یەکم تسالونیکییل 2:19 - کتاب مقدس به زبان کردی جنوبی - گویش کلهوری

¹⁹ چوینکه چەس ئمید یا خوەشی یا تاج شانازی ئیمه له نوای خوداوەندمان عیسا له وەخت هاتنێ؟ مەر ئیوه نیين؟

یەکم تسالونیکییل 2:19 ပူးပေါင်းရင်းမြစ်များ

ئنجیل مەتا 16:27

«ئەڕا ئیه که کوڕ ئنسان وەناو جەڵاڵ باوگ ئاسمانی خوەێ وەگەرد فریشتەگانێ تێیدەو، ئەوسا دەسخوەشانەێ هەر کەسێگ وه پێ کردەوێ دەێدەو.

مەرقوس 8:38

چوینکه هەر کەس وەناو ئی نەتەوەێ داوانپێس و گوناکاره له من و قسیەیلم عارێ باێ، کوڕ ئنسانیش وەختێ که وه جەڵاڵ باوگ خوەێ وەگەرد فریشتەیل موقەدەس باێ له لێ عارێ تێی.»

یوحەنا 21:22

عیسا وەپێ وەت: «ئەگەر خاست مه ئیەسه تا وەختێ بامەو ئەوه بمینێ، وه تو چه؟ تو وەشونمەو بەو!»

یەکم قورنتییل 15:23

وەلێ هەر کەس وه نوەی خوەێ: یەکم جار مەسیح که نەوبەر بی؛ وەشونێ، له وەخت هاتنێ، ئەوانه که هن مەسیحن.

یەکم قورنتییل 4:5

جا له باوەت هویچ چشتێگ وەرجه هاتن خوداوەند داوەری مەکەن. خوداوەندێگ که چشتیلی که ئێرنگه وەناو تیەریکی شاریاسەو، وەناو ڕوشنایی ئاشکرا کێ و نیەتیل دڵ ئاشکرا کێ. ئەوسا هەرکەس له لاێ خوداوه هان دریەد و تاریف کریەید.

دویم قورنتییل 1:14

هەر ئەوجورە که تا ئەنازەێگ ئیمه فامینه، وەناو ڕوژ خوداوەندمان عیسا هەر ئەوجورە که ئیمه وه ئیوه شانازی کەیمن، ئیوەیش وه ئیمه شانازی بکێن.

نامەێ فیلیپییل 2:16

هەر ئەوجورە که قورس لچکیاینەسه کەڵام زنەیی؛ تا ئیجوره وەناو ڕوژ هاتنەوەێ مەسیح شانازی بکەم که وه هویچ پەتی نەدەویم یا وه هویچ پەتی مینەت نەکیشامه.

نامەێ فیلیپییل 4:1

جا، ئێ برایل عەزیزم که تاسەێ دیندان دێرم، ئێ ئیوه که خوەشی و تاج سەر منین، ئێ عەزیزەیلم، وەئیجوره وەناو خوداوەند بەردەوام بوین.

یەکم تسالونیکییل 2:20

چوینکه ئیوەین جەڵاڵ و خوەشی ئیمه.

یەکم تسالونیکییل 3:13

تا دڵدان قورسەو بکێ تا ئەو وەخته که خوداوەندمان عیسا وەگەرد گشت موقەدەسیل خوەێ تێد، وه لاێ خودامان یانێ باوگ ئاسمانیمان، بی نەخس و موقەدەس بوین.

یەکم تسالونیکییل 4:15

ئیه وه وەسلەێ کەڵام خود خوداوەند جار دیمنه پێدان: ئیمه که زنیمن و تا هاتن خوداوەند باقی مینیم، نیەکەفیمنه نوای ئەو ئیمانداریلێگ که مردنه.

یەکم تسالونیکییل 5:23

با خوداێ ئاشتی و سڵامەتی، خوەێ ئیوه وه تەمامی تەقدیس بکێد و گشت روح و گیان و لەشدان وه ڕوژ هاتنەوەێ خوداوەندمان عیسا مەسیح، بی نەخس بپارێزیەد.

دویم تسالونیکییل 1:4

وه ئی بونه، ئیمه خوەمان وەناو کلیسایل خودا وەبونەێ بەردەوام بین و ئیماندان وەناو گشت عەزاویل و بەردیلی که تاموڵ کین، وەپێدان شانازی کيمن.

دویم تسالونیکییل 1:7

تا ئیوه که بەرد کیشین و هەرئیجورەیشه وه ئیمه، ئارامی بێید. ئیه وەختێگ تێدە دی که خوداوەند عیسا وەگەرد فریشتەیل تویەناێ خوەێ وەگەرد ئاگر گڕانیگ له ئاسمانەو ئاشکرا بود.

دویم تسالونیکییل 2:1

ئێ برایل، له باوەت هاتن خوداوەند ئیمه عیسا مەسیح و گردەو بوین ئیمه وه لاێ ئەیو، لاڵکێیمنه پێدان،

تیتوس 2:13

چەوەڕێ ئەو ئمید بمارکمانه بویمن یانێ ئاشکرا بوین جەڵاڵ خوداێ گەورامان و نجات دەر ئیمه عیسا مەسیح.

یاقوب 5:7

جا ئێ برایل، تا هاتن خوداوەند سەور بکەن. بنوڕن چوی جفتیار چەوەڕێه تا زەوی خەڵەێگ که تیەرزێ بیێده دەس؛ چوی سەور کێ تا وەختێگ که وارانیل یەکم جار و ئاخرجار یانێ وارانیل پاێیزی و وەهاری وه مل زەوی بوارێد.

یاقوب 5:8

جا ئیوەیش سەور بیاشتوین و دڵدان قورس بود، چوینکه هاتن خوداوەند نزیکه!

یەکم پتروس 5:4

وەختێگ گەورەێ شوانیل ئاشکرا بود، تاج جەڵاڵێگ که له بین نیەچود، گرین.

دویم پتروس 1:16

چوینکه ئەو وەخته که هێز و هاتن خوداوەندمان عیسا مەسیح وه پێدان جار دیایم، وه شون مەسلەتیلێگ که وە زیرکیەو درس کریانه نەچویمن، بەڵکەم گەورایی ئەیو وه چەو دویمن.

دویم پتروس 3:4

ئویشن: «جا چه بی وادەێ هاتن ئەیو؟ چوینکه له زەمانێگ که باپیریلمان له ئی خەو چینه ئەو خەو، گشت چشتێگ هەر ئەوجورەسە که له سەرەتایی وەدی هاتن دنیا بی!»

یەکم یوحەنا 2:28

جا ئێرنگه، ئێ ڕوڵەیل ورد، وەناو ئەیو نیشتەجێ بوین تا وەخت ئاشکرا بوینی دڵنیا بیمن و وەخت هاتنێ، وه لاێ شەرمزار نویمن.

یەهودا 1:24

وه ئەیو که تویەناس ئیوه له کەفتن بپارێزنێ و وه لاێ پڕ جەڵاڵ خوەێ بی نەخس و نیقەڵتوز له خوەشی فره گەوراێگ گورجەو بکێد،

وەحی وه یوحەنا 1:7

بنوڕن ئەیو وەگەرد هەوریلەو تێید، و هەر چەوێگ دوینێدێ، تەنانەت چەو ئەوانه که سنان دانەلێ؛ و گشت هوزیل زەوی وه بونەێ ئازیەتباری کەن. بەڵێ ئیجوره بود. ئامین.

وەحی وه یوحەنا 22:12

«بنوڕ، و ئی زویه تیەم و دەسخوەشانەێ من ها گەردمەو تا وه هەر کەس وه پێ کارێ که کردێه له جێ بيەمه پێ.