یەکم تسالونیکییل 2:2 - کتاب مقدس به زبان کردی جنوبی - گویش کلهوری

² بەڵکەم ئەو جوره که زانين، هەر چەن وەرجەوە له شار فیلیپی عەزاو دیمن و وه خراوی ڕێ رەوشت وەگەردمانا کریاد، وەلێ وەناو خوداێ خوەمان، ئازای دایمنه خەرج تا وەناوڕاس ئی هەمگه ناکوکیه ئینجیل خودا وەپێدان جار بێیم.

یەکم تسالونیکییل 2:2 ပူးပေါင်းရင်းမြစ်များ

کاریل ڕەسولەیل 14:3

جا پولوس و بەرنابا ماوەێ فرەێگ وه ئەوره مەنن و وه ئازای له باوەت خوداوەند قسیه کردیان، خوداوەندێگ که وه ئەوانه هێز ئەنجام نیشانەیل و موجزەیل دیاد و وەئیجوره پێخام فیز خوەێ مور کردیاد.

کاریل ڕەسولەیل 14:5

وەختێ ناجویلەکەیل و جویلەکەیل وەگەرد گەورایلێان تواسن پولوس و بەرنابا سوکەو بکەن و کوچگوارانیان بکەن،

کاریل ڕەسولەیل 16:12

له ئەوره چیمنه ئەڕا فیلیپی که یەکی له گرنگترین شاریل ناوچەێ مەقدونیه و ژێر دەس روم بی، چەن ڕوژیگ وه ئەو شاره مەنیمن.

کاریل ڕەسولەیل 16:19

وەلێ وەختێ ئەرواوەگان ئەو کەنیزه دین ئمید وه سودێان بڕیا، پولوس و سیلاس گردن و کڕاننێانه بازار ئەڕا لاێ دەسڵاتداریل.

کاریل ڕەسولەیل 16:37

وەلێ پولوس وەپێان وەت: «ئیمه که شاروەند رومیم، بی دادگایی وه نوای گشت کوتەڵ کومان کردن و خستنەمانه زندان. ئێرنگه توان وه دزیەو ڕزگارمان بکەن؟ هەراێهەر! بەڵکەم خوێان بان و له ئێرا بارنەمانە دەیشت.»

کاریل ڕەسولەیل 17:1

پولوس و سیلاس له شاریل ئامفیپولیس و ئاپولونیا گوزیشتن و هاتنه ئەڕا شار تسالونیکی که کەنیسەی جویلەکەیل وه ئەوره بی.

کاریل ڕەسولەیل 17:17

جا له کەنیسه وەگەرد جویلەکەیل و یونانیەگان خوداپەرەس هەر ئیجوره هەر ڕوژ وه مەێدان شار وەگەرد ڕێویاریل باس کردیا.

کاریل ڕەسولەیل 19:8

ئمجا پولوس چیه ئەڕا کەنیسه و ئەوره سێ مانگ وه ئازای قسیه کردیاد و له باوەت پادشاێ خودا، مەردمەگه قانێ کردیاد.

کاریل ڕەسولەیل 4:13

وەختێ ئەوانه ئازای پتروس و یوحەنا دین و زانستن که ئایەمیل نەخوەنریای و سادەێگن، سەریان سڕ مەن و زانستن که وەرجەوە هاوڕێیل عیسا بینه.

کاریل ڕەسولەیل 4:20

ئەڕا ئیه که ئیمه نیەتویەنیم ئەو چشته دیمنه و شنەفتیمنه، نویشیمنەێ.»

کاریل ڕەسولەیل 4:31

وەختێ دوعا کردن، ئەو شونه که وەناوێ گردەو بوین کەفته ڕکه و گشتێان له روح‌القودوس پڕ بین و وه ئازای کەڵام خودا وەتیان.

کاریل ڕەسولەیل 5:41

ڕەسولەگان وه شادی لەلاێ ئاڵ شورا چینه دەیشت، چوینکه شایسه وه حساو هاتن که وەبونەێ ناو عیسا سوکەو بکریەن.

رومیەگان 1:1

له پولوس، خوڵام مەسیح عیسا، که دەنگ کریاس تا بوده یەێ ڕەسول، جیاوه بیه تا مزگانی ئینجیل خودا جار بیێ؛

دویم قورنتییل 3:12

جا چوینکه ئیجور ئمیدێگ دێریم، وەئازاییەو قسیه کەیمن؛

نامه وه کولوسییل 2:1

جا توام بزانین که وه بونەێ ئیوه و کەسیلێ که هانه ناو شار لائودیکیه و ئەڕا گشت ئەوانه که ڕوی مه نێنه، چەنێ سەخت تەقالا کەم،

یەکم تسالونیکییل 1:5

ئەڕا ئیه که ئینجیلێگ که ئیمه جار دایمنه نه تەنیا وەگەرد کەلیمەیل، بەڵکەم وەناو هێز و وەناو روح‌القودوس و وەگەرد دڵنیایی کامڵ وه پێدان رەسێ، ئیوه زانين که وه خاتر ئیوه رێ رەوشتمان وه‌ناودان چوی بی.

دویم تیموتاوس 1:12

وه بونەێ ئیەسه که ئیجوره رەنج کیشم، وەلێ شەرمزار نیم، ئەڕا ئیه که زانم وه چ کەسێگ ئیمان هاوردمه و دڵنیام که ئەیو تویەناس ئەمانەتەگەم تا وەئەو ڕوژه بپارێزنێد.

یەهودا 1:3

ئێ عەزیزەیل، ئەگەر چ تاسەێ فرەێگ داشتم تا له باوەت نجاتیگ که وەناوێ بەشداریم ئەڕا ئیوه بنویسم، وەلێ واجو دیم ئیه ئەڕادان بنویسم و بلاڵکمه پێدان که ئەڕا ئەو ئیمانه زورزمەکی بکێن، هەر ئەو ئیمانه که یەێ جار ئەڕا هەمویشه وه ئیمانداریل وه مەسیح سپاریاس.