یەکم تسالونیکییل 1:6 - کتاب مقدس به زبان کردی جنوبی - گویش کلهوری

⁶ ئیوه له ئیمه و له خوداوەند نمونه گردین، چوینکه له ناو بەرد فره، کەڵام خودا وه خوەشی که له روح‌القودوسه قەبوڵ کردین.

یەکم تسالونیکییل 1:6 ပူးပေါင်းရင်းမြစ်များ

ئنجیل مەتا 16:24

ئمجا عیسا وه شاگردەگانێ وەت: «ئەگەر کەسێگ بتواێ بکەفێده شون مه، باێه له خوەێ دەس بکیشێ، سەلیب خوەێ هەڵبگرێ و وەشون منەو باێ.

یوحەنا 8:12

عیسا وه دواره وەگەرد مەردم قسیه کرد و فەرمایش کرد: «منم نویر جهان. هەر کەسێگ بکەفێه شونم وەناو تیەریکی ڕێ نیەکێ، بەڵکەم نویر زنەیی دێرێد.»

کاریل ڕەسولەیل 13:52

وەلێ شاگردەگان پڕ له خوەشی و روح‌القودوس بین.

کاریل ڕەسولەیل 5:41

ڕەسولەگان وه شادی لەلاێ ئاڵ شورا چینه دەیشت، چوینکه شایسه وه حساو هاتن که وەبونەێ ناو عیسا سوکەو بکریەن.

کاریل ڕەسولەیل 9:31

جا کلیسا وه سەرئانسەر ناوچەێل یەهودیه و جەلیل و شار سامره ئارامەو بی، پا گردیا و له ترس خوداوەند وه سەر بردیاد و وه ئارامی روح‌القودوس فرەوه بویان.

رومیەگان 15:13

با خوداێ ئمید، وه گشت خوەشی و ئاشتی و سڵامەتی وەناو ئیمان، پڕدان بکێ تا که وه هێز روح‌القودوس، نیقەڵتوز له ئمید بوین.

یەکم قورنتییل 11:1

له منا نمونه بگرن، هەر ئەوجورە که مه له مەسیح نمونه گرم.

یەکم قورنتییل 11:2

ئێرنگه تاریفه لێدان کەم ئەڕا ئیه که وەناو گشت چشتێگ مه تیەرێنه هویر و نەریتیل، هەر ئەوجورە که وەپێدان سپاردم، پارێزنێن.

یەکم قورنتییل 4:16

جا لاڵکمه پێدان له من نمونه بگرن.

دویم قورنتییل 6:10

وەگەردمان جور ئایەمیل خەمبار ڕێ رەوشت کریەێ، وەئی حاڵەو هەمویشه دڵشادیم؛ وەگەردمان جور دەستەنگیل ڕێ رەوشت کریەێ، وەئیحالەو فره کەس دەوڵەمەنەو کیم؛ وەگەردمان جور کەسێگ که هویچ نێری ڕێ رەوشت کریەێ، وەئیحالەو خاون گشت چشتێگیم.

دویم قورنتییل 8:5

ئیانه تەنانەت فرەتر له ئەو چشته که ئیمه چەوەڕێ بیمن کار کردن، چوینکه یەکم جار خوێان پیشکەش خوداوەند کردن و ئمجا وه خاست خودا خوێان پیشکەش ئیمەیش کردن.

نامه وە غەلاتییل 5:22

وەلێ بەر روح خودا، مابەت، خوەشی، ئاشتی و سڵامەتی، سەور، مێرەبانی، خاسێ، وەفاداری،

ئەفسوسیێل 5:1

جا جور ڕوڵەیل عەزیز، له خودا نمونه بگرن.

نامەێ فیلیپییل 3:17

ئێ برایل، وەگەرد یەکا له منا نمونه بگرین و بنوڕنه کەسیلێگ که ڕێ رەوشتیان وه پێ نمونەێگه که دایمنه پێدان.

دویم تسالونیکییل 1:4

وه ئی بونه، ئیمه خوەمان وەناو کلیسایل خودا وەبونەێ بەردەوام بین و ئیماندان وەناو گشت عەزاویل و بەردیلی که تاموڵ کین، وەپێدان شانازی کيمن.

دویم تسالونیکییل 3:7

چوینکه خوەدان زانين که چوی باێه له ئیمه نمونه بگرین، چوینکه زەمانێگ که ئیمه وەگەردانەو‎و بیمن، نه لەمتیگەری دەر هاوردیم و

دویم تسالونیکییل 3:9

نه وەبونەێ ئیەک ئیجور حەقێگ نێریم، بەڵکەم تا له خوەمان نمونەێگ بیەیمنه پێدان تا ئیوه نمونه بگرین.

دویم تیموتاوس 4:2

کەڵام بانگەوازی بکێد و وەخت و بی وەخت ئەڕا ئی کاره گورج بوێد و وەگەرد سەور فره و تالیم فره درس، وه درس بوین و گازتاوه و هانداین کار بکێد.

عبرانییل 10:34

وەگەرد ئەوانه که وەناو زندان بوین، هاودەردی کردیاين و وەختێ ماڵ ئەموالدان تاڵان کردیان وه خوەشیەو قەبوڵ کردیاین، چوینکه زانستیاین که خوەدان دارایی خاسترێگ دێرین که مینێد.

یەکم پتروس 1:6

له ئی باوەته خوەشاڵێن، هەرچەن ئێرنگه ماوەێ کەمێگ واجوه تا وەگەرد ئەزمونیل جورواجور خەمبارەو بین،

یەکم پتروس 1:8

ئیوه هەرچەن نێنەسێ، وەلێ دوسێ دێرین و هەرچەن ئێرنگه نيوینینێ وەلێ ئیمانه پێ دێرین و له خوەشیگ که نیود شێوێ کرد و پڕ له جەڵاڵه، نیقەڵتوزەو بینه و

یەکم پتروس 3:13

ئێرنگه ئەگەر ئەڕا چشتێ که خاسه غیرەت دێرین، کیه که وەپێدان زەرەر برەسنێد؟

سێیەم یوحەنا 1:11

ئێ عەزیز، وه خراوی نمونه ئەڕا خوەد مەگر، بەڵکەم وه خاسێ نمونه بگر. هەر کەس خاسێ بکێ، له لاێ خوداس، وەلێ هەر کەس خراوی بکێ خودا وه چەو نێه.