وەخته که خوداوەندمان عیسا وەگەرد گشت موقەدەسیل خوەێ تێد، وه لاێ خودامان یانێ باوگ ئاسمانیمان، بی نەخس و موقەدەس بوین.

یەکم تسالونیکییل 4:15

ئیه وه وەسلەێ کەڵام خود خوداوەند جار دیمنه پێدان: ئیمه که زنیمن و تا هاتن خوداوەند باقی مینیم، نیەکەفیمنه نوای ئەو ئیمانداریلێگ که مردنه.

یەکم تسالونیکییل 4:18

جا وەئی قسیەيله، یەکترەکی هان بێەن.

یەکم تسالونیکییل 5:10

که وەبونەێ ئیمه مرد، تا چ وەخەوەر بویمن و چ وەناو خەو، وەگەرد ئەیو زنەیی بکێم.

دویم پتروس 3:13

وەلێ ئیمه بەنا وه وادەێ ئەیو چەوەڕێ ئاسمانیلێگ تازه و زەوی تازەێگیمن که سالح بوین وه ناوێ نیشتەجێه.

وەحی وه یوحەنا 1:7

بنوڕن ئەیو وەگەرد هەوریلەو تێید، و هەر چەوێگ دوینێدێ، تەنانەت چەو ئەوانه که سنان دانەلێ؛ و گشت هوزیل زەوی وه بونەێ ئازیەتباری کەن. بەڵێ ئیجوره بود. ئامین.

وەحی وه یوحەنا 11:12

ئمجا شنەفتن که دەنگ بەرزێگ له ئاسمانەو وه پێان وەت: «باینه بان ئەڕا ئێره!» جا ئەوانه له نوای چەو دشمەنیلیان له ناو هەورێگ وەر‎و ئاسمان چینه بان.

وەحی وه یوحەنا 12:5

ئەو ژنه کوڕێگ هاورده دنیا، کوڕێگ که باێه وەگەرد گوچان ئاسنی وه مل گشت ملەتیل حوکم بکێ. وەلێ مناڵەگەێ قەپانیاد و بڕیاده ئەڕا لاێ خودا و تەختەگەێ ئەیو.