یەکم تسالونیکییل 3:6 - کتاب مقدس به زبان کردی جنوبی - گویش کلهوری

⁶ وەلێ ئێرنگه تیموتاوس لەلادان هاتیەسەو ئەڕا لامان و مزگانی ئیمان و مابەت ئیوه ئەڕامان هاوردێه. ئەوه خەوەر داسه پێمان که ئیوه هەمویشه له ئیمه وه مێرەبانی یاێ کین و هەر ئەوجورە که ئیمه تاسەێ دیندان دێریم، ئیوەیش تاسەێ دین ئیمه دێرین.

یەکم تسالونیکییل 3:6 ပူးပေါင်းရင်းမြစ်များ

کاریل ڕەسولەیل 16:1

پولوس هاته ئەڕا شاریل دربه و لستره. وه ئەوره شاگردێگ تیموتاوس ناو زنەیی کردیا، داڵگێ جویلەکە و ئیماندار بی، وەلێ باوگێ یونانی بی.

کاریل ڕەسولەیل 18:1

جا وەشون ئیه، پولوس شار ئاتن هیشتەجێ و چیه ئەڕا شار قورنتوس.

کاریل ڕەسولەیل 18:5

وەختێ سیلاس و تیموتاوس له مقدونیه هاتن، پولوس گشت وەخت خوەێ خەریک بانگەوازی کەڵام خودا کرد و وه جویلەکەیل شاێەتی دیاد که عیسا هەر ئەو مەسیحەسه.

یەکم قورنتییل 11:2

ئێرنگه تاریفه لێدان کەم ئەڕا ئیه که وەناو گشت چشتێگ مه تیەرێنه هویر و نەریتیل، هەر ئەوجورە که وەپێدان سپاردم، پارێزنێن.

یەکم قورنتییل 13:13

جا ئێرنگه، ئی سێ چشته مینێدەو: ئیمان، ئمید و مابەت. وەلێ گەوراترەگەێان مابەته.

نامه وە غەلاتییل 5:6

چوینکه وه ناو مەسیح عیسا نه خەتەنه بین و نه خەتەنه نوین هویچ نیەتیەرزێد، بەڵکەم تەنیا ئەو ئیمانه گرنگه که وه پێ مابەت کار کەی.

نامەێ فیلیپییل 1:8

خودا شاێەتمه که چەنێ وه مابەت مەسیح عیسا، تاسەێ گشتدان دێرم.

نامه وه کولوسییل 1:4

چوینکه تاریف ئیماندان وه مەسیح عیسا و مابەتێگ که وه گشت ئیمانداریل وه مەسیح دێرین، شنەفتیم.

نامه وه کولوسییل 4:18

مه، پولوس، ئی سڵامه وه دەس خوەم نویسم. زنجیریل مه وەناو ئی زندانه بارینه هویردان. فیز خودا وەگەرددانەو بود.

یەکم تسالونیکییل 1:3

و له لاێ خودا، باوگ ئاسمانیمان، کار ئیوه که له ئیمانه و مەینەت ئیوه که له مابەته و بەردەوامیدان که له ئمید وه خوداوەندمان عیسا مەسیحه، تیەرێمنه هویر.

یەکم تسالونیکییل 2:17

وەلێ ئێ برایل، چوینکه ماوەێ کەمێگ له ئیوه دویرەو کەفتیم، هەڵبەت وه جەسه نه وه دڵ، وه ئەزرەت و تاسەێ فرەترێگ تەقالا کیم تا ئیوه ڕوی وه ڕوی بوینیم.

یەکم تسالونیکییل 2:9

چوینکه ئێ برایل، مێنەت و سەختیمان ها هویردان، که شەو و ڕوژ کار کردیایم تا وەختێگ ئینجیل خودا وەپێدان جار دايمن، سەربار هویچ کامدان نویمن.

یەکم تسالونیکییل 3:7

وه ئی بونه، ئێ برایل، ئیمه وەناو گشت پەشێویل و بەردیلمان، وەبونەێ ئیماندان له باوەت ئیوه دڵگەرمەو بیمنه.

دویم تسالونیکییل 1:3

ئێ برایل، ئیمه باێه هەمویشه وەبونەێ ئیوه سپاس خودا بکێم و درسیشێ هەر ئیەسه، چوینکه ئیمان ئیوه فره فره گەوراوه بود و مابەت هەر کامدان وه یەکترەکی فرەوه بود.

یەکم نامەێ تیموتاوس 1:5

ئامانج ئی فەرمانه دوس داشتنه، دوس داشتنێگ که له دڵ پاک و وژدان درس و ئیمانێگ بی دوڕویی هەڵساس.

دویم تیموتاوس 1:3

وەختێگ شەو و ڕوژ، یەێ‌سەر توی له ناو دوعایلم تیەرمه هویرم، سپاس خودا کەم، خوداێگ که منیش هەر‎ جور باپیریلم وەگەرد وژدان پاکێگەو خزمەتی کەم.

نامه وه فیلیمون 1:5

ئەڕا ئیه که مابەت و ئیماند وه خوداوەند عیسا و گشت ئیمانداریل مەسیح که دێرێ، شنەفم.

عبرانییل 13:3

ئەوانه که هانه ناو زندان بارنه هویردان، ئەوجورەکە چماێ خوەدانیش وەگەرد ئەوانه هاینه ناو زندان؛ هەر ئیجوره کەسیلێ وه هویردان بون که وەگەردێان وه خراوی ڕێ رەوشت کەن، ئەوجورەکە چماێ خوەدانیش وەناو جەسه رەنج کیشین.

عبرانییل 13:7

ڕابەريلدان که کەڵام خودا ئەڕادان ئویشن، وه هویردان بون. وردەو بونه بەرێگ که ڕێ رەوشت زنەییان دەێده دەس و له ئیمانێان نمونه بگرن.

یەکم یوحەنا 3:23

حوکمەگەیشێ ئیەسه که، وه ناو عیسا مەسیح کوڕێ ئیمان باریم و یەکترەکی مابەت بکێم، هەر ئەوجورە که وەپێمان حوکم کردێه.