یەکم تسالونیکییل 2:13 - کتاب مقدس به زبان کردی جنوبی - گویش کلهوری

¹³ هەر ئیجوره ئیمه یەێ‌سەر وه ئی بونه سپاس خودا کەیمن که ئیوه له وەخت قەبوڵ کردن کەڵام خودا، که له ئیمه شنەفتین، ئەوه نه جور قسیەيل ئنسان، بەڵکەم جور کەڵام خودا قەبوڵ کردین، که وه ڕاسی هەر ئیجورەسه؛ هەر ئەو کەڵامه که وەناودان که ئیمان دێرین، کار کەێد.

یەکم تسالونیکییل 2:13 ပူးပေါင်းရင်းမြစ်များ

ئنجیل مەتا 10:20

چوینکه ئەیو که قسیه کەی ئیوه نین، بەڵکەم روح باوگ ئاسمانیدانه که وه زوان ئیوه قسیه کەی.

ئنجیل مەتا 10:40

«هەر کەس ئیوه قەبوڵ بکێ مه قەبوڵ کردێه، هەرکەیش مه قەبوڵ کرد ئەوه که مه کل کرد قەبوڵ کردێه.

لوقا 11:28

وەلێ عیسا وەت: «نه، بەڵکەم خوەش وه حاڵ ئەوانه که کەڵام خودا شنەفن و وه جێ تیەرن.»

لوقا 5:1

یەێ ڕوژ عیسا وه لیوەێ دەریاچەێ جنیسارت وساوی مەردمیش وه گشت لاێگەو هویژم بردیانه ئەڕا لاێ تا کەڵام خودا بشنەفن،

لوقا 8:11

«ماناێ مەسلەتەگه ئیەسه: تویەم، کەڵام خوداس.

لوقا 8:21

وه جواویان وەت: «داڵگ و برایلم کەسیلێگن که کەڵام خودا شنەفن و وه جێ تیەرنێ.»

یوحەنا 15:3

ئیوه ئێرنگه وەبونەێ کەڵامێگ که وەپێدان وەتمه، پاکین.

یوحەنا 17:17

وەناو ڕاسی تەقدیسان بکه؛ کەڵام تو ڕاسیه.

یوحەنا 17:19

وەبونەێ ئەوانه خوەم تەقدیس کەم، تا ئەوانیش وەناو ڕاسی تەقدیس بون.

کاریل ڕەسولەیل 10:33

جا زویزی کل کردمه شوند، تنیش لوتف کردی هاتێ. ئێرنگه گشتمان لەلاێ خوداوه گورجیم تا گوش بیمنه هەر چی که خوداوەند فەرمایش کردێەسه پێد.»

کاریل ڕەسولەیل 13:48

وەختێ ناجویلەکەیل ئیه شنەفتن، دڵشادەو بین و حرمەت پێخام خوداوەند گردن؛ جا ئەوانەێ که ئەڕا زنەیی ئەبەدی دیاری کریاوین، ئیمان هاوردن.

کاریل ڕەسولەیل 16:14

یەکی له ئەوانه که گوش دیاد، ژنێگ خوداپەرەس وه ناو لیدیه له مەردم شار تیاتیرا بی و پارچەیل گران قیمەت ئەرخەوانی فروتیاد. خوداوەند دڵی واز کرد تا سەرنج بێیده قسیەیل پولوس.

کاریل ڕەسولەیل 17:11

جویلەکەیل نیشتەجێ ئەوره له جویلەکەیل تسالونیکی نەجیم تر بین. ئەوانه کەڵام خودا وه تاسەوه قەبوڵ کردن و هەر ڕوژ وردەو بویانه کتاو موقەدەس تا وه ڕاسدرسی قسیەیل پولوس دڵنیا بون.

کاریل ڕەسولەیل 17:32

وەختێ له باوەت زنیەو بوین مردگیل شنەفتن، بڕێگ بزگەخەنه دان، وەلێ بڕێگتر وەتن: «یەێ جارتر توایم لێ باوەته له لێد بشنەفیم.»

کاریل ڕەسولەیل 2:41

جا کەسیلێ که قسیەیلی قەبوڵ کردن، تەعمید گردن. له ئەو ڕوژه نزیک سێ هەزار نەفەر وه ئەوانه فێشترەو بی.

کاریل ڕەسولەیل 8:14

وەختێ ڕەسولەگان وەناو ئورشەلیم شنەفتن که سامریەگان کەڵام خودا قەبوڵ کردنه، پتروس و یوحەنا کل کردنه ئەڕا لاێان.

رومیەگان 10:17

جا ئیمان له شنەفتن تێد و شنەفتن، له ڕێ کەڵام مەسیحه.

دویم قورنتییل 3:18

گشتمان‎ وەگەرد دەمچەویل بی ڕویبەن، هەر جور نوڕین وەناو جامەک نوڕێیمنه جەڵاڵ خوداوەند. جور وێنەێ که وەناو جامەک دوینیم له یە جەڵاڵ وه جەڵاڵ گەوراتر گویڕێیم. چوینکه ئیه له لاێ خوداوەند سەرچاوه گری هەر ئەو خوداوەند که روحه.

نامه وە غەلاتییل 4:14

هەر چەن وەزوحالم ئەڕادان ئەزمونێگ بی، وەلێ تویلەکیه پێم نەکردین یا وه چەو سوک نەنوڕینه پێمەو. بەڵکەم مه هەر جور فریشتەێگ لەلاێ خوداوه یا جور خود مەسیح عیسا قەبوڵ کین.

نامه وه کولوسییل 1:6

هەر ئەو ئینجیله که ڕەسیەسه پێدان هەر ئەوجورە که وه ڕاسی له سەرئانسەر دنیا بەر دێ و گەوراوه بود، هەر ئەوجورە که وەناو ئیوەیش، له ڕوژیگ که شنەفتینێ و فیز خودا وه ڕاسی فامین، کار کەی.

عبرانییل 4:12

چوینکه کەڵام خودا زنیه و کارکەره و تێژتر له هەر شمشێر دو دەمێگه و ئەوجورە چوده ناو که گیان و روح، مەفسەلیل و مەخز سقانیل جیاوه کەید و فکریل و نیەتیل دڵ هەڵسەنگنێد.

عبرانییل 4:2

چوینکه وه ئیمەیش هەر جور ئەوانه مزگانی دریاد. وەلێ پێخامێگ که شنەفتن، نەفیگ ئەڕاێان نیاشت، چوینکه وەگە‎رد ئەوانه که گوش کردن وه وەسلەێ ئیمان یەکی نوین.

یاقوب 1:18

ئەیو وه پێ خاستەی خوەێ ئیمه وەگەرد کەڵام ڕاسی هاورده دی تا وەناو درس کریاێلی وێنەێ نەوبەر بویمن.

یەکم پتروس 1:23

چوینکه تازه هاتینەسه دنیا، نه له توخم‎تەرەکەێ له بین چی بەڵکەم توخم‎تەرەکەێ که له بین نیەچود، یانێ له ڕێ کەڵام خودا که زنیه و هەر هەسەێ.

یەکم پتروس 1:25

وەلێ کەڵام خوداوەند تا ئەبەد مینێدی.» جا ئی کەڵامه ئەو مزگانیەسه که وەپێدان جار دریاس.

یەکم پتروس 2:2

هەر جور مناڵه کوڕپەیل، تاسەێ شیر ناب روحانی بوین تا وه مەیەت ئەوه ئەڕا نجات، گەوراوه بوین،

دویم پتروس 3:2

تا پێشگویەگان پەێخەمەریل موقەدەس بارینه هویردان و هەر ئیجوره حوکم خوداوەند و نجات دەر که وه وەسلەێ ڕەسولەیل ئیوه وەتریاس.

یەکم یوحەنا 3:3

هەر کەس وه ئەیو ئیجور ئمیدێگ دێرێ، خوەێ پاکەو کەی، هەر ئەوجورە که ئەیو پاکه.