یەکم تسالونیکییل 2:16 - کتاب مقدس به زبان کردی جنوبی - گویش کلهوری

¹⁶ و نێیلن ئیمه وەگەرد ناجویلەکەیل قسیه بکێم تا نجات پەێا بکەن. وەئیجوره هەمویشه پەێمانەی گونایلێان نیقەڵتوزەو کەن. وەلێ خەزەو خودا دەس ئاخر وه ملێانەو ڕشیاس.

یەکم تسالونیکییل 2:16 ပူးပေါင်းရင်းမြစ်များ

ئنجیل مەتا 12:45

جا چود و هەفت روح شەڕئاشوتر له خوەێ تیەرێ و گشتێان چنه ناوێ نیشتەجێ بون. ئاخر ئەو ئایەمه خراوتر له ڕوژ یەکمێ بود. ئاخر ئی نەتەوەێ شەڕئاشوه ئیجوره بود.»

ئنجیل مەتا 23:32

ئێرنگه که ئیجورەسه کارێ که باپیریلدان شرو کردنه، بوەنێ سەر.

ئنجیل مەتا 24:14

ئی خەوەر خوەش پادشایه وه سەرئانسەر جهان جار درێید تا بوده شاێەتی ئەڕا گشت ملەتیل. ئمجا جهان وه ئاخر رەسێ.

ئنجیل مەتا 24:6

هەر ئیجوره له باوەت شەڕیل شنەفین و خەوەر شەڕیل وه گوشدان رەسێ، ڕخدان نەچود. چوینکه ئیجور هەڵکەفتیلێ باێه بکەفێ، وەلێ هێمراێ ئاخر کار نەرەسیه.

ئنجیل مەتا 3:12

ئەیو شەنەگەێ ها دەسێ و خەرمانەگەی خوەێ شەن کەی، گەنمەگەیشێ وەناو ئەمبار گردەو کەی، وەلێ کیەگه وەگەرد ئاگرێگ که نیەکوشریدەو سزنێد.

مەرقوس 16:16

هەر کەس ئیمان هاورد و خوسڵ تەعمید گرد، نجات پەێا کێ. وەلێ هەر کەس ئیمان نارێ، ماکوم بود.

کاریل ڕەسولەیل 13:45

وەلێ جویلەکەیل وەختێ دین مەردم فرەوه بین، حەسوێان هات و له نوای قسیەيل پولوس وسان و بی حرمەتی کردیان.

کاریل ڕەسولەیل 13:50

وەلێ جویلەکەیل، ژنيل خوداپەرەس و بەناوبانگ و هەرئیجوره پیاێل ناودار شار ڕشاننه یەکا و وه زد پولوس و بەرنابا گاڵدان. جا عەزاوێان دان و له ئەو مەنتەقه دەرێان کردن.

کاریل ڕەسولەیل 14:19

وەلێ جویلەکەیلێگ له ئەنتاکیه و قونیه هاتن و مەردمەگه وەگەرد خوێان یەکی کردن و پولوس کوچگواران کردن و وه گومان ئیه که مردگه، له شار کڕاننەێ دەیشت.

کاریل ڕەسولەیل 14:2

وەلێ ئەو جویلەکەیله که ئیمان ناوردوین، ناجویلەکەیل گاڵدان و فکرێان له باوەت برایل، خراو کردن.

کاریل ڕەسولەیل 14:5

وەختێ ناجویلەکەیل و جویلەکەیل وەگەرد گەورایلێان تواسن پولوس و بەرنابا سوکەو بکەن و کوچگوارانیان بکەن،

کاریل ڕەسولەیل 17:13

وەلێ وەختێ جویلەکەیل تسالونیکی زانستن که پولوس وه بیریەیش کەڵام خودا بڵاو کێ، چینه ئەوره و مەردم گاڵدان و شێرێان کردن.

کاریل ڕەسولەیل 19:9

وەلێ بڕێگیان کەلەڕەقی کردیان و نەچیانه ژێر بار و ئیمان ناوردیان و وه نوای مەردمەگه، وه ئی ڕێه خراو وەتیان. جا پولوس له لێان دویرەو گرد و شاگردیلێ وەگەرد خوەێ برد، هەر چی ڕوژه وه تالار تیرانوس خەریک قسیه و باس بی.

کاریل ڕەسولەیل 21:21

ئیجوره وەناوێان چاو کەفتیه که تو گشت جویلەکەیلی که وەناو ناجویلەکەیل زنەیی کەن، تالیم دەێ که له موسا هەڵوگەردیەن و وەپێان ئویشێ مناڵیلیان خەتەنه نەکەن و وه پێ نەریت ئیمه زنەیی نەکەن.

کاریل ڕەسولەیل 23:12

وەختێ ڕوژەو بی، جویلەکەیل دەس وه یەکی کردن و قەسەم خواردن تا پولوس نەکوشن، چشتێ نەخوەن و نەنوشن.

کاریل ڕەسولەیل 24:9

جویلەکەیلیش وه یەکەو هەر چی وەتوی، مورێ کردن.

کاریل ڕەسولەیل 25:2

سەران کاهنيل و گەورایل جویلەکە داواکاریان وه زد پولوس هاوردنه ئەڕا لاێ و پاملێ بین و

کاریل ڕەسولەیل 25:7

وەختێ پولوس هاته ناو، جویلەکەیلی که له ئورشەلیم هاتوین، دەورێ گردن و بختیل قورس فرەێگ کردنه پێەو، وەلێ نەتویەنستن سابتێان بکەن.

کاریل ڕەسولەیل 4:12

وەناو هویچکەس بێجگه ئەیو نجات نیه، ئەڕا ئیه که له ژێر ئاسمان ناوێگ تر وه مەردم نێریاس تا وەگەردێ نجات پەێا بکێم.»

کاریل ڕەسولەیل 9:23

وەشون ماوەێ فرەێگ، جویلەکەیل دەس وه یەکی کردن تا بکوشنێ.

یەکم قورنتییل 10:33

هەر ئەوجورە که منیش تەقالا کەم تا گشتیەکی وه هەر لەونێگ که تویەنم خوەشنود بکەم. چوینکه نیمه شون سود خوەم، بەڵکەم هامه شون سود قێر فرەێگ، تا نجات پەێا بکەن.

نامه وە غەلاتییل 5:11

ئێ برایل، ئەگەر هێمراێ من خەتەنه بانگەوازی کەم، ئێ دیتر ئەڕا هێمراێ عەزاو دوینم؟ ئەگەر ئەوجورە بویاد دیتر بانگەوازی سەلیب بایس نویاتیاد کەسێگ بڕەنجێد.

ئەفسوسیێل 3:13

جا داوا لەلێدان کەم وه سەوەو رەنجیلێ که وەبونەێ ئیوه کیشم، دڵسەردەو نوین، ئەڕا ئیه که ئەوانه مایەێ شانازیدانن.

ئەفسوسیێل 3:8

هەر چەن من له گشت ئیمانداریل وه مەسیح بویچگترم، وەلێ ئی فیزه وه مه بەخشریا تا مزگانی دەوڵەمەنی مەسیح که نیود بەراوردی بکێ وه ناجویلەکەیل برەسنم،

یەکم تسالونیکییل 1:10

و تا چەوەڕێ هاتن کوڕ خودا له ئاسمان بوین، هەر ئەوه که خودا له مردگیل زنیەو کرد، یانێ عیسا، که ئیمه له خەزەوێگ که ها له وەرەڕوی ڕزگاری بەخشێد.

دویم تسالونیکییل 2:10

هەر ئیجوره ها گەرد گشت جور شەڕئاشویی، که ئەوانه که هانه ڕێ نابودی، گول دەێد. ئیانه وه ئەو خاتره له بین چن که نەتواسن ڕاسی دوس بیاشتون و ئیجوره نجات پەێا بکەن.

یەکم نامەێ تیموتاوس 2:4

که تواێد گشتیەکی نجات پەێا بکەن و وه ماریفەت ڕاسی برەسن.

عبرانییل 6:8

وەلێ ئەگەر زەوی دڕگ و دواڵ دەێده دەس، هویچ نیەتیەرزێد و نزیکه که لانەت بکرێی، ئاخریشێ سزیانه.

وەحی وه یوحەنا 22:11

بیل تا ئایەم بەێ کاره، هەرئیجوره بەێ کارێ بکێ و ئایەم گەنیاێ هەرئیجوره گەنیان وه بار بارێ؛ ئایەم سالحان هەرئیجوره کار خاس بکێ و ئایەم موقەدەس، هەرئیجوره وه موقەدەسی خوەێ بەردەوام بمینێ.»