یەکم تسالونیکییل 3:2 - کتاب مقدس به زبان کردی جنوبی - گویش کلهوری

² جا تیموتاوس که براێ ئیمه و هاوکار خودا له کار ئینجیل مەسیحه، کل کردیمنه ئەڕا لادان تا ئیوه له ئیماندان بەردەوام بکێد و هاندان بێید،

یەکم تسالونیکییل 3:2 ပူးပေါင်းရင်းမြစ်များ

کاریل ڕەسولەیل 16:1

پولوس هاته ئەڕا شاریل دربه و لستره. وه ئەوره شاگردێگ تیموتاوس ناو زنەیی کردیا، داڵگێ جویلەکە و ئیماندار بی، وەلێ باوگێ یونانی بی.

کاریل ڕەسولەیل 16:5

جا کلیسایل وەناو ئیمان گیان گردیان و هەرچێ ڕوژه فرەترەو بویان.

کاریل ڕەسولەیل 18:5

وەختێ سیلاس و تیموتاوس له مقدونیه هاتن، پولوس گشت وەخت خوەێ خەریک بانگەوازی کەڵام خودا کرد و وه جویلەکەیل شاێەتی دیاد که عیسا هەر ئەو مەسیحەسه.

رومیەگان 16:21

تیموتاوس هاوکارم سڵامدان رەسنێ. هەر ئیجوره خزمەگانم لوکیوس، یاسون و سوسیپاتروسیش سڵامدان رەسننن.

یەکم قورنتییل 3:10

وه پێ فیزێگ که خودا بەخشاسه پێم، جور بەناێگ کار زان بنەواێگ دامەزرانم و یەکیگ تر وه سەری بنیاد نی. وەلێ هەر کەس باێه ئاگادار بود که چوی درسێ کەێد.

یەکم قورنتییل 4:17

هەر وه ئی مدوه تیموتاوس کل کردمه ئەڕا لادان، ئەوه که ڕوڵەێ عەزیزم و وەناو خوداوەند وەفاداره. ئەوه ڕێ رەوشت زنەیی مه وەناو عیسا مەسیح وەپێدان نیشان دێ، هەر ئەوجورە که وەناو گشت کلیسایل وه هەر کوره تالیم دەم.

دویم قورنتییل 1:1

له پولوس که وه خاست خودا ڕەسول عیسا مەسیحه و براگەمان تیموتاوس، وه کلیساێ خودا وەناو شار قورنتوس و گشت ئیمانداریل وه مەسیح وەناو سەرئانسەر ناوچەێ ئەخائیه:

دویم قورنتییل 1:19

چوینکه کوڕ خودا، عیسا مەسیح، که من و سیلاس و تیموتاوس وەناودان وه ئەیو بانگەوازی کردیم، ’ئەرێ‘ و ’نه‘ نوی، بەڵکەم وەناو ئەیو هەر ’ئەرێه‘.

دویم قورنتییل 2:12

جا وەختێ ئەڕا جارداین مزگانی مەسیح چیمه تروئاس، زانستم که خوداوەند وه ئەوره دەر گەوراێگ وه ڕویم واز کردێه.

دویم قورنتییل 2:13

وەلێ وەدواره ئارام و قەرار نیاشتم چوینکه براگەێ خوەم تیتوس نیمەو. جا وەگەرد نیشتەجێیل ئەوره ماڵ‎ئاوایی کردم و چیمه ئەڕا مەنتەقەێ مەقدونیه.

دویم قورنتییل 8:23

له باوەت تیتوس، باێه بویشم که له خزمەت مه ئەڕا ئیوه هاوبەش و هاوکار منه؛ هەرئیجوره له باوەت برایلمانیش باێه بویشم که کل کریاێەگان کلیسایل و جەڵاڵ مەسیحن.

نامەێ فیلیپییل 1:25

چوینکه وه ئی چشته دڵنیام و زانم که ئەڕا وەرەو نوا چین و خوەشیدان وەناو ئیمان، مینێدەم و وەگەرد گشتدان دەمێ سەر،

نامه وه کولوسییل 1:1

له پولوس که وه خاست خودا، ڕەسول مەسیح عیساس و له براگەمان، تیموتاوس،

نامه وه کولوسییل 1:7

هەر ئەوجورە که ئەوه له هاوخزمەت عەزیزمان، ئەپافراس یاێ گردین. ئەوه له لاێ ئیوه خزمەتکار وەفادار مەسیحه و

نامه وه کولوسییل 4:12

ئەپافراس که یەکی له خوەدانەو و خزمەتکار مەسیح عیساس، سڵامدان رەسنێد. ئەوه هەمویشه وەناو دوعایلی ئەڕادان تەقالا کەی تا ئیوه جور ئایەمیلێ که بازڵەن و وه تەمامی خاترجەمن، بەردەوام بمینێن و خاست خودا وه تەمامی وەجێ بارین.

نامه وه کولوسییل 4:9

ئەوه وەگەرد ئونسیموس، براێ وەفادار و عەزیزمان که یەکی له خوەدانەو، تێدە ئەڕا لادان. ئەوانه له هەر چی که له ئێرا هەڵکەفتیه ئاگاداردان کەن.

یەکم تسالونیکییل 3:13

تا دڵدان قورسەو بکێ تا ئەو وەخته که خوداوەندمان عیسا وەگەرد گشت موقەدەسیل خوەێ تێد، وه لاێ خودامان یانێ باوگ ئاسمانیمان، بی نەخس و موقەدەس بوین.

یەکم تسالونیکییل 3:5

وه ئی بونه، وەختێ دیتر تویەنا نیاشتم، تیموتاوس کل کردم تا له ئیماندان ئاگادارەو بوم، چوینکه ڕخم چیاد که ئەو خەڵەتنه یانێ ئبلیس وه لەونێ ئیوه بخەڵەتنی و زامەت ئیمه له کیس بچود.

دویم تسالونیکییل 2:17

ئیوه دڵگەرمی بوەخشێد و وەناو هەر کردەوه و وتارێگ خاس بەردەوام بکێد.