یەکم تسالونیکییل 2:4 - کتاب مقدس به زبان کردی جنوبی - گویش کلهوری

⁴ بەڵکەم جور کەسیلێگ قسیه کیم که خودا وه ملێانەو مور قەبوڵێ کوتاس و ئینجیل سپاریاسه پێان. ئیمه وەشون خوەشنود کردن مەردم نیمن، بەڵکەم خوەشنودی خوداێگ توایم که دڵمان دەێده تەفرەنج.

یەکم تسالونیکییل 2:4 ပူးပေါင်းရင်းမြစ်များ

لوقا 12:42

عیسا خوداوەند وه جواوی وەت: «ئێ ئەو کاروەدەس ئەمین و زانا کیه که ئەرواوەگەێ ئەوه ناسه بان سەر خزمەتکاریل ماڵەگەێ خوەێ تا بەش نان ئەوانه وه وەخت خوەێ بێی؟

لوقا 16:11

ئمجا ئەگەر لەباوەت ماڵ دارایی نارەوای ئی دنیا ئەمین نوین، کیه که ماڵ دارایی ڕاسەکانی وه ئیوه بسپارێ؟

یوحەنا 21:17

سێیەم جار عیسا له لێ پرسی: «ئێ شەمعون، کوڕ یوحەنا، دوسم دێرێ؟» پتروس وەبونەێ ئیه که عیسا سێ جار له لێ پرسی، دوسم دێرێ؟» نارەحەت بی وەپێ وەت: «ئێ خوداوەند، تو له گشت چشتێگ خەوەر دێرێ؛ تو خاس زانید که دوسد دێرم.» عیسا وەپێ وەت: «وەرکەگانم بلەوەڕن.

رومیەگان 8:27

ئەوه که دڵیل وشکنێد، زانی فکر روح خودا چەس، چوینکه روح وه پێ خاست خودا، ئەڕا ئیمانداریل وه مەسیح ناوجێ کەێ.

یەکم قورنتییل 7:25

وەلێ له باوەت دویەتیلێگ که وەخت شوی کردنێانه، حوکمێگ له خوداوەند نێرم؛ وەلێ وه جیگەێ کەسێگ که له ڕێ بەزەیی خوداوەند شایسەێ دڵنیاییه، باوەڕ خوەم ئویشم.

یەکم قورنتییل 9:17

چوینکه ئەگەر وه خاست خوەم ئی کاره بکردیام، دەسخوەشانەێگ داشتیام؛ وەلێ ئەگەر وه خاست خوەم نود، تەنیا ئەو چشته که ها کوڵمەو وه جێ تیەرم.

دویم قورنتییل 2:17

ئەڕا ئیه که ئیمه جور قێر فرەێگ که ئەڕا نەف خوێان خەریک دەسفروشی کەڵام خودان، نیمن، بەڵکەم له لاێ خودا وەناو مەسیح قسیه کەیمن، هەر جور مەردم ڕویڕاسێگ که له لاێ خودا مامور بینه.

دویم قورنتییل 4:2

وەلێ ئیمه ڕێیل نادرسێ و شاریایەو نایمنەسه لا. ئیمه فێڵبازی یا دەسەژێیەی ناو کەڵام خودا قەبوڵ نیەکیمن، وەلێ وەگەرد ئاشکرا وەتن ڕاسی، تەقالا کەیمن له لاێ خودا مورکریاێ وژدان گشتیەکی بویمن.

دویم قورنتییل 5:11

جا وەختێ ماناێ زاور چین له خوداوەند زانیمن، تەقالا کیم تا مەردم قانێ بکێم. ئەو چشته که هیمن ئەڕا خودا ئاشکراس و ئمیدوارم ئەڕا وژدان ئیوەیش ئاشکرا بود.

دویم قورنتییل 5:16

جا، وەشون ئیه، ئیمه هویچکەسێگ وه پێ جەسه نیەناسیم، جا هەر چەن ڕوژیگ مەسیح وه پێ جەسه ناسیایم، ئێرنگه دی ئیجوره نیه.

نامه وە غەلاتییل 1:10

ئێ ئێرنگه هامه شون ئیه که ئایەمیل مورم بکەن یا خودا؟ یا مه تەقالا کەم ئایەمیل خوەشنودەو بکەم؟ ئەگەر هێمراێ وه شون خوەشنود کردن ئایەمیلەو بویام، خوڵام مەسیح نویام.

نامه وە غەلاتییل 2:7

بەڵکەم وه چەواشه، ئەوانه دین که کار رەسانن ئینجیل وه خەتەنه نەکریایل یانێ ناجویلەکەیل وه مه سپاریاس، هەر ئەوجورە که کار رەسانن ئینجیل وه خەتەنه کریایل یانێ جویلەکەیل سپاریاویده پتروس.

ئەفسوسیێل 3:8

هەر چەن من له گشت ئیمانداریل وه مەسیح بویچگترم، وەلێ ئی فیزه وه مه بەخشریا تا مزگانی دەوڵەمەنی مەسیح که نیود بەراوردی بکێ وه ناجویلەکەیل برەسنم،

ئەفسوسیێل 6:6

جا ئیەیشه، نه تەنیا وەختێ که هاینه وەر چەویان وه جێ بارین، جور کەسیلێ که هانه شون خوەشنود کردن مەردمەو، بەڵکەم جور خوڵامیل مەسیح، که خاست خودا وه قوڕن دڵ وه جێ تیەرن.

نامه وه کولوسییل 3:22

ئێ خوڵامیل، ئەرواویل زەویدان وەناو هەر چشتێ گوش بتەکنین، نه تەنیا ئەو وەخته که هاینه وەر چەویانەو، جور کەسیلێ که هانه شون خوەشنود کردن مەردمەو، بەڵکەم وه دڵپاکی و ترس خوداوەند گوشە لێان بتەکنین.

یەکم نامەێ تیموتاوس 6:20

ئێ تیموتاوس، ئەمانەتێگ که وه پێد سپاریاس، بپارێزن. له قسیەیل مفت دنیایی و فکریل خەڵافێگ که وه درو، ناوێ نانەسه ماریفەت، دویرەو بگر؛

دویم تیموتاوس 1:14

وه مەیەت روح‌القودوس که لەناو ئیمه نیشتەجێه، هوشده ئەو ئەمانەت خاسەو بود که وه پێد سپاریاس،

دویم تیموتاوس 2:2

و ئەو چشته که له لاێ شاێەتیل فرەێگ له مه شنەفتی، وه مەردمیل ئەمینێگ بسپار که بتویەنن وه کەسێلێگتر یاێ بێەن.

تیتوس 1:3

له وەخت مناسو، ئەو واده ئاشکرا بی، وەناو پێخامێگ که جار داینێ وه دەستور نجات دەر ئیمه خودا، وه من سپاریاد؛

عبرانییل 4:13

هویچ درس کریاێگ له وەر چەو خودا شاریایەو نیه، بەڵکەم گشت چشتێگ وه نوای چەویل خودا ڕویت و ئاشکراس، هەر ئەو خوداێگ که باێه حساوکتاومان بێمنه پێ.

یەکم پتروس 4:11

هەر کەسێگ قسیه کەێد، با قسیەێ جور قسیەيل خودا بود؛ هەر کەسێگ خزمەت کەێد، وەگەرد هێزێگ که خودا وه پێ بەخشێد خزمەت بکێد، تا له گشت چشتێگ، خودا له ڕێ عیسا مەسیح جەڵاڵ پەێا بکێ. جەڵاڵ و حوکمرانی تا ئەبەد و تا ئەبەد وه ئەیو بود. ئامین.

وەحی وه یوحەنا 2:23

جا مناڵیلی کوشم. ئەو وەخته گشت کلیسایل زانن من هەر ئەوەمه که فکر و دڵ گەردم و وه هەر کامدان وه پێ کاریلێ سزا دەم.