یەکم تسالونیکییل 2:14 - کتاب مقدس به زبان کردی جنوبی - گویش کلهوری

¹⁴ چوینکه ئێ برایل، ئیوه له کلیسایل خودا له ناوچەێ یەهودیه که وەناو مەسیح عیسان، نمونه گردین: چوینکه ئیوه له هاووڵاتییل خوەدان، هەر ئەو عەزاویله دین که ئەوانه له جویلەکەیل دین،

یەکم تسالونیکییل 2:14 ပူးပေါင်းရင်းမြစ်များ

کاریل ڕەسولەیل 11:19

ئمجا کەسیلێ که وەشون شکەنجه و عەزاوێگ که وه سەر ئستیفان هاتوی، تەفرتوینا بوین، چینه ئەڕا مەنتەقەیل فینیقیه و قپرس و ئەنتاکیه. ئەوانه پێخام خودا بێجگه وه جویلەکەیل وه کەسێگ تر نەوەتن.

کاریل ڕەسولەیل 13:50

وەلێ جویلەکەیل، ژنيل خوداپەرەس و بەناوبانگ و هەرئیجوره پیاێل ناودار شار ڕشاننه یەکا و وه زد پولوس و بەرنابا گاڵدان. جا عەزاوێان دان و له ئەو مەنتەقه دەرێان کردن.

کاریل ڕەسولەیل 14:19

وەلێ جویلەکەیلێگ له ئەنتاکیه و قونیه هاتن و مەردمەگه وەگەرد خوێان یەکی کردن و پولوس کوچگواران کردن و وه گومان ئیه که مردگه، له شار کڕاننەێ دەیشت.

کاریل ڕەسولەیل 14:2

وەلێ ئەو جویلەکەیله که ئیمان ناوردوین، ناجویلەکەیل گاڵدان و فکرێان له باوەت برایل، خراو کردن.

کاریل ڕەسولەیل 14:4

مەردم شارەگه بینه دو دەسەوه؛ دەسەیگ هاتنه پشت جویلەکەیل و دەسەیگ چینه لاێ ڕەسولەیل.

کاریل ڕەسولەیل 14:5

وەختێ ناجویلەکەیل و جویلەکەیل وەگەرد گەورایلێان تواسن پولوس و بەرنابا سوکەو بکەن و کوچگوارانیان بکەن،

کاریل ڕەسولەیل 17:13

وەلێ وەختێ جویلەکەیل تسالونیکی زانستن که پولوس وه بیریەیش کەڵام خودا بڵاو کێ، چینه ئەوره و مەردم گاڵدان و شێرێان کردن.

کاریل ڕەسولەیل 18:12

وەلێ وەختێ گالیو، فەرمانرەواێ شار ئەخائیه بی، جویلەکەیل دەس وه یەکی کردن و ڕشیانه سەر پولوس و بردنێ ئەڕا دادگا،

کاریل ڕەسولەیل 8:1

شائول رزایەت دا تا ئستیفان بکوشن. وه ئەو ڕوژه، کلیساێ شار ئورشەلیم تویش عەزاو سەختێگ هات و گشت بێجگه ڕەسولەگان، وه دەوروەر یەهودیه و سامره تەفرتوینا بین.

کاریل ڕەسولەیل 8:3

وەلێ شائول شرو وه خاپور کردن کلیسا کرد، ماڵ وه ماڵ گەردیاد و ژنيل و پیاێل کیشیاده دەیشت و خستیادێانه زندان.

کاریل ڕەسولەیل 9:1

وەلێ شائول هێمراێ له هەڕەشه کردن و کوشتن شاگردیل خوداوەند دەس هەڵنەگردوی، جا چیه ئەڕا لاێ کاهن گەورا و

کاریل ڕەسولەیل 9:13

وەلێ حەنانیا جواو دا: «خوداوەندا، وه فره کەس لەباوەت ئی پیا شنەفتمه که چەنێ وه ئیمانداریل تو له ئورشەلیم خراوی کردێه.

کاریل ڕەسولەیل 9:31

جا کلیسا وه سەرئانسەر ناوچەێل یەهودیه و جەلیل و شار سامره ئارامەو بی، پا گردیا و له ترس خوداوەند وه سەر بردیاد و وه ئارامی روح‌القودوس فرەوه بویان.

یەکم قورنتییل 10:32

هویچکەس مەرەنجنن، چ جویلەکە چ یونانی چ کلیساێ خودا،

یەکم قورنتییل 7:17

تەنیا بیلێن هەر کەس ئەوجورە که خوداوەند ئەڕاێ دیاری کردێه و خودا ئەڕا ئەوه دەنگێ کردێه زنەیی بکێ. ئیه یاساێگه که من وەناو گشت کلیسایل حوکمه پێ کەم.

نامه وە غەلاتییل 1:22

له ئەو وەخته هێمراێ کلیسایل یەهودیه که هانه ناو مەسیح، مه وه دەمچەو نیەناسیان.

یەکم تسالونیکییل 1:1

له پولوس و سیلاس و تیموتاوس، وه کلیساێ شار تسالونیکی که هانه ناو خوداێ باوگ و خوداوەند عیسا مەسیح: فیز و ئاشتی و سڵامەتی وه ملدانەو بود.

یەکم تسالونیکییل 1:6

ئیوه له ئیمه و له خوداوەند نمونه گردین، چوینکه له ناو بەرد فره، کەڵام خودا وه خوەشی که له روح‌القودوسه قەبوڵ کردین.

یەکم تسالونیکییل 3:4

چوینکه وەختێگ که وەگەرد ئیوه بیمن، هەر ئیجوره وەرجەوە وەپێدان وەتیایم که ئیمه باێه عەزاو و بەرد بوینیمن، هەر ئەوجورە که ئاگادارین، ئیجورەیشه بیه.

دویم تسالونیکییل 1:1

له پولوس و سیلاس و تیموتاوس، وه کلیساێ شار تسالونیکی که هانه ناو خودا، باوگ ئیمه و خوداوەند عیسا مەسیح:

دویم تسالونیکییل 1:4

وه ئی بونه، ئیمه خوەمان وەناو کلیسایل خودا وەبونەێ بەردەوام بین و ئیماندان وەناو گشت عەزاویل و بەردیلی که تاموڵ کین، وەپێدان شانازی کيمن.