یەکم تسالونیکییل 2:15 - کتاب مقدس به زبان کردی جنوبی - گویش کلهوری

¹⁵ هەر له ئەو جویلەکەیلی که هەم خوداوەند عیسا و هەم پەێخەمەریل کوشتن و ئیمەیش دەرکردن. ئەوانه خودا خوەشنودەو نیەکەن و وەگەرد گشت ئایەمیل دشمەنی کەن

یەکم تسالونیکییل 2:15 ပူးပေါင်းရင်းမြစ်များ

ئنجیل مەتا 23:37

«ئێ ئورشەلیم، ئێ ئورشەلیم، ئێ شارێگ که قاتڵ پەێخەمەریل و کوچگوارانکەر کەسیلێگید که کل کریەنه لاێ تو! چەن جار تواسم جور مامرێگ که جویجگەگانی له ژێر باڵیل خوەێ گردەو کەید، مناڵەگاند گردەو بکەم، وەلێ نەتواسێ!

ئنجیل مەتا 27:25

مەردم گشتێ جواو دان: «با خوینی وه مل ئیمه و مناڵیلمان بود!»

ئنجیل مەتا 5:12

خوەشاڵ بون و شادی بکەن، چوینکه پاداشدان وەناو ئاسمان گەوراس. ئەڕا ئیه که پەێخەمەریلی که وەرجه ئیوه بینه، هەر ویجوره ئازارێان دانه.

لوقا 24:20

وەلێ سەران کاهنیل و گەورایل ئیمه دانەێ دەس تا وه مەرگ ماکوم بود و کیشانێ سەلیب.

کاریل ڕەسولەیل 12:3

وەختێ دی جویلەکەیل وه ئی کاره خوەشنودەو بین، پتروسیش گرد. ئیه وه ڕوژیل جەشن فەتیره بی.

کاریل ڕەسولەیل 2:23

ئی عیسا وه پێ نەخشه و پێشدانی خودا دریاد دەسدانەو، ئیوه وه دەس گوناباریل وه سەلیب کیشاینێ و کوشتینێ.

کاریل ڕەسولەیل 3:15

ئیوه سەرچاوەی ژیان که خودا وەناو مردگیل زنیەو کرد، کوشتین. ئیمه شاێەت ئی هەڵکەفتیمنه.

کاریل ڕەسولەیل 4:10

جا گشت ئیوه و گشت قەوم ئێسرائیل بزانن، وه ناو عیسا مەسیح ناسریه که ئی پیا ساق و بێمزەڕەت وەنوادان وساس، وه ناو ئەیو که ئیوه وه سەلیب کیشاینێ، وەلێ خودا ئەیو له ناو مردگیل زنیەو کرد.

کاریل ڕەسولەیل 5:30

خوداێ باپیریلمان، عیسا زنیەو کردێه، ئەیو که ئیوه وه سەلیب کیشاین و کوشتینێ،

کاریل ڕەسولەیل 7:52

کام پەێخەمەره که وه دەس باپیریلدان عەزاو نێیه؟ ئەوانه تەنانەت پەێخەمەریلی که هاتن ئەو سالحانه پێشگویی کردوین، کوشتن؛ ئێرنگەیش ئیوه خود ئەیو داینێ دەسەو کوشتینێ،

یەکم قورنتییل 10:5

وەئی هەمگه، خودا له قێر فرەێگێان خوەشنود نوی، جا جنازەیلێان وه سەرئانسەر بیاوان تەفرتوینا بی.

دویم قورنتییل 11:26

هەمویشه وەناو گەردیان بیم و له هەر لاێگەو تویش خەتەر هاتیام: خەتەر گوزیشتن له چەمیل، خەتەر ڕێگریل؛ خەتەر له لاێ قەومەگەم، خەتەر له لاێ ناجویلەکەیل؛ خەتەر وەناو شار، خەتەر وەناو بیاوان، خەتەر وەناو دەریا؛ خەتەر له لاێ برایل دروەکانی.