یەکم تسالونیکییل 1:5 - کتاب مقدس به زبان کردی جنوبی - گویش کلهوری

⁵ ئەڕا ئیه که ئینجیلێگ که ئیمه جار دایمنه نه تەنیا وەگەرد کەلیمەیل، بەڵکەم وەناو هێز و وەناو روح‌القودوس و وەگەرد دڵنیایی کامڵ وه پێدان رەسێ، ئیوه زانين که وه خاتر ئیوه رێ رەوشتمان وه‌ناودان چوی بی.

یەکم تسالونیکییل 1:5 ပူးပေါင်းရင်းမြစ်များ

مەرقوس 16:20

جا ئیانیشه چینه دەیشت و وه گشت جاێ بانگەوازی کردیان، خوداوەندیش له ڕێ ئەوانه کار کردیا و کەڵام خوەێ وەگەرد نیشانەیلێ که وەگەرد ئیانەوه بی، مور کردیاد.

لوقا 1:1

تئوفیلوس پایەبەرز، وەبونەێ ئیه که فره له کەسیل دەس وه نویساین ئەو هەڵکەفتیله دانه که له لاێ ئیمه وه دی هاتنه،

کاریل ڕەسولەیل 11:21

دەس خوداوەندیش وەگەردێان بی و قێر فرەێگ ئیمان هاوردن و ڕوی کردنه خوداوەند.

کاریل ڕەسولەیل 16:14

یەکی له ئەوانه که گوش دیاد، ژنێگ خوداپەرەس وه ناو لیدیه له مەردم شار تیاتیرا بی و پارچەیل گران قیمەت ئەرخەوانی فروتیاد. خوداوەند دڵی واز کرد تا سەرنج بێیده قسیەیل پولوس.

کاریل ڕەسولەیل 2:33

ئێرنگه که عیسا وه دەس ڕاس خودا بەرزەو کریاس، وادەێ روح‌القودوس له باوگ گرد و ڕشان، ئیەسه که ئیوه دوینین و شنەفین.

رومیەگان 1:16

چوینکه مه له ئینجیل شەرمزار نیم، ئەڕا ئیەکه هێز خوداس ئەڕا نجات هەر کەسێگ که ئیمان بارێ، یەکم جار جویلەکە و لەشونی یونانی.

رومیەگان 15:13

با خوداێ ئمید، وه گشت خوەشی و ئاشتی و سڵامەتی وەناو ئیمان، پڕدان بکێ تا که وه هێز روح‌القودوس، نیقەڵتوز له ئمید بوین.

رومیەگان 2:16

ئیه ڕوژیگ هەڵکەفێ که خودا وه پێ ئینجیلێگ که من جار دەم، رازیل دڵ ئایەمیل له ڕێ مەسیح عیسا داوەری کەێ.

یەکم قورنتییل 1:24

وەلێ ئەڕا دەنگ کریایەگان، چ جویلەکە و چ یونانی، مەسیح هێز خودا و زانیاری خوداس.

یەکم قورنتییل 10:33

هەر ئەوجورە که منیش تەقالا کەم تا گشتیەکی وه هەر لەونێگ که تویەنم خوەشنود بکەم. چوینکه نیمه شون سود خوەم، بەڵکەم هامه شون سود قێر فرەێگ، تا نجات پەێا بکەن.

یەکم قورنتییل 3:16

ئێ نيەزانين که مابەد خوداین و روح خودا وەناودان نیشتەجێه؟

یەکم قورنتییل 3:6

من تویەمەگه کاڵیم و ئاپولوس ئاوێ دا، وەلێ خودا بی که سەوزی کرد.

یەکم قورنتییل 4:20

چوینکه پادشایی خودا وه قسیه نیه، بەڵکەم وه هێزه.

یەکم قورنتییل 9:14

هەر ویجوره، خوداوەند دەستور داس، ئەوانه که ئینجیل بانگەوازی کەن، گوزەرانیان له سەر ئینجیل بود.

دویم قورنتییل 3:6

ئەیو لیاقەت بەخشیەسه پێمان تا خزمەتکاریل پەێمان نو بویمن، پەێمانێگ که وه کار روح خودا بەردەوامه، نه وه ئەو چشته که نویسریایگ فرەتر نیه. چوینکه ’نویسریای‘ کوشێد، وەلێ روح خودا زنەیی بەخشێد.

نامه وە غەلاتییل 2:2

مه وەبونەێ وەحیێگ که گردوێم، چیم و ئەو ئینجیله که وەناو ناجویلەکەیل جار دەم، وەتمه پێان تا دڵنیا بوم که وه هویچ پەتی نەدەویام یا نەدەویمه هەر چەن که ئيه وه تەنیایی، وەتمه ئەوانه که چماێ ئایەمیل بەناوبانگێگ بین.

نامه وە غەلاتییل 5:5

چوینکه وه وەسلەێ روح خودا و له ڕێ ئیمانه که ئیمه خوەمان وه ئەزرەتەو چەوەڕێ ئەو سالح بوینیمنه که وه ئمێدێەو دەیمنەێ سەر.

ئەفسوسیێل 2:10

چوینکه ئیمه درس کریاێ دەس خودایمن و وەناو مەسیح عیسا ئەڕا کاریل خاس که خودا وەرجه ئیه گورجەو کرد وه دی هاتیمن تا وەناو ئەوانه گام هەڵبگریم.

ئەفسوسیێل 3:20

ئێرنگه جەڵاڵ ئەڕا خوداێگ بود که تویەنێ وه پێ ئەو هێزه که وەناو ئیمه کار کەی، فره فرەتر له هەر چی بتوایم یا باریمنه وەر چەومان، کار بکێ.

نامەێ فیلیپییل 2:13

چوینکه خوداس که ئەڕا خوەشنودی خوەێ وەناو ئیوه کار کەید، هەم وەناو خاست و هەم وەناو کردەوه.

نامەێ فیلیپییل 4:9

هەر چشتێ که له مه یاێ گردینه و قەبوڵ کردینه و هەر چشتێ که له مه شنەفتینه و له لێم دینه، ئی چشتیله وه جێ بارین، که خوداێ ئاشتی و سڵامەتی ها گەرددانەو.

نامه وه کولوسییل 2:2

تا ئەوانه دڵگەرم بون و وەناو مابەت وه یەکەو بون و له گشت دەوڵەمەنی ئەو دڵنیایی کامڵه نسیو بوەن، هەر ئەو دڵنیاییه که له فام سەرچاوه گری و له ئی ڕێه وه راز خودا یانێ مەسیح پێ بوەن،

یەکم تسالونیکییل 2:13

هەر ئیجوره ئیمه یەێ‌سەر وه ئی بونه سپاس خودا کەیمن که ئیوه له وەخت قەبوڵ کردن کەڵام خودا، که له ئیمه شنەفتین، ئەوه نه جور قسیەيل ئنسان، بەڵکەم جور کەڵام خودا قەبوڵ کردین، که وه ڕاسی هەر ئیجورەسه؛ هەر ئەو کەڵامه که وەناودان که ئیمان دێرین، کار کەێد.

دویم تسالونیکییل 2:14

ئەیو له ڕێ ئینجیلێگ که ئیمه جار دایم، دەنگدان کرد تا وه جەڵاڵ خوداوەند ئیمه عیسا مەسیح دەس پەێا بکێن.

دویم تیموتاوس 2:10

جا گشت چشتێگ وه بونەێ هەڵوژاریەگان تاموڵ کەم تا ئەوانیش نجاتیگ که ها ناو مەسیح عیسا، وەگەرد جەڵاڵ ئەبەدی وه دەس بارن.

دویم تیموتاوس 2:8

عیسا مەسیح باره هویرد که له نەتەوەێ داود پادشا بی و له مردگیل زنیەو بی؛ هەرئەوجوره که ئینجیل مه ئەوه ئویشێ،

عبرانییل 10:22

باین تا وه دڵێگ ڕاس و دڵنیایی تەمام ئیمان، نزیک خودا بویمن، وه حاڵێگەو که دڵیلمان له وژدان خراو پاکەو بویه و جەسەیلمان وەگەرد ئاو پاک شوریاس.

عبرانییل 6:11

تاسەێ ئیمه ئیەسه که هەر کامدان هەر ئی غیرەته تا وه ئاخر نیشان بێین تا ئمیددان وه تەمامی وه دی باێ،

یەکم پتروس 1:12

ئەڕاێان ئاشکرا بی که نه وه خوەێان بەڵکەم وه ئیوه خزمەت کردیان، ئەو وەخته که له چشتیلی قسیه کردیان که ئێرنگه له باوەتێانەو له ڕێ جار دەریل ئەو مزگانیه وه ئیوه، شنەفین. له ئەوانه که له ڕێ روح‌القودوس که له ئاسمانەو کل کریاس، مزگانی دەنه پێدان. تەنانەت فریشتەیلیش ئاوەخت نوڕین وه ئی چشتیله دێرن.

یەکم پتروس 1:3

پڕ بمارکه خودا، باوگ خوداوەند ئیمه عیسا مەسیح که بەنا وه بەزەیی فره گەوراێ خوەێ، سەوەو بیه تا وه وەسلەێ زنیەو بوین عیسا مەسیح له مردگیل، ئیمه له نو بایمنه دنیا، ئەڕا ئمیدێگ زنی،

یەکم پتروس 5:3

نه ئەوه که وه مل کەسیلێگ که وه دەس ئیوه سپاریانه گەورەێ بکێن، بەڵکەم ئەڕا ڕیەنەگه نمونه بوین.

دویم پتروس 1:10

جا ئێ برایل، هەر چی فرەتر تەقالا بکەن تا دەنگ کریان و هەڵوژاریای خوەدان مور بکێن، ئەڕا ئیه که ئەگەر ئی چشتیله وه جێ بارین هەرگز نیەکەفین.

دویم پتروس 1:19

بێجگه ئیه، کەڵام فره دڵنیاێ پەێخەمەریل دێریم که خاسه وەپێ سەرنج بێین، ئەڕا ئیه که هەر جور چراخێگ له شونێگ سیه و تیەریک دروشید تا ئەو وەخته که شەفەق بێید و هەسارەێ شەوەکی له ناو دڵیلدان هەڵ باێد.