یەکم تسالونیکییل 1:3 - کتاب مقدس به زبان کردی جنوبی - گویش کلهوری

³ و له لاێ خودا، باوگ ئاسمانیمان، کار ئیوه که له ئیمانه و مەینەت ئیوه که له مابەته و بەردەوامیدان که له ئمید وه خوداوەندمان عیسا مەسیحه، تیەرێمنه هویر.

یەکم تسالونیکییل 1:3 ပူးပေါင်းရင်းမြစ်များ

یوحەنا 14:15

«ئەگەر دوسم بیاشتوین، حوکمەگانم پارێزنێن.

یوحەنا 15:10

ئەگەر حوکمەگان مه بپارێزنین، لەناو مابەت من نیشتەجێ بوین؛ هەر ئەوجورە که من حوکمەگان باوگم پارێزانمه و لەناو مابەتێ نیشتەجێیم.

کاریل ڕەسولەیل 10:31

وەت: ”کورنلیوس، دوعاد قەبوڵ بیه و سەدەقەگاند لەلاێ خودا وه هویر هاتێه.

کاریل ڕەسولەیل 3:19

جا توبه بکەن و هەڵوگەردینه لاێ خودا تا که گونایلدان پاکەو بود،

رومیەگان 12:12

وەناو ئمید دڵشاد بون، وەناو بەرد سەور بیاشتون و وەناو دوعا بەردەوام بون.

رومیەگان 15:13

با خوداێ ئمید، وه گشت خوەشی و ئاشتی و سڵامەتی وەناو ئیمان، پڕدان بکێ تا که وه هێز روح‌القودوس، نیقەڵتوز له ئمید بوین.

رومیەگان 15:4

چوینکه هەر چشتێ که وه ڕوژیل جارانەو نویسریاس، ئەڕا تالیم ئیمه نویسریاس تا له ڕێ بەردەوامی و له ڕێ دڵگەرمیێگ که نویسریایل موقەدەس بەخشێد، ئمید بیاشتویمن.

رومیەگان 16:26

وەلێ ئێرنگه ئاشکراوه بیه و له ڕێ نویسرایەگان پەێخەمەریل، وه پێ حوکم خوداێ ئەبەدی، وه گشت ملەتیل ئاشکرا بیه تا ئەوانه ئیمان بارن و گوش بتەکنن.

رومیەگان 16:6

وه مریەم که ئەڕادان زامەت فرەێگ کیشاس، سڵام برەسنن.

رومیەگان 2:7

ئەیو زنەیی ئەبەدی بەخشێده کەسیلێ که وەگەرد سەور، کاریل خاس وەجێ تیەرن و هانه شون جەڵاڵ و حرمەت و نەمری؛

یەکم قورنتییل 13:13

جا ئێرنگه، ئی سێ چشته مینێدەو: ئیمان، ئمید و مابەت. وەلێ گەوراترەگەێان مابەته.

یەکم قورنتییل 15:58

جا، برایل عەزیزم، قورس و بەردەوام بون، هەمویشه وه قوڕن دڵ خەریک کار خوداوەند بون، چوینکه زانين زامەتەگەدان وەناو خوداوەند هویچ پەتی نیه.

دویم قورنتییل 2:17

ئەڕا ئیه که ئیمه جور قێر فرەێگ که ئەڕا نەف خوێان خەریک دەسفروشی کەڵام خودان، نیمن، بەڵکەم له لاێ خودا وەناو مەسیح قسیه کەیمن، هەر جور مەردم ڕویڕاسێگ که له لاێ خودا مامور بینه.

نامه وە غەلاتییل 1:4

هەر ئەیو عیسا مەسیحه که خوەێ ئەڕا گونایل ئیمه بەخشا تا ئیمه وه پێ خاست خودا و باوگ ئاسمانیمان له ئی دورەی شەڕئاشویه که هایمنه ناوێ ڕزگارمان بکێ

نامه وە غەلاتییل 5:13

ئێ برایل، ئیوه ئەڕا ڕزگاری دەنگ کریاینه، وەلێ ڕزگاری خوەدان مەکەنه دەرفەتێگ ئەڕا ئاوەختیێل جەسه، بەڵکەم وه پێ مابەت، یەکترەکی خزمەت بکێن.

نامه وە غەلاتییل 5:6

چوینکه وه ناو مەسیح عیسا نه خەتەنه بین و نه خەتەنه نوین هویچ نیەتیەرزێد، بەڵکەم تەنیا ئەو ئیمانه گرنگه که وه پێ مابەت کار کەی.

نامه وە غەلاتییل 6:9

بان تا له خاسێ کردن شەکەت نویمن، چوینکه ئەگەر دەس له کار نەکیشیم، له وەرز خوەێ کشتکاڵەگه درەو کەیمن.

یەکم تسالونیکییل 3:6

وەلێ ئێرنگه تیموتاوس لەلادان هاتیەسەو ئەڕا لامان و مزگانی ئیمان و مابەت ئیوه ئەڕامان هاوردێه. ئەوه خەوەر داسه پێمان که ئیوه هەمویشه له ئیمه وه مێرەبانی یاێ کین و هەر ئەوجورە که ئیمه تاسەێ دیندان دێریم، ئیوەیش تاسەێ دین ئیمه دێرین.

دویم تسالونیکییل 1:11

وه ئی بونه، یەێ‌سەر ئەڕا ئیوه دوعا کيمن تا خودامان، ئیوه شایسەی دەنگ کردن خوەێ بکێ و وه هێز خوەێ هەر ئاوەختیێل خاس و هەر کارێگ که له ئیمان ئیوه سەرچاوه گرید، وه ئەنجام برەسنێد،

دویم تسالونیکییل 1:3

ئێ برایل، ئیمه باێه هەمویشه وەبونەێ ئیوه سپاس خودا بکێم و درسیشێ هەر ئیەسه، چوینکه ئیمان ئیوه فره فره گەوراوه بود و مابەت هەر کامدان وه یەکترەکی فرەوه بود.

یەکم نامەێ تیموتاوس 1:14

فیز خوداوەند ئیمه له ڕێ ئیمان و مابەتێگ که وەناو مەسیح عیسا پەێا بود، فره فره ڕشیاده ملمانا.

یەکم نامەێ تیموتاوس 2:3

ئەڕا ئیه که کار خاس و دڵخواز نجات دەر ئیمه خودا هەر ئیەسه

عبرانییل 10:36

چوینکه هەوەجی دێرین که بەردەوام بوین تا ویجوره ئمجا که خاست خودا وه جێ هاوردین، وادەگه پەێا بکێن.

عبرانییل 11:17

وه ئیمان بی که ئێبراهیم وەختێ ئەزمون کریا، ئەسحاق هەر‎ جور قوروانی پیشکەش کرد؛ ئێبراهیم که وادەیل گردویه وەر گورجەو بی تەنیا کوڕەگەێ خوەێ قوروانی بکێد،

عبرانییل 13:21

وه هەر چشت خاسێگ ئیوه گورجەو بکێ تا خاست ئەیو وەجێ بارین. با که خودا هەر چی که سەوەو خوەشنودی بود له ڕێ عیسا مەسیح وەناو ئیمه وە جا بارێ، هەر ئەیو عیساێ مەسیحه که تا ئەبەد و تا ئەبەد جەڵاڵ وه ئەیو بود. ئامین.

عبرانییل 4:11

جا باین تەقالا بکێم تا وه ئەو شون ئاشاسێگه ڕێ پەێا بکێم، تا هویچکەس وه ئەوجورە ملچەفتەو کردنێگ، نەکەفێد.

عبرانییل 6:15

وه ئیجوره، ئێبراهیم وه سەورەو چەوەڕێ بی و وادەگه گرد.

یەکم پتروس 3:4

بەڵکەم بیلن ڕەژیایندان وەناو ئنسان نادیاری دڵدان بود که وەگەرد رەنگینی نەسیسیاێ روحێگ نەرم و ئارامە، که ئیه له وەر چەو خودا فره تیەرزێ.

یەکم یوحەنا 3:18

ئێ ڕوڵەیل ورد، بان مابەت بکێم، نه وه وتار و زوان، بەڵکەم وه کردەوه و ڕاسی.

یەکم یوحەنا 3:21

ئێ عەزیزەیل، ئەگەر دڵمان ماکوممان نەکێ، وه لاێ خودا دڵنیایمن

یەکم یوحەنا 3:3

هەر کەس وه ئەیو ئیجور ئمیدێگ دێرێ، خوەێ پاکەو کەی، هەر ئەوجورە که ئەیو پاکه.

یەکم یوحەنا 5:3

چوینکه دوس داشتن خودا ئیەسه که حوکمیلێ وه جێ باریم، حوکمیل ئەیو بار قورسیگ نیه.

وەحی وه یوحەنا 2:19

مه له کاریل و مابەت و ئیمان و خزمەت و سەور و بەردەوام بین توی خەوەر دێرم و ئاگادارم که کاریل ئاخرد له کاریل یەکم جارد فرەتره.

وەحی وه یوحەنا 3:10

وه بونەێ ئیه که قسیه مه له باوەت سەور و بەردەوام بین پارێزانیده، منیش توی له سات ئەزمونێگ که وه سەر تەمام جهان تێد تا نیشتەجێیل زەوی ئەزمون بکێد، پارێزنم.